ᠨᠡᠭᠦᠳᠡᠯᠴᠢᠳ ᠤᠨ ᠰᠣᠶᠣᠯ ᠢᠷᠭᠡᠨᠰᠢᠯ ᠣᠨ ᠵᠢᠯ ᠤᠨ ᠬᠠᠭᠤᠳᠠᠰᠤᠨ ᠳᠤ ᠠᠰᠢᠳᠠ ᠶᠢᠨ ᠢᠷᠦᠭᠡᠯ ᠰᠥᠩᠨᠡᠨ ᠥᠨᠥᠳᠥᠷ ᠲᠤ ᠬᠦᠷᠴᠦ ᠶᠠᠪᠤᠨᠠ᠃ | ᠠᠷᠠᠳ ᠤᠨ ᠥᠪ ᠰᠣᠶᠣᠯ ᠨᠢ ᠠᠮᠠᠨ ᠤᠯᠠᠮᠵᠢᠯᠠᠯ ᠢᠶᠠᠷ ᠲᠠᠮᠵᠢᠨ ᠥᠪᠯᠡᠭᠳᠡᠬᠦ ᠨᠢ ᠣᠯᠠᠨᠲᠠᠢ᠃ | ᠪᠠᠷᠭᠤ ᠨᠤᠲᠤᠭ ᠤᠨ ᠥᠪ ᠤᠯᠠᠮᠵᠢᠯᠠᠯ ᠤᠨ ᠳᠤᠮᠳᠠ ᠠᠴᠠ ᠪᠠᠷᠭᠤ ᠠᠷᠠᠳ ᠤᠨ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠢ ᠳᠤᠷᠠᠳᠬᠤ ᠦᠭᠡᠢ ᠪᠠᠶᠢᠵᠤ ᠪᠤᠯᠬᠤ ᠦᠭᠡᠢ᠃ ᠪᠠᠷᠭᠤ | ᠠᠷᠠᠳ ᠤᠨ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠨᠢ ᠣᠨ ᠵᠢᠯ ᠤᠨ ᠨᠤᠭᠤᠴᠠᠭᠠᠨ ᠳᠤ ᠨᠡᠯᠢᠶᠡᠳ ᠤᠯᠠᠨ ᠬᠥᠮᠥᠰ ᠲᠤ ᠮᠠᠷᠲᠠᠭᠳᠠᠯ ᠪᠣᠯᠵᠤ ᠪᠤᠢ ᠨᠢ ᠬᠠᠷᠠᠮᠰᠠᠯ ᠲᠠᠢ ᠪᠤᠯᠪᠠᠴᠦ | ᠪᠠᠷᠭᠤᠴᠤᠳ ᠤᠨ ᠳᠤᠮᠳᠠ ᠠᠴᠠ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠢᠶᠠᠨ ᠰᠠᠶᠢᠨ ᠮᠡᠳᠡᠳᠡᠭ ᠠᠬᠠᠮᠠᠳ ᠪᠤᠭᠤᠷᠤᠯᠴᠤᠳ ᠵᠥᠩᠳᠡᠭᠡᠨ ᠪᠤᠢ᠃ ᠠᠷᠠᠳ ᠤᠨ ᠥᠪ ᠪᠦᠭᠦᠨ | ᠤᠯᠠᠮᠵᠢᠯᠠᠯ ᠢᠶᠠᠷ ᠲᠠᠮᠵᠢᠨ ᠬᠥᠭᠵᠢᠨ ᠳᠡᠯᠭᠡᠷᠡᠳᠡᠭ ᠶᠤᠮ᠂ ᠡᠶᠢᠮᠦ ᠪᠣᠯᠬᠤᠷ ᠵᠠᠯᠠᠭᠤ ᠪᠠᠭᠠᠴᠤᠳ ᠮᠠᠷᠲᠠᠭᠳᠠᠨ ᠪᠤᠢ ᠥᠪ ᠰᠣᠶᠣᠯ ᠢᠶᠠᠨ ᠥᠪᠯᠡᠨ ᠤᠯᠠᠮᠵᠢᠯᠠᠵᠤ ᠪᠤᠢ | ᠨᠢ ᠪᠢᠳᠡᠨ ᠪᠦᠭᠦᠨ ᠤ ᠪᠠᠭ᠋ᠠᠷᠬᠠᠯ ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ | ᠥᠨᠥᠳᠥᠷ ᠤᠨ ᠰᠣᠷᠪᠤᠯᠵᠢᠯᠠᠭᠠ ᠶᠢᠨ ᠭᠡᠭᠡᠨ ᠬᠤᠶᠢᠮᠤᠷ ᠲᠠᠭᠠᠨ ᠮᠣᠷᠢ ᠰᠠᠶᠢᠨ ᠤᠨᠤᠳᠠᠭ᠂ ᠲᠡᠮᠡᠭᠡ ᠰᠠᠶᠢᠨ ᠤᠨᠤᠳᠠᠭ᠂ ᠮᠣᠷᠢᠨ ᠤ ᠴᠣᠯᠠ ᠳᠠᠭᠤᠳᠠᠳᠠᠭ᠂ | ᠲᠡᠮᠡᠭᠡᠨ ᠤ ᠴᠣᠯᠠ ᠳᠠᠭᠤᠳᠠᠳᠠᠭ᠂ ᠤᠯᠠᠨ ᠴᠤ ᠠᠷᠠᠳ ᠤᠨ ᠤᠯᠠᠮᠵᠢᠯᠠᠯ ᠢᠶᠠᠨ ᠥᠪᠯᠡᠨ ᠶᠠᠪᠤᠭᠠ ᠬᠠᠶᠢᠯᠠᠷ ᠲᠠᠬᠢ ᠨᠢᠭᠡᠳᠦᠭᠡᠷ ᠲᠤᠮᠳᠠᠳᠦ ᠰᠤᠷᠭᠠᠭᠤᠯᠢ ᠶᠢᠨ | ᠰᠤᠷᠤᠡᠡᠴᠢ ᠰᠦᠷᠯᠢᠭ ᠤᠨ ᠰᠣᠷᠪᠤᠯᠵᠢᠯᠠᠭᠠ ᠶᠢ ᠬᠤᠪᠢᠶᠠᠯᠴᠠᠶᠠ︕ | ᠲᠡᠷᠡ ᠪᠠᠷ ᠥᠪ ᠰᠣᠶᠣᠯ ᠤᠨ ᠭᠦᠨ ᠰᠢᠮᠡ ᠲᠠᠢ᠂ ᠥᠪ ᠤᠯᠠᠮᠵᠢᠯᠠᠯ ᠤᠨ ᠨᠠᠨᠳᠢᠨ ᠬᠥᠷᠥᠰᠥ ᠲᠠᠢ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠭᠠᠯᠪᠠᠷ | ᠰᠤᠮᠤᠨ ᠳᠤ 2006 ᠣᠨ ᠤ 9 ᠰᠠᠷᠠ ᠶᠢᠨ 27 ᠤ ᠡᠳᠦᠷ ᠰᠢᠯᠢᠳᠡᠭ ᠮᠠᠯᠴᠢᠨ ᠋ᠡᠷᠳᠡᠨᠢᠰᠦ᠋᠊ᠬᠡ᠂ ᠰᠠᠷᠠᠨᠠ ᠬᠡᠮᠡᠬᠦ ᠠᠵᠠ ᠵᠢᠷᠭᠠᠯᠲᠤ ᠬᠤᠣᠰ ᠤᠨ ᠡᠩᠬᠦᠷᠡᠢ | ᠦᠷᠡ ᠨᠢ ᠪᠣᠯᠵᠤ ᠵᠠᠶᠠᠭᠠᠵᠠᠢ᠃ | ᠲᠡᠭᠦᠨ ᠤ ᠠᠪᠤ ᠡᠷᠳᠡᠨᠢᠰᠦ᠋ᠬᠡ ᠬᠥᠯᠥᠨ ᠪᠤᠶᠢᠷ ᠬᠤᠲᠠ ᠶᠢᠨ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠲᠡᠮᠡᠭᠡᠨ ᠰᠣᠶᠣᠯ ᠤᠨ ᠦᠢᠯᠡᠰ ᠤᠨ ᠨᠡᠶᠢᠭᠡᠮᠯᠢᠭ ᠤᠨ | ᠲᠡᠷᠢᠭᠦᠯᠡᠭᠴᠢ᠂ ᠬᠤᠷᠳᠤᠨ ᠲᠡᠮᠡᠭᠡᠨ ᠤ ᠦᠢᠯᠡᠰ ᠲᠤ ᠵᠢᠳᠬᠦᠯ ᠦᠵᠡᠭᠦᠯᠵᠦ᠂ ᠥᠪᠥᠷ ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠯᠳᠠᠷᠲᠤ ᠤᠶᠠᠭᠠᠴᠢ ᠴᠣᠯᠠ | ᠲᠠᠢ᠃ | ᠰᠦᠷᠯᠢᠭ ᠭᠡᠷ ᠪᠦᠯᠢ ᠶᠢᠨ ᠨᠥᠯᠥᠭᠡ ᠠᠴᠠ ᠪᠠᠨ ᠪᠣᠯᠵᠤ ᠬᠠᠷᠠ ᠪᠠᠭᠠ ᠠᠴᠠ ᠪᠠᠨ ᠰᠣᠶᠣᠯ ᠲᠡᠦᠬᠡᠨ ᠳᠤ ᠬᠠᠶᠢᠷᠠ ᠲᠠᠢ ᠪᠣᠯᠵᠤ ᠬᠥᠮᠥᠵᠢᠭᠳᠡᠵᠡᠢ᠃ ᠠᠪᠤ | ᠡᠵᠢ ᠨᠢ ᠰᠦᠷᠯᠢᠭ ᠢ ᠪᠠᠷᠤᠭ ᠤᠬᠠᠭᠠ ᠣᠷᠣᠬᠤ ᠦᠶᠡ ᠪᠠᠷ ᠨᠢ ᠮᠣᠷᠢ ᠮᠠᠯ ᠲᠠᠢ ᠨᠣᠴᠣᠯᠳᠤᠭᠤᠯᠤᠨ᠂ ᠮᠠᠯ ᠤᠨ ᠳᠡᠷᠭᠡᠳᠡ ᠤᠬᠠᠭᠠᠨ ᠰᠠᠭᠤᠯᠭᠠᠭᠰᠠᠨ ᠪᠣᠯᠬᠤᠷ | ᠲᠡᠷᠡ ᠪᠠᠭᠠ ᠠᠴᠠ ᠪᠠᠨ ᠮᠣᠷᠢ ᠮᠠᠯ ᠳᠠᠭᠠᠨ ᠬᠠᠶᠢᠷᠠ ᠲᠠᠢ᠂ ᠰᠤᠷᠤᠯᠭᠠ ᠰᠣᠶᠣᠯ ᠳᠠᠭᠠᠨ ᠬᠢᠴᠢᠶᠡᠩᠭᠦᠢ ᠨᠢᠭᠡᠨ ᠪᠣᠯᠵᠤ ᠬᠥᠮᠥᠵᠢᠭᠳᠡᠵᠡᠢ᠃ | ᠰᠦᠷᠯᠢᠭ ᠢ ᠠᠪᠤ ᠨᠢ ᠭᠤᠷᠪᠠ ᠲᠦᠷᠪᠡᠨ ᠨᠠᠰᠤ ᠲᠠᠢ ᠠᠴᠠ ᠨᠢ ᠠᠳᠤᠭᠤ ᠮᠠᠯ ᠲᠠᠢ ᠣᠶᠢᠷᠠᠲᠤᠭᠤᠯᠤᠨ᠂ ᠳᠥᠷᠪᠡ ᠲᠠᠪᠤᠨ ᠨᠠᠰᠤᠨ ᠠᠴᠠ ᠨᠢ ᠮᠣᠷᠢ ᠲᠡᠮᠡᠭᠡ | ᠤᠨᠤᠭᠤᠯᠵᠦ ᠰᠤᠷᠭᠠᠵᠠᠢ᠃ ᠲᠡᠷᠡ ᠥᠪ ᠰᠣᠶᠣᠯ ᠳᠠᠭᠠᠨ ᠬᠠᠶᠢᠷᠠ ᠲᠠᠢ ᠠᠪᠤ ᠶᠢᠨ ᠢᠶᠠᠨ ᠨᠥᠯᠥᠭᠡ ᠪᠠᠷ ᠳᠥᠷᠪᠡ ᠲᠠᠪᠤᠨ ᠨᠠᠰᠤᠨ ᠠᠴᠠ ᠪᠠᠨ ᠰᠢᠯᠦᠭ ᠴᠡᠭᠡᠵᠢᠯᠡᠬᠦ | ᠠᠴᠠ ᠡᠬᠢᠯᠡᠭᠡᠳ ᠬᠥᠳᠡᠭᠡ ᠶᠢᠨ ᠠᠮᠢᠳᠤᠷᠠᠯ ᠠᠬᠤᠢ ᠲᠠᠢ ᠣᠶᠢᠷᠠᠬᠠᠨ ᠤᠯᠠᠨ ᠵᠦᠢᠯ ᠢ ᠰᠢᠮᠳᠠᠨ ᠰᠤᠷᠤᠯᠴᠠᠵᠠᠢ᠃ | - ᠮᠢᠨᠤ ᠪᠠᠭᠠ ᠨᠠᠰᠤᠨ ᠤ ᠬᠠᠮᠤᠭ ᠤᠨ ᠨᠠᠨᠳᠢᠨ ᠳᠤᠷᠠᠰᠤᠮᠵᠢ ᠶᠢᠨ ᠨᠢᠭᠡ ᠪᠣᠯ ᠲᠤᠯᠤᠭᠠᠨ ᠨᠠᠰᠤᠲᠠᠢ ᠳᠠᠭᠠᠨ︽2013 ᠣᠨ ᠤ ᠭᠤᠷᠪᠠᠳᠤᠭᠠᠷ ᠤᠳᠠᠭᠠᠨ ᠤ ᠲᠦᠮᠡᠨ | ᠠᠭᠲᠠ ᠶᠢᠨ ᠠᠳᠤᠭᠤᠨ ᠰᠣᠶᠣᠯ ᠤᠨ ᠨᠠᠭᠠᠳᠤᠮ︾ ᠤᠨ ᠶᠡᠭᠡ ᠨᠠᠰᠤᠨ ᠤ ᠮᠣᠷᠢᠨ ᠤ ᠤᠷᠤᠯᠳᠤᠭᠠᠨ ᠳᠤ ᠠᠪᠤ ᠶᠢᠨ ᠢᠶᠠᠨ ᠤᠶᠠᠭᠰᠠᠨ ᠤᠨᠠᠭᠠᠨ ᠭᠦᠯᠦᠭ ᠢᠶᠠᠨ | ᠤᠨᠤᠵᠦ ᠠᠶᠢᠷᠠᠭ ᠤᠨ ᠭᠤᠷᠪᠠ ᠳᠤ ᠬᠤᠷᠳᠤᠯᠠᠵᠤ ᠪᠠᠶᠢᠭᠰᠠᠨ ᠭᠡᠵᠦ ᠤᠷᠮᠠᠰᠢᠨ ᠶᠠᠷᠢᠬᠤ ᠨᠢ ᠬᠥᠮᠥᠨ ᠪᠣᠯᠭᠠᠨ ᠤ ᠪᠠᠭᠠ ᠨᠠᠰᠤᠨ ᠤ ᠳᠤᠷᠠᠰᠤᠮᠵᠢ ᠳᠤ ᠪᠠᠶᠢᠵᠤ | ᠴᠢᠳᠠᠬᠤ ᠦᠭᠡᠢ᠂ ᠲᠡᠭᠦᠨ ᠤ ᠯᠡ ᠪᠠᠭᠠ ᠨᠠᠰᠤᠨ ᠤ ᠳᠤᠷᠠᠰᠤᠮᠵᠢ ᠳᠤ ᠪᠠᠶᠢᠬᠤ ᠨᠢ ᠰᠣᠨᠢᠷᠬᠠᠯ ᠲᠠᠢ ᠪᠥᠭᠡᠳ ᠠᠬᠢᠨ ᠳᠠᠪᠲᠠᠭᠳᠠᠬᠤ ᠦᠭᠡᠢ ᠨᠢ ᠨᠠᠨᠳᠢᠨ ᠪᠣᠯᠵᠤ᠂ | ᠲᠡᠭᠦᠨ ᠤ ᠠᠮᠢᠳᠤᠷᠠᠯ ᠤᠨ ᠮᠥᠷ ᠪᠠᠳᠠᠭ ᠤᠳ ᠲᠤ ᠬᠤᠴᠣᠷᠬᠤ ᠨᠢ ᠯᠠᠪᠲᠠᠢ᠃ | ᠲᠡᠷᠡ ᠠᠪᠤ ᠪᠠᠨ ᠲᠠᠭᠠᠵᠦ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠡᠯᠡ ᠨᠤᠲᠤᠭ ᠢᠶᠠᠷ᠂ ᠬᠥᠯᠥᠨ ᠪᠤᠶᠢᠷ ᠤᠨ ᠢᠶᠠᠨ ᠡᠯᠡ ᠨᠤᠲᠤᠭ ᠢᠶᠠᠷ ᠲᠡᠮᠡᠭᠡ ᠤᠷᠤᠯᠳᠤᠵᠦ | ᠶᠠᠪᠤᠬᠤ ᠳᠠᠭᠠᠨ ᠤᠯᠠᠨ ᠠᠮᠵᠢᠯᠲᠠ ᠳᠤ ᠬᠦᠷᠴᠦ ᠪᠠᠶᠢᠭᠰᠠᠨ ᠪᠢᠯᠡ᠃ ᠲᠡᠮᠡᠭᠡᠨ ᠰᠣᠶᠣᠯ ᠤᠨ ᠶᠡᠭᠡ ᠥᠪ ᠠᠭᠤᠯᠬᠤᠨ ᠲᠠᠢ ᠠᠭᠤᠰᠤᠯᠴᠠᠨ᠂ ᠠᠳᠤᠭᠤᠨ ᠰᠣᠶᠣᠯ ᠢᠶᠠᠷ | ᠪᠠᠭ᠋ᠠᠷᠬᠠᠭᠰᠠᠨ ᠲᠡᠭᠦᠨ ᠤ ᠪᠠᠭᠠ ᠨᠠᠰᠤ ᠶᠠᠭᠠᠬᠢᠭᠰᠠᠨ ᠭᠤᠶᠤ︕ᠶᠠᠭᠠᠬᠢᠭᠰᠠᠨ ᠨᠠᠨᠳᠢᠨ ᠪᠤᠢ︖ | ᠲᠡᠮᠡᠭᠡᠨ ᠰᠣᠶᠣᠯ᠂ ᠠᠳᠤᠭᠤᠨ ᠰᠣᠶᠣᠯ ᠨᠢ ᠢᠵᠢᠯᠬᠡᠨ ᠨᠡᠭᠦᠳᠡᠯᠴᠢᠳ ᠤᠨ ᠰᠣᠶᠣᠯ ᠢᠷᠭᠡᠨᠰᠢᠯ ᠪᠣᠯᠵᠤ ᠢᠷᠡᠭᠰᠡᠨ ᠴᠤ᠂ ᠣᠶᠢᠷᠠ ᠶᠢᠨ ᠵᠢᠯ ᠤᠳ ᠳᠤ ᠲᠡᠮᠡᠭᠡ | ᠴᠥᠭᠡᠷᠡᠵᠦ ᠪᠠᠶᠢᠬᠤ ᠠᠴᠠ ᠪᠣᠯᠵᠤ᠂ ᠣᠷᠣᠨ ᠨᠤᠲᠤᠭ ᠲᠠᠭᠠᠨ ᠬᠤᠷᠳᠤᠨ ᠲᠡᠮᠡᠭᠡᠳ ᠲᠠᠢ᠂ ᠪᠠᠰᠠ ᠬᠤᠷᠳᠤᠨ ᠮᠣᠷᠢ ᠲᠠᠢ ᠪᠠᠶᠢᠨᠠ ᠭᠡᠳᠡᠭ ᠨᠢ ᠦᠨᠡᠬᠡᠷ ᠭᠢᠯᠪᠠᠷ ᠪᠤᠰᠤ | ᠪᠣᠯᠵᠠᠢ᠃ ᠭᠡᠬᠦ ᠳᠡᠭᠡᠨ ᠰᠦᠷᠯᠢᠭ ᠤᠨ ᠠᠪᠤ ᠨᠢ ᠠᠯᠢ ᠠᠯᠢ ᠶᠢ ᠨᠢ ᠤᠶᠠᠵᠤ ᠰᠣᠶᠢᠨ ᠠᠮᠵᠢᠯᠲᠠ ᠲᠠᠢ ᠶᠠᠪᠤᠵᠤ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠥᠪᠡᠷ ᠤᠨ ᠬᠦᠦ᠂ | ᠥᠬᠢᠨ ᠢᠶᠠᠨ ᠴᠤ ᠥᠪ ᠰᠣᠶᠣᠯ ᠤᠨ ᠶᠡᠭᠡ ᠲᠠᠯᠠᠢ ᠳᠤ ᠤᠮᠪᠠᠭᠤᠯᠤᠨ ᠬᠥᠮᠥᠵᠢᠭᠦᠯᠵᠦ ᠪᠠᠶᠢᠭᠠ ᠨᠢ ᠵᠠᠯᠠᠭᠤ ᠠᠪᠤ ᠨᠠᠷ ᠤᠨ ᠳᠠᠭᠤᠷᠢᠶᠠᠯ ᠪᠣᠯᠵᠤ ᠲᠠᠭᠠᠷᠠᠨᠠ᠃ ᠲᠡᠷᠡ | ᠮᠣᠷᠢ ᠲᠡᠮᠡᠭᠡ ᠲᠠᠢ ᠬᠠᠨᠢᠯᠠᠵᠤ᠂ ᠡᠪᠦᠭᠡᠳ ᠤᠨ ᠢᠷᠦᠭᠡᠯ ᠵᠥᠩᠨᠡᠯ ᠤᠨ ᠳᠤᠮᠳᠠᠭᠤᠷ ᠠᠵᠠ ᠵᠢᠷᠭᠠᠯ ᠲᠠᠢ ᠦᠰᠦᠨ ᠲᠣᠮᠣᠭᠠᠵᠢᠵᠠᠢ᠃ | ᠬᠠᠷᠠ ᠪᠠᠭᠠ ᠠᠴᠠ ᠪᠠᠨ ᠮᠣᠷᠢ᠂ ᠲᠡᠮᠡᠭᠡᠨ ᠤ ᠨᠢᠷᠤᠭᠤᠨ ᠳᠤ ᠬᠥᠮᠥᠨ ᠪᠣᠯᠤᠭᠰᠠᠨ ᠤ ᠨᠥᠯᠥᠭᠡ ᠠᠴᠠ ᠪᠣᠯᠵᠤ᠂ ᠲᠦᠭᠦᠭᠡ ᠣᠷᠣᠭᠰᠠᠨ ᠴᠠᠭ ᠠᠴᠠ ᠪᠠᠨ | ᠰᠢᠯᠦᠭ ᠤᠩᠰᠢᠬᠤ ᠳᠤᠷᠠᠲᠠᠢ᠂ ᠠᠩᠭᠢ ᠨᠢᠭᠡᠴᠢ ᠶᠢᠨ ᠢᠶᠠᠨ ᠡᠯᠡ ᠬᠥᠳᠡᠯᠭᠡᠭᠡᠨ ᠢ ᠬᠥᠲᠥᠯᠵᠦ ᠴᠢᠳᠠᠳᠠᠭ ᠨᠢ ᠰᠦᠷᠯᠢᠭ ᠤᠨ ᠥᠰᠴᠦ ᠲᠦᠷᠦᠭᠰᠡᠨ ᠣᠷᠴᠢᠨ ᠤ | ᠨᠥᠯᠥᠭᠡ ᠶᠤᠮ᠃ | - ᠠᠪᠤ ᠶᠢᠨ ᠮᠢᠨᠢ ᠰᠠᠶᠢᠨ ᠨᠠᠶᠢᠵᠠ ᠪᠤᠳᠠᠵᠠᠪ ᠠᠪᠠᠭᠠ ᠨᠠᠳᠠᠳᠤ ᠠᠩᠬᠠ ᠤᠳᠠᠭᠠ ᠲᠠᠭᠠ ᠶᠢᠨ ᠴᠣᠯᠠ ᠳᠠᠭᠤᠳᠠᠬᠤ ᠶᠢ ᠵᠢᠭᠠᠵᠤ ᠥᠭᠭᠦᠭᠰᠡᠨ ᠠᠴᠠ ᠮᠢᠨᠤ | ᠪᠠᠭᠠ ᠨᠠᠰᠤᠨ ᠳᠤ ᠪᠠᠰᠠ ᠨᠢᠭᠡ ᠰᠣᠨᠢᠷᠬᠠᠯ ᠲᠠᠢ ᠵᠦᠢᠯ ᠣᠷᠣᠵᠤ ᠢᠷᠡᠨ᠂ ᠮᠢᠨᠤ ᠪᠠᠭᠠ ᠨᠠᠰᠤ ᠶᠢ ᠤᠯᠠᠮ ᠤᠳᠬᠠ ᠲᠡᠭᠦᠯᠳᠡᠷ ᠪᠤᠯᠭᠠᠡᠡᠰᠠᠨ ᠪᠠᠶᠢᠯᠠ ᠭᠡᠵᠦ ᠰᠦᠷᠯᠢᠭ | ᠬᠦᠦ ᠤᠷᠮᠠ ᠲᠠᠢ ᠶᠠᠷᠢᠨᠠ᠃ | ᠠᠷᠠᠳ ᠤᠨ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠨᠢ ᠠᠮᠠ ᠪᠠᠷ ᠲᠠᠮᠵᠢᠨ ᠤᠯᠠᠮᠵᠢᠯᠠᠭᠳᠠᠳᠠᠭ ᠪᠣᠯᠬᠤᠷ ᠠᠷᠠᠳ ᠤᠨ ᠬᠥᠲᠥᠯᠥᠭᠴᠢ᠂ ᠢᠷᠦᠭᠡᠯᠴᠢ ᠪᠤᠳᠠᠵᠠᠪ ᠰᠦᠷᠯᠢᠭ ᠤᠨ | ᠠᠪᠢᠶᠠᠰ ᠪᠢᠯᠢᠭ ᠢ ᠪᠠᠭ᠋ᠠᠷᠬᠠᠨ᠂ ᠲᠡᠭᠦᠨ ᠢ ᠳᠠᠭᠠᠭᠤᠯᠤᠨ ᠮᠣᠷᠢᠨ ᠤ ᠴᠣᠯᠠ ᠳᠠᠭᠤᠳᠠᠬᠤ᠂ ᠲᠡᠮᠡᠭᠡᠨ ᠤ ᠴᠣᠯᠠ ᠳᠠᠭᠤᠳᠠᠬᠤ ᠶᠢ ᠵᠢᠭᠠᠨ ᠤᠯᠠᠮᠵᠢᠯᠠᠵᠤ᠂ ᠪᠢᠴᠢᠬᠠᠨ | ᠰᠦᠷᠯᠢᠭ ᠲᠤ ᠠᠷᠠᠳ ᠤᠨ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠤᠨ ᠦᠨᠡ ᠴᠡᠨᠡ ᠶᠢ ᠮᠡᠳᠡᠷᠡᠭᠦᠯᠦᠭᠰᠡᠨ ᠶᠤᠮ ᠪᠠᠶᠢᠵᠠᠢ᠃ | ᠰᠦᠷᠯᠢᠭ 2021 ᠣᠨ ᠤ 5 ᠰᠠᠷᠠ ᠳᠤ ︽ᠭᠠᠯᠪᠠᠷ ᠤᠨᠠᠭᠠᠨ ᠬᠤᠷᠳᠤ︾ ᠲᠠᠭᠠᠨ ᠤ ᠤᠷᠤᠯᠳᠤᠭᠠᠨ ᠳᠤ ᠳᠠᠭᠠ ᠶᠢᠨ ᠴᠣᠯᠠ ᠳᠠᠭᠤᠳᠠᠭᠰᠠᠨ ᠠᠴᠠ ᠡᠬᠢᠯᠡᠨ ᠲᠡᠷᠡ | ᠥᠪᠡᠷ ᠤᠨ ᠨᠤᠲᠤᠭ ᠤᠨ ᠣᠪᠣᠭᠠᠨ ᠨᠠᠶᠢᠷ ᠲᠤ᠂ ᠶᠡᠬᠡᠠ᠋ᠭᠤᠯᠠ᠂ ᠪᠠᠭᠠᠠ᠋ᠭᠤᠯᠠ ᠶᠢᠨ ᠲᠠᠭᠢᠯᠭᠠ ᠶᠢᠨ ᠨᠠᠶᠢᠷ ᠲᠤ ᠬᠤᠷᠳᠤᠨ ᠮᠣᠷᠢᠨ ᠤ ᠴᠣᠯᠠ ᠳᠠᠭᠤᠳᠠᠵᠤ ᠢᠷᠡᠭᠰᠡᠨ | ᠪᠢᠯᠡ᠃ | ︽ᠮᠣᠷᠢᠨ ᠤ ᠴᠣᠯᠠ ᠳᠠᠭᠤᠳᠠᠬᠤ ᠨᠢ ᠰᠢᠯᠦᠭ ᠨᠠᠶᠢᠷᠠᠭ ᠤᠩᠰᠢᠬᠤ ᠲᠠᠢ ᠠᠳᠠᠯᠢ ᠦᠭᠡᠢ᠂ ᠠᠮᠢᠰᠬᠤᠭᠠ ᠪᠠᠨ ᠲᠠᠭᠠᠷᠠᠭᠤᠯᠤᠨ᠂ ᠵᠠᠪᠠᠯ ᠥᠪᠡᠷ ᠤᠨ ᠭᠡᠬᠦ ᠬᠡᠪ | ᠨᠠᠮᠪᠠ ᠲᠠᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ︾ᠭᠡᠵᠦ ᠬᠡᠯᠡᠬᠦ ᠰᠦᠷᠯᠢᠭ ᠤᠨ ᠶᠠᠷᠢᠶᠠᠨ ᠠᠴᠠ ᠠᠳᠤᠭᠤᠨ ᠤ ᠰᠣᠶᠣᠯ᠂ ᠲᠡᠮᠡᠭᠡᠨ ᠤ ᠰᠣᠶᠣᠯ᠂ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠤᠨ ᠰᠣᠶᠣᠯ ᠢ | ᠪᠦᠭᠦᠨ ᠢ ᠪᠠᠭᠲᠠᠭᠠᠨ᠂ ᠡᠪᠦᠭᠡᠳ ᠠᠴᠠ ᠥᠪᠯᠡᠭᠰᠡᠨ ᠨᠠᠨᠳᠢᠨ ᠰᠣᠶᠣᠯ ᠢᠶᠠᠷ ᠢᠶᠠᠨ ᠪᠠᠭ᠋ᠠᠷᠬᠠᠵᠤ ᠪᠤᠢ ᠨᠢ ᠢᠯᠡᠭᠡᠨ᠃ | 2022 ᠣᠨ ᠤ ᠬᠥᠯᠥᠨ ᠪᠤᠶᠢᠷ ᠬᠤᠲᠠ ᠶᠢᠨ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠬᠤᠰᠢᠭᠤᠨ ᠨᠠᠶᠢᠷ ᠲᠤ ᠰᠦᠷᠯᠢᠭ ᠬᠤᠷᠳᠤᠨ ᠲᠠᠭᠠ ᠶᠢᠨ ᠴᠣᠯᠠ | ᠪᠠᠨ ᠳᠠᠭᠤᠳᠠᠵᠤ ᠪᠠᠷᠠᠭᠠᠳ᠂ ᠲᠠᠭᠢᠨ ᠲᠡᠮᠡᠭᠡ ᠴᠣᠯᠠᠯᠠᠭᠰᠠᠨ ᠨᠢ ᠮᠠᠰᠢ ᠰᠣᠨᠢᠷᠬᠠᠯᠲᠠᠢ ᠪᠠᠶᠢᠵᠤ᠂ ᠤᠯᠠᠨ ᠬᠥᠮᠥᠰ ᠤᠨ ᠠᠩᠬᠠᠷᠤᠯ ᠳᠤ ᠬᠦᠷᠴᠦ᠂ ᠪᠠᠭ᠋ᠠᠷᠬᠠᠯ ᠢ ᠲᠠᠲᠠᠵᠤ | ᠪᠠᠶᠢᠭᠰᠠᠨ ᠪᠢᠯᠡ᠃ | - ︽ᠪᠢ ᠬᠤᠶᠠᠷ ᠤᠳᠠᠭᠠ ᠲᠡᠮᠡᠭᠡᠨ ᠤ ᠴᠣᠯᠠ ᠳᠠᠭᠤᠳᠠᠵᠠᠢ᠃ ᠨᠢᠭᠡᠳᠦᠭᠡᠷ ᠤᠳᠠᠭᠠ ᠨᠢ ᠪᠠᠭᠰᠢ ᠠᠪᠠᠭᠠ ᠪᠤᠳᠠᠵᠠᠪ ᠲᠠᠢ ᠪᠠᠨ ᠬᠠᠮᠲᠤ᠂ ᠬᠤᠶᠠᠳᠤᠭᠠᠷ | ᠤᠳᠠᠭᠠ ᠨᠢ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠨᠠᠭᠠᠳᠤᠮ ᠳᠤ ᠠᠪᠤ ᠲᠠᠢ ᠮᠢᠨᠢ ᠠᠳᠠᠯᠢᠬᠠᠨ ᠬᠤᠷᠳᠤᠨ ᠲᠡᠮᠡᠭᠡᠨ ᠤ ᠦᠢᠯᠡᠰ ᠲᠤ ᠠᠮᠵᠢᠯᠲᠠ | ᠲᠡᠭᠦᠯᠳᠡᠷ ᠶᠠᠪᠤᠭᠠ ᠮᠠᠨ ᠤ ᠣᠷᠣᠨ ᠤ ᠠᠯᠳᠠᠷᠲᠤ ᠤᠶᠠᠭᠠᠴᠢ ᠴᠣᠯᠠ ᠲᠠᠢ ᠡᠩᠭᠡᠨ᠋ᠠᠮᠦᠷ ᠠᠪᠠᠭᠠ ᠶᠢᠨ ᠢᠶᠠᠨ ᠥᠨᠳᠥᠷ ᠤᠯᠠᠭᠠᠨ ᠲᠡᠮᠡᠭᠡ ᠶᠢ ᠤᠨᠤᠵᠦ ᠲᠡᠷᠢᠭᠦᠯᠡᠭᠰᠡᠨ᠂ | ᠲᠡᠭᠡᠭᠡᠳ ᠠᠪᠠᠭᠠ ᠶᠢᠨ ᠬᠤᠷᠳᠤᠨ ᠰᠢᠷᠠ ᠠᠲᠠ ᠶᠢ ᠤᠨᠤᠵᠦ ᠴᠣᠯᠠ ᠳᠠᠭᠤᠳᠠᠭᠰᠠᠨ ᠶᠤᠮ︾ᠭᠡᠵᠦ ᠶᠠᠷᠢᠬᠤ ᠨᠢ ᠬᠥᠯᠥᠨ ᠪᠤᠶᠢᠷ ᠤᠨ ᠲᠠᠯᠠ ᠨᠤᠲᠤᠭ ᠠᠴᠠ | ᠥᠭᠡᠷᠡ ᠬᠠᠮᠢᠭᠠᠬᠢ ᠲᠠᠯᠠ ᠨᠤᠲᠤᠭ ᠲᠤ ᠡᠶᠢᠮᠦ ᠰᠠᠶᠢᠬᠠᠨ ᠥᠪᠡᠷᠮᠢᠴᠡ ᠵᠢᠷᠤᠭᠯᠠᠯ ᠢ ᠣᠯᠵᠤ ᠬᠠᠷᠠᠬᠤ ᠪᠤᠢ ᠭᠡᠵᠦ ᠪᠤᠳᠤᠡᠡᠳᠠᠭᠤᠯᠤᠮᠠᠷ ᠠ᠋︕ | | ᠤᠸ᠋ᠮ ᠰᠠᠶᠢᠨ ᠠᠮᠤᠭᠤᠯᠠᠩ ᠪᠣᠯᠲᠤᠭᠠᠢ︕ | ᠡᠩᠬᠡ ᠰᠠᠶᠢᠬᠠᠨ ᠵᠢᠷᠭᠠᠯᠠᠩ ᠪᠣᠯᠲᠤᠭᠠᠢ︕ | ᠪᠤᠶᠠᠨ ᠦᠢᠯᠡᠳᠦᠭᠴᠢ ᠬᠡᠮᠡᠬᠦ ᠤᠰᠤᠨ ᠪᠠᠷᠰ ᠵᠢᠯ ᠤᠨ | ᠪᠣᠷᠣᠭᠠᠨ ᠬᠤᠷᠠ ᠲᠡᠩᠴᠡᠭᠰᠡᠨ ᠰᠠᠶᠢᠬᠠᠨ ᠴᠠᠭ ᠢᠶᠠᠷ | ᠬᠤᠰᠢᠭᠤ ᠴᠢᠭᠤᠯᠭᠠᠨ ᠤ ᠠᠷᠠᠳ ᠤᠨ ᠨᠠᠭᠠᠳᠤᠮ ᠤᠨ | ᠬᠤᠰᠢᠭᠤᠷᠠᠵᠤ ᠭᠠᠷᠤᠭᠰᠠᠨ ᠬᠤᠷᠳᠤᠨ ᠲᠡᠮᠡᠭᠡᠳ ᠤᠨ | ᠭᠤᠴᠢᠨ ᠭᠠᠵᠠᠷ ᠤᠨ ᠤᠷᠤᠯᠳᠤᠭᠠᠨ ᠳᠤ | ᠭᠤᠷᠪᠠᠨ ᠭᠠᠵᠠᠷ ᠰᠤᠭᠤᠷᠠᠵᠤ | ᠵᠢᠷᠠᠨ ᠭᠠᠵᠠᠷ ᠤᠨ ᠤᠷᠤᠯᠳᠤᠭᠠᠨ ᠳᠤ | ᠵᠢᠷᠭᠤᠭᠠᠨ ᠭᠠᠵᠠᠷ ᠲᠠᠰᠤᠷᠠᠵᠦ | ᠲᠠᠯᠠᠨ ᠭᠠᠵᠠᠷ ᠤᠨ ᠤᠷᠤᠯᠳᠤᠭᠠᠨ ᠳᠤ | ᠲᠠᠯᠳᠠ ᠣᠷᠣᠲᠠᠯᠠ ᠰᠤᠩᠭᠠᠵᠤ | ᠨᠠᠶᠠᠨ ᠭᠠᠵᠠᠷ ᠤᠨ ᠬᠤᠯᠠ ᠳᠤ | ᠨᠠᠢᠮᠠᠨ ᠭᠠᠵᠠᠷ ᠮᠠᠩᠯᠠᠶᠢᠯᠠᠵᠤ | ᠨᠠᠭᠠᠳᠤᠮᠴᠢᠨ ᠤᠯᠠᠨ ᠢ ᠪᠠᠶᠠᠰᠬᠠᠭᠰᠠᠨ | ᠡᠨᠡ ᠬᠤᠷᠳᠤᠨ ᠲᠡᠮᠡᠭᠡ ᠪᠣᠯᠪᠠᠯ᠄ | ᠥᠨᠢᠷ ᠪᠠᠷᠭᠤ ᠨᠤᠲᠤᠭ ᠲᠠᠭᠠᠨ | ᠥᠩᠭᠡ ᠵᠢᠪᠬᠤᠭᠠ ᠨᠡᠮᠡᠭᠰᠡᠨ | ᠤᠶᠠᠭᠠᠴᠢ ᠰᠣᠳᠣᠨ ᠡᠵᠡᠨ ᠳᠡᠭᠡᠨ | ᠤᠷᠮᠠ ᠵᠣᠷᠢᠭ ᠬᠠᠶᠢᠷᠠᠯᠠᠭᠰᠠᠨ | ᠥᠷᠭᠡᠨ ᠵᠤᠵᠠᠭᠠᠨ ᠰᠦᠷᠦᠭ ᠲᠡᠭᠡᠨ | ᠥᠷᠯᠥᠭ ᠰᠦᠷ ᠨᠢ ᠪᠣᠯᠤᠭᠰᠠᠨ | ᠦᠵᠡᠭᠰᠡᠨ ᠬᠠᠷᠠᠭᠰᠠᠨ ᠲᠦᠮᠡᠨ ᠳᠡᠭᠡᠨ | ᠥᠯᠵᠡᠢ ᠬᠡᠶᠢᠮᠣᠷᠢ ᠬᠤᠷᠤᠶᠢᠯᠠᠭᠰᠠᠨ | ᠠᠰᠠᠷ ᠰᠦᠷᠯᠢᠭ ᠪᠡᠶᠡ ᠳᠡᠭᠡᠨ | ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠠᠮᠢᠲᠠᠨ ᠤ ᠰᠢᠨᠵᠢ ᠶᠢ ᠪᠦᠷᠢᠳᠦᠭᠦᠯᠦᠭᠰᠡᠨ | ᠬᠤᠯᠤᠭᠠᠨᠠ ᠴᠢᠬᠢ ᠪᠠᠨ ᠬᠤᠯᠮᠠᠶᠢᠨ ᠲᠠᠰᠢᠵᠦ | ᠲᠤᠭᠤᠯᠬᠤ ᠵᠠᠮ ᠢᠶᠠᠨ ᠲᠣᠪᠴᠢᠯᠠᠨ ᠢᠷᠡᠳᠡᠭ | ᠪᠠᠷᠰ ᠤᠨ ᠪᠢᠷᠠ ᠪᠠᠷ ᠳᠡᠪᠬᠡᠷᠦᠨ ᠲᠡᠰᠢᠵᠦ | ᠪᠠᠷᠢᠶᠠᠨ ᠤ ᠭᠠᠵᠠᠷ ᠢᠶᠠᠨ ᠲᠣᠭᠤᠰᠣᠷᠠᠨ ᠢᠷᠡᠳᠡᠭ ᠁ ᠭᠡᠵᠦ ᠲᠡᠮᠡᠭᠡ ᠪᠠᠨ ᠴᠣᠯᠠᠯᠠᠨ | ᠤᠯᠠᠨ ᠴᠤ ᠬᠥᠮᠥᠰ ᠤᠨ ᠰᠡᠳᠬᠢᠯ ᠳᠤ ᠭᠦᠷᠲᠡᠯᠡ ᠴᠣᠯᠠᠯᠠᠵᠤ᠂ ᠮᠣᠷᠢ ᠲᠡᠮᠡᠭᠡ ᠪᠠᠨ ᠤᠨᠤᠵᠦ ᠰᠣᠶᠢᠨ᠂ ᠡᠯᠡ ᠨᠤᠲᠤᠭ ᠣᠷᠣᠨ ᠤ ᠤᠷᠤᠯᠳᠤᠭᠠᠨ ᠢᠶᠠᠷ ᠶᠠᠪᠤᠵᠤ᠂ | ᠭᠠᠨᠵᠤᠭᠠ ᠳᠦᠭᠦᠷᠡᠩ ᠪᠤᠴᠠᠨ ᠢᠷᠡᠵᠤ᠂ ᠰᠤᠷᠭᠠᠭᠤᠯᠢ ᠶᠢᠨ ᠢᠶᠠᠨ ᠬᠤᠨᠭ᠍ᠬᠤᠨ ᠲᠠᠭᠤᠨ ᠲᠠᠢ ᠤᠷᠤᠯᠳᠤᠨ ᠰᠤᠷᠤᠯᠴᠠᠬᠤ ᠰᠦᠷᠯᠢᠭ ᠤᠨ ᠢᠷᠡᠭᠡᠳᠦᠢ ᠢᠷᠦᠭᠡᠯ | ᠪᠢᠯᠬᠠᠨ ᠠᠵᠠ ᠵᠢᠷᠭᠠᠯ ᠳᠤᠷᠠᠶᠢᠨᠠ᠃ | |