ᠬᠦᠮᠦᠨ ᠤ ᠠᠮᠢᠲᠤᠷᠠᠯ ᠭᠡᠵᠤ ᠤᠷᠤᠰᠬᠠᠯ ᠤᠰᠤ ᠮᠡᠲᠦ᠃ ᠬᠤᠯᠠ ᠶᠢ ᠵᠤᠷᠢᠭᠰᠠᠨ ᠤᠷᠤᠰᠬᠠᠯ ᠤᠰᠤ ᠬᠠᠶᠠ ᠨᠠᠷᠢᠰᠤᠨ ᠰᠤᠨᠤᠯᠵᠠᠵᠤ᠂ ᠬᠠᠶᠠ ᠦᠷᠭᠡᠵᠢᠨ | ᠦᠶᠡᠯᠵᠢᠵᠤ᠂ ᠵᠠᠷᠢᠮ ᠳᠤ ᠪᠠᠨ ᠲᠠᠰᠤᠷᠠᠭᠠᠳ ᠲᠠᠯᠲᠠ ᠤᠷᠤᠭᠰᠠᠨ ᠴᠦ ᠲᠠᠬᠢᠭᠠᠳ ᠮᠤᠷᠤᠯᠵᠠᠨᠠ᠃ ᠪᠣᠷᠣᠭᠠᠨ ᠤ ᠤᠯᠠᠷᠢᠯ ᠪᠤᠯᠬᠤ ᠪᠠᠷ ᠤᠯᠠᠭᠠᠨ ᠢᠶᠠᠷ ᠡᠷᠬᠢᠯᠲᠦᠨ | ᠤᠶᠢᠯᠤᠨ ᠲᠠᠪᠠᠯᠭᠠᠯᠠᠵᠤ᠂ ᠡᠪᠤᠯ ᠤᠨ ᠲᠠᠰᠬᠢᠮᠠ ᠬᠦᠢᠲᠡᠨ ᠳᠤ ᠰᠢᠷᠠᠯᠠᠭᠰᠠᠨ ᠵᠦᠯᠭᠡ ᠪᠠᠨ ᠦᠨᠦᠰᠤᠨ ᠬᠠᠭᠠ ᠬᠦᠯᠲᠡᠲᠡᠭ ᠤᠴᠢᠷ ᠲᠠᠢ᠃ | ᠠᠮᠢ ᠨᠠᠰᠤᠨ ᠤ ᠴᠤᠪᠤᠭᠤᠯᠵᠤ ᠤᠷᠬᠢᠭᠰᠠᠨ ᠮᠦᠷ — — 2002 ᠤᠨ᠂ ᠲᠡᠤᠭᠡ ᠶᠢᠨ ᠤᠷᠲᠤ ᠤᠷᠤᠰᠬᠠᠯ ᠳᠤ ᠲᠤᠰᠤᠯ ᠤᠰᠤ ᠯᠠ ᠲᠡᠲᠦᠢ᠂ | ᠡᠨᠡᠬᠦ ᠪᠤᠴᠠᠯᠲᠠ ᠦᠭᠡᠢ ᠦᠩᠭᠡᠷᠡᠨ ᠤᠲᠤᠭᠰᠠᠨ ᠤᠨ ᠵᠢᠯ ᠨᠢ ᠮᠠᠯᠴᠢᠨ ᠵᠢᠷᠠᠡᠨᠢᠭᠡ ᠶᠢᠨ ᠠᠵᠤ ᠠᠮᠢᠲᠤᠷᠠᠯ ᠠᠲᠠᠯ ᠦᠢᠯᠡᠰ ᠲᠤ ᠨᠢ ᠡᠷᠬᠢᠯᠲᠡ ᠶᠢᠨ ᠴᠢᠨᠠᠷᠲᠠᠢ | ᠬᠤᠪᠢᠷᠠᠯᠲᠠ ᠭᠠᠷᠭᠠᠵᠠᠢ᠃ ᠬᠦᠮᠦᠨ ᠭᠡᠵᠤ ᠬᠦᠷᠦᠰᠦᠲᠤ ᠲᠡᠯᠡᠭᠡᠢ ᠳᠤ ᠮᠦᠷ ᠢᠶᠠᠨ ᠦᠯᠡᠲᠡᠭᠡᠵᠦ ᠪᠠᠶᠢᠭᠰᠠᠨ ᠴᠠᠭ ᠲᠤ ᠶᠠᠭᠤ ᠨᠢᠭᠡ ᠶᠢ ᠰᠡᠲᠦᠵᠦ ᠶᠠᠭᠤ ᠨᠢᠭᠡ ᠶᠢ | ᠪᠦᠲᠦᠭᠡᠵᠦ ᠶᠠᠪᠤᠨᠠ ᠭᠡᠭᠴᠢ ᠦᠢᠯᠡᠰᠴᠢ ᠬᠦᠮᠦᠨ ᠳᠤ ᠯᠠ ᠪᠠᠶᠢᠲᠠᠭ ᠠᠵᠢᠯᠴᠢ ᠵᠠᠩ᠃ ᠶᠡᠭᠡ ᠬᠠᠮᠲᠤ ᠠᠴᠠ ᠬᠤᠪᠢᠲᠠᠵᠤ ᠤᠯᠤᠭᠰᠠᠨ ᠲᠤᠭᠠ ᠲᠠᠢ ᠭᠡᠲᠦᠨ | ᠮᠠᠯ ᠢᠶᠠᠨ ᠬᠤᠲᠤᠭᠤᠷ ᠢᠶᠠᠷ ᠭᠡᠮᠵᠢᠲᠡᠯᠠ ᠦᠰᠭᠡᠶᠡ ᠭᠡᠵᠦ ᠴᠢᠷᠮᠠᠶᠢᠲᠠᠭ ᠨᠢ ᠮᠠᠯᠴᠢᠨ ᠬᠦᠮᠦᠨ ᠤ ᠪᠤᠲᠤᠯ᠃ | ᠨᠤᠲᠤᠭ ᠲᠠᠢ ᠬᠦᠮᠦᠨ ᠪᠠᠶᠠᠨ᠂ ᠮᠠᠯ ᠲᠠᠢ ᠬᠦᠮᠦᠨ ᠭᠡᠲᠡᠭᠡᠷ ᠭᠡᠲᠡᠭ᠃ ᠡᠪᠦᠭᠡᠳ ᠠᠴᠠ ᠦᠪᠯᠡᠭᠰᠡᠨ ᠨᠤᠲᠤᠭ ᠤᠨ ᠢᠶᠠᠨ ᠬᠠᠯᠠᠭᠤᠨ ᠬᠦᠷᠦᠰᠤᠨ ᠳᠤ | ᠮᠠᠯ ᠤᠨ ᠪᠤᠶᠠᠨ ᠢᠶᠠᠷ ᠴᠡᠭᠡᠵᠢ ᠲᠡᠨᠢᠬᠦᠨ᠂ ᠪᠠᠶᠠᠨ ᠵᠢᠷᠭᠠᠯᠠᠩ ᠠᠮᠢᠲᠤᠷᠠᠵᠤ ᠶᠠᠪᠤᠨᠠ ᠭᠡᠭᠴᠢ ᠵᠢᠷᠭᠠᠯ ᠤᠨ ᠲᠡᠭᠡᠲᠦ᠃ ᠲᠠᠪᠠᠯ ᠲᠠᠢ ᠮᠤᠩᠭᠤᠯ ᠤᠨ ᠲᠡᠯᠭᠡᠷ | ᠤᠬᠠᠭᠠᠨ ᠢᠶᠠᠷ ᠰᠢᠨᠠ ᠴᠠᠭ ᠤᠨ ᠰᠠᠶᠢᠬᠠᠨ ᠳᠤ ᠵᠢᠷᠭᠠᠵᠤ ᠶᠠᠪᠤᠭᠠ ᠵᠢᠷᠠᠡᠨᠢᠭᠡ ᠪᠤᠯ ᠤᠷᠠᠳ ᠤᠨ ᠲᠤᠮᠲᠠᠲᠤ ᠬᠤᠰᠢᠭᠤᠨ ᠤ ᠤᠩᠭᠤᠨ ᠪᠠᠯᠭᠠᠰᠤᠨ ᠤ ᠰᠢᠷᠠᠴᠢᠯᠠᠭᠤ | ᠭᠠᠴᠠᠭᠠᠨ ᠤ ᠮᠠᠯᠴᠢᠨ᠂ ᠪᠦᠬᠦ ᠤᠷᠤᠨ ᠤ ᠵᠠᠭᠤᠨ ᠰᠤᠲᠤᠨ ᠲᠠᠷᠢᠶᠠᠴᠢᠨ ᠮᠠᠯᠴᠢᠨ ᠤ ᠨᠢᠭᠡ ᠠᠯᠲᠠᠷ ᠢᠶᠠᠷ ᠡᠩᠭᠡᠷ ᠢᠶᠠᠨ ᠮᠢᠯᠢᠶᠠᠯᠭᠠᠭᠰᠠᠨ ᠬᠤᠰᠢᠭᠤᠴᠢ ᠬᠤᠨ᠃ | ᠨᠤᠮᠢᠨ ᠨᠤᠲᠤᠭ ᠤᠨ ᠬᠠᠮᠠᠭᠠᠯᠠᠭᠴᠢ ᠠᠮᠢ ᠠᠬᠤᠢ ᠤᠷᠴᠢᠨ ᠲᠤᠭᠤᠷᠢᠨ ᠳᠤ ᠪᠠᠨ ᠵᠤᠬᠢᠴᠠᠵᠤ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠨᠠ ᠭᠡᠭᠴᠢ ᠬᠦᠮᠤᠨ ᠲᠦᠷᠦᠯᠬᠢᠳᠡᠨ ᠤ | ᠤᠷᠤᠰᠢᠨ ᠲᠤᠭᠲᠠᠨᠢᠬᠤ ᠶᠢᠨ ᠵᠢᠮᠡ ᠶᠤᠰᠤ᠂ ᠨᠡ ᠢᠯᠠᠩᠭᠤᠶᠠ ᠠᠮᠢ ᠠᠬᠤᠢ ᠪᠠᠨ ᠰᠡᠷᠬᠦᠭᠡᠵᠦ ᠬᠠᠮᠠᠭᠠᠯᠠᠬᠤ ᠪᠤᠯ ᠮᠤᠨᠲᠠᠭ ᠦᠢᠯᠡᠰ ᠪᠠᠶᠢᠭᠠ ᠶᠤᠮ᠃ ᠭᠡᠲᠦᠨ | ᠮᠢᠩᠭᠠᠨ ᠵᠢᠯ ᠤᠨ ᠲᠤᠷᠰᠢ᠂ ᠡᠪᠦᠭᠡ ᠲᠠᠭᠡᠲᠦᠰ ᠮᠠᠨᠢ ᠡᠨᠡ ᠲᠤᠬᠠᠢ ᠠᠯᠢ ᠡᠷᠲᠡ ᠪᠦᠷᠢᠨ ᠤᠬᠠᠭᠠᠷᠠᠵᠤ᠂ ᠲᠠᠯᠠ ᠨᠤᠲᠤᠭ ᠲᠤ ᠨᠠᠬᠦᠲᠠᠯ ᠠᠮᠢᠲᠤᠷᠠᠯ ᠤᠨ ᠭᠠᠯ ᠢᠶᠠᠨ | ᠪᠠᠲᠠᠷᠠᠭᠠᠵᠤ᠂ ᠲᠠᠷᠬᠠᠨ ᠰᠤᠶᠤᠯ ᠢᠶᠠᠨ ᠦᠷᠡ ᠬᠤᠶᠢᠴᠢᠰ ᠲᠤ ᠪᠠᠨ ᠦᠪᠯᠡᠭᠰᠡᠨ ᠤᠴᠢᠷᠲᠠᠢ᠃ ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯ ᠨᠢᠰᠬᠦ ᠮᠡᠳᠤ ᠬᠦᠭᠵᠢᠭᠰᠡᠨ ᠦᠨᠦᠲᠦᠷ ᠴᠦ | ᠠᠮᠢ ᠠᠬᠤᠢ ᠪᠠᠶᠢᠭᠠᠯᠢ ᠤᠷᠴᠢᠨ ᠤ ᠬᠠᠮᠠᠭᠠᠯᠠᠯᠳᠠ ᠨᠢ ᠲᠦᠷᠦ ᠶᠢᠨ ᠲᠦᠪᠰᠢᠨ ᠤ ᠪᠤᠲᠤᠯᠭᠠ ᠳᠤ ᠪᠢᠴᠢᠭᠲᠡᠵᠤ᠂ ᠲᠡᠤᠭᠡᠨ ᠠᠴᠠ ᠤᠯᠠᠮᠵᠢᠯᠠᠯ ᠲᠠᠢ ᠪᠠᠶᠢᠭᠠᠯᠢ ᠢᠶᠠᠨ | ᠬᠠᠮᠠᠭᠠᠯᠠᠬᠤ ᠡᠨᠡᠬᠦ ᠠᠭᠤᠤ ᠶᠡᠭᠡ ᠤᠬᠠᠭᠠᠨ ︽ᠬᠠᠭᠤᠴᠢᠨ ᠶᠠᠭᠤᠮᠠ ᠤᠯᠠ ᠪᠤᠯᠤᠭᠠ︾ ᠦᠭᠡᠢ ᠨᠢ ᠦᠨᠡᠨ᠃ ᠬᠤᠷᠠ ᠪᠤᠷᠤᠭᠠᠨ ᠤ ᠬᠤᠮᠰᠠᠲᠠᠯ᠂ ᠤᠰᠤᠨ | ᠲᠦᠪᠰᠢᠨ ᠤ ᠲᠤᠷᠤᠭᠰᠢᠯᠠᠯ ᠵᠡᠷᠭᠡ ᠤᠯᠠᠨ ᠲᠠᠯᠠ ᠶᠢᠨ ᠰᠢᠯᠲᠠᠭᠠᠨ ᠠᠴᠠ ᠭᠠᠨᠭ᠌ ᠭᠠᠴᠢᠭ ᠥᠷᠭᠦᠯᠵᠢᠯᠡᠨ ᠨᠣᠳᠤᠭ ᠪᠡᠯᠴᠢᠭᠡᠷ ᠬᠥᠨᠳᠣ ᠨᠣᠴᠢᠳᠠᠢ ᠡᠯᠡᠰᠥᠷᠭᠡᠭᠵᠢᠨ | ᠠᠮᠢ ᠠᠬᠤᠢ ᠡᠳᠥᠷ ᠢᠷᠡᠬᠦᠶᠠ ᠮᠠᠭᠤᠲᠠᠨ᠂ ᠮᠠᠯᠴᠢᠳ ᠤᠨ ᠠᠮᠢᠳᠣᠷᠠᠯ ᠲᠣᠩ ᠶᠡᠭᠡ ᠬᠥᠴᠢᠷᠳᠡᠯ ᠲᠣᠯᠭᠠᠷᠠᠵᠣ ᠪᠠᠶᠢᠭᠠ ᠶᠢ ᠨᠢᠲᠤ ᠲᠠᠢ ᠪᠤᠯᠭᠠᠨ ᠬᠠᠷᠠᠵᠤ᠂ | ᠴᠢᠬᠢ ᠲᠠᠢ ᠪᠤᠯᠭᠠᠨ ᠰᠤᠨᠤᠰᠴᠤ ᠢᠷᠡᠭᠰᠡᠨ ᠨᠢ ᠤᠨ ᠤᠲᠠᠭᠰᠠᠨ ᠬᠠᠭᠤᠴᠢ ᠶᠠᠷᠢᠶᠠ ᠰᠢᠬᠠᠮ ᠪᠤᠯᠵᠠᠢ᠃ ᠨᠡᠩ ᠴᠦ ᠮᠠᠯ ᠢᠶᠠᠨ ᠭᠡᠰᠡᠨ ᠮᠠᠯᠴᠢᠨ ᠲᠦᠮᠡᠨ ᠤ ᠡᠮᠦᠨᠡ | ᠲᠠᠯᠪᠢᠭᠲᠠᠭᠰᠠᠨ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠲᠤᠮᠤ ᠠᠰᠠᠭᠤᠲᠠᠯ ᠤᠨ ᠨᠢᠭᠡ ᠪᠤᠯᠵᠤ᠂ ᠪᠤᠯᠲᠠᠭ ᠰᠠᠨ ᠪᠤᠯ ᠠᠰᠠᠬᠷᠠᠬᠤ ᠬᠦᠯᠦᠰᠤ᠂ ᠲᠤᠰᠤᠯᠠᠬᠤ | ᠨᠢᠯᠪᠤᠰᠤ ᠪᠠᠷ ᠢᠶᠠᠨ ᠡᠭᠡ ᠭᠠᠵᠠᠷ ᠢᠶᠠᠨ ᠤᠮᠲᠠᠯᠠᠭᠰᠠᠨ ᠴᠦ ︽ᠦᠭᠡᠢ︾ ᠭᠡᠬᠦ ᠬᠦᠮᠦᠨ ᠠᠯᠠᠭᠠ᠃ | — — ᠪᠢᠲᠠᠨ ᠤ ᠪᠡᠯᠴᠢᠭᠡᠷ ᠪᠠᠭᠠ ᠲᠡᠭᠡᠷᠡ ᠪᠠᠨ ᠡᠨᠡ ᠭᠡᠲᠦᠨ ᠵᠢᠯ ᠭᠠᠩ ᠦᠷᠬᠦᠯᠵᠢᠯᠡᠵᠦ᠂ ᠪᠡᠯᠴᠢᠭᠡᠷ ᠰᠡᠷᠬᠦᠬᠦ ᠳᠤ ᠬᠦᠴᠢᠷ ᠲᠠᠢ ᠪᠠᠶᠢᠨᠠ᠃ | ᠲᠠ ᠮᠠᠯ ᠢᠶᠠᠨ ᠴᠦᠭᠡᠴᠢᠯᠡᠬᠦ ᠦᠭᠡᠢ ᠤᠤ︖ | — — ᠮᠠᠯ ᠢᠶᠠᠨ ᠴᠦᠭᠡᠨ ᠪᠤᠯᠭᠠᠴᠢᠬᠠᠭᠠᠳ ᠶᠠᠭᠠᠬᠢᠵᠤ ᠠᠮᠢᠲᠤᠷᠠᠬᠤ ᠶᠤᠮ ᠁ | — — ᠬᠤᠶᠠᠷ ᠪᠤᠭᠲᠠ ᠶᠢᠨ ᠴᠠᠭᠠᠨ ᠢᠮᠠᠭᠠᠨ ᠤ ᠤᠬᠤᠨᠠ ᠲᠡᠯᠪᠢᠵᠤ ᠡᠬᠦᠯᠲᠡᠷ ᠰᠠᠶᠢᠵᠢᠷᠠᠭᠤᠯᠤᠨᠠ᠂ ᠢᠩᠬᠢᠪᠡᠯ ᠮᠠᠯ ᠢᠶᠠᠨ ᠴᠦᠭᠡᠴᠢᠯᠡᠭᠰᠡᠨ ᠴᠦ | ᠤᠷᠤᠯᠭᠠ ᠪᠠᠭᠠᠲᠠᠬᠤ ᠦᠭᠡᠢ ᠰᠢᠤ᠃ ᠲᠡᠭᠡᠬᠦ ᠮᠦᠷᠲᠡᠭᠡᠨ ᠨᠤᠲᠤᠭ ᠪᠡᠯᠴᠢᠭᠡᠷ ᠢᠶᠠᠨ ᠴᠦ ᠬᠠᠮᠠᠭᠠᠯᠠᠴᠢᠬᠠᠨᠠ᠃ | — — ᠨᠤᠯᠤᠤᠷ ᠤᠨ ᠭᠠᠷᠤᠯᠲᠠ ᠪᠠᠭᠠ᠂ ᠬᠠᠰᠢᠯᠠ ᠪᠤᠰᠤᠳ ᠤᠬᠤᠨᠠ ᠨᠢ ᠰᠠᠶᠢᠨ᠂ ᠨᠤᠯᠤᠤᠷ ᠤᠨ ᠭᠠᠷᠤᠯᠲᠠ ᠨᠢ ᠬᠤᠶᠠᠷ ᠵᠢᠩ ᠲᠡᠬᠦᠨᠠ᠃ | — — ᠲᠡᠷᠡ ᠴᠦ ᠲᠡᠶᠢᠮᠦ᠂ ᠭᠡᠬᠦ ᠳᠤ ᠦᠨᠡ ᠨᠢ ᠲᠤᠤᠷᠠ᠂ ᠬᠤᠶᠠᠷ ᠪᠤᠭᠲᠠ ᠶᠢᠨ ᠴᠠᠭᠠᠨ ᠢᠮᠠᠭᠠᠨ ᠤ ᠤᠬᠤᠨᠠ ᠲᠠᠯᠪᠢᠭᠰᠠᠨ ᠴᠦ ᠵᠢᠩ ᠭᠠᠷᠤᠢ | ᠪᠤᠯᠤᠨᠠ᠂ ᠮᠦᠨᠴᠦ ᠨᠤᠲᠤᠭ ᠤᠨ ᠰᠢᠯᠢᠲᠡᠭ ᠡᠬᠦᠯᠲᠡᠷ ᠤᠨ ᠤᠬᠤᠨᠠ ᠰᠢᠤ᠃ ᠬᠤᠶᠠᠷ ᠪᠤᠭᠲᠠ ᠶᠢᠨ ᠴᠠᠭᠠᠨ ᠢᠮᠠᠭᠠ ᠭᠡᠲᠦᠨ ᠵᠠᠭᠤᠨ ᠤ ᠰᠡᠯᠬᠢ ᠪᠤᠷᠤᠭᠠᠨ᠂ | ᠬᠠᠯᠠᠭᠤᠨ ᠬᠦᠢᠲᠡᠨ ᠢ ᠦᠩᠭᠡᠷᠡᠭᠡᠵᠦ᠂ ᠮᠠᠨ ᠤ ᠨᠤᠲᠤᠭ ᠤᠨ ᠠᠭᠤᠷ ᠠᠮᠢᠰᠬᠤᠯ ᠲᠠᠢ ᠵᠤᠬᠢᠴᠠᠭᠰᠠᠨ ᠪᠠᠶᠢᠲᠠᠭ ᠰᠢᠤ᠃ ᠪᠤᠰᠤᠳ ᠡᠬᠦᠯᠲᠡᠷ ᠤᠨ ᠤᠬᠤᠨᠠ ᠶᠢ | ᠭᠡᠲᠦᠨ ᠵᠢᠯ ᠲᠠᠯᠪᠢᠭᠠᠳ ᠢᠷᠡᠬᠦ ᠳᠤ ᠨᠤᠯᠤᠤᠷ ᠤᠨ ᠰᠢᠷᠬᠢᠭ ᠪᠦᠲᠦᠬᠦᠨ ᠪᠤᠯᠵᠤ᠂ ᠨᠤᠯᠤᠤᠷ ᠨᠢ ᠨᠤᠤᠰᠤ ᠰᠢᠭ᠋ ᠪᠤᠯᠤᠨᠠ︕ ᠬᠤᠵᠢᠮ ᠢᠶᠠᠨ ᠪᠤᠲᠤᠪᠠᠯ ᠠᠰᠢᠭ | ᠦᠭᠡᠢ ᠯᠡ ᠳ᠋ᠡ︕ | — — ᠲᠠᠷᠠᠭᠠ ᠪᠠᠷ ᠪᠤᠯᠤᠶᠠ᠃ | ᠡᠷᠦᠭᠡ ᠪᠤᠯᠭᠠᠨ ᠢᠶᠠᠷ ᠤᠷᠤᠵᠤ᠂ ᠠᠶᠠᠭᠠ ᠴᠠᠢ ᠪᠠᠷ ᠦᠯ ᠢᠶᠠᠨ ᠲᠠᠷᠤᠨ᠂ ᠶᠤᠰᠤ ᠤᠴᠢᠷ ᠢ ᠭᠡᠯᠡ ᠪᠠᠨ ᠬᠦᠰᠢᠲᠡᠯᠡ ᠬᠦᠵᠦᠬᠦᠦ ᠪᠠᠨ ᠰᠤᠨᠲᠠᠯᠠ ᠶᠠᠷᠢᠵᠤ | ᠶᠠᠪᠤᠭᠠ ᠡᠨᠡ ᠬᠦᠮᠦᠨ ᠢ ᠵᠢᠷᠠᠡᠨᠢᠭᠡ ᠭᠡᠲᠡᠭ᠃ ᠬᠦᠷᠦᠰᠦᠯᠢᠭ ᠪᠤᠷᠤ ᠴᠢᠷᠠᠢ ᠲᠠᠢ᠂ ᠦᠳᠭᠡᠨ ᠬᠠᠷᠠ ᠬᠦᠮᠦᠰᠭᠡ ᠲᠠᠢ᠂ ᠲᠦᠷᠯᠡᠭᠡᠷ ᠠᠯᠠᠭ ᠨᠢᠲᠤ ᠲᠠᠢ᠂ ᠨᠠᠮ | ᠲᠦᠯᠭᠡᠨ ᠶᠠᠷᠢᠶᠠ ᠬᠦᠭᠡᠷᠦᠭᠡ ᠲᠠᠢ᠂ ᠪᠦᠭᠡᠴᠢᠨ ᠬᠦᠮᠦᠨ ᠤ ᠲᠦᠯᠦᠪ ᠲᠠᠢ᠂ ᠲᠠᠶᠠᠩ ᠢ ᠲᠤᠭᠤᠷᠢᠨ ᠬᠠᠷᠠᠭᠠ ᠦᠷᠭᠡᠵᠢᠵᠦ ᠵᠠᠯᠠᠭᠤ ᠪᠠᠷ ᠢᠶᠠᠨ ᠬᠠᠰᠢᠷᠵᠢᠭᠰᠠᠨ | ᠬᠦᠮᠦᠨ ᠤ ᠨᠢᠭᠡ᠂ ᠤᠷᠠᠳ ᠨᠤᠲᠤᠭ ᠤᠨ ᠤᠤᠭᠠᠯ᠃ ᠲᠡᠭᠡᠲᠦ ᠲᠤᠮᠲᠠᠲᠤ ᠪᠠᠨ ᠲᠡᠬᠦᠰᠭᠡᠭᠰᠡᠨ ᠤ ᠲᠠᠷᠠᠭᠠ ᠭᠠᠯ ᠵᠠᠯᠠᠭᠤ ᠶᠢᠨ ᠤᠮᠤᠭ ᠢᠶᠠᠷ ᠶᠠᠭᠤ ᠨᠢᠭᠡ ᠶᠢ ᠬᠢᠵᠦ | ᠪᠦᠲᠦᠭᠡᠨᠡ ᠭᠡᠬᠦ ᠰᠠᠶᠢᠬᠠᠨ ᠬᠦᠰᠡᠯ ᠢ ᠡᠪᠤᠷᠯᠡᠨ ᠨᠡᠶᠢᠭᠡᠮ ᠤᠨ ᠤᠷᠤᠰᠬᠠᠯ ᠳᠤ ᠭᠤᠶᠠᠲᠠᠭᠲᠠᠵᠤ᠂ ᠬᠦᠪᠴᠤ ᠵᠢᠪᠴᠤ ᠶᠠᠪᠤᠭᠰᠠᠨ ᠤᠴᠢᠷ ᠲᠠᠢ᠃ ᠦᠪᠡᠷ ᠤᠨ | ᠪᠤᠲᠤᠯ ᠨᠢ ᠦᠷᠦᠭᠡᠯ ᠪᠤᠰᠤᠳ ᠲᠤ ᠲᠠᠭᠠᠯᠠᠭᠲᠠᠬᠤ ᠦᠭᠡᠢ ᠪᠠᠶᠢᠭᠠ ᠨᠢ ᠲᠡᠬᠦᠨ ᠳᠤ ᠨᠢᠭᠡ ᠶᠤᠰᠤᠨ ᠳᠤ ᠪᠠᠨ ᠴᠤᠬᠢᠯᠲᠠ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ ᠪᠤᠷᠬᠠᠨ ᠲᠡᠭᠷᠢ | ᠮᠢᠨᠢ ᠬᠤᠷᠠ ᠪᠤᠷᠤᠭᠠᠨ ᠢᠶᠠᠨ ᠬᠠᠶᠢᠷᠠᠯᠠᠭᠠᠰᠠᠢ ᠭᠡᠵᠤ ᠦᠶᠡ ᠶᠢᠨ ᠦᠶᠡ ᠲᠡᠭᠷᠢ ᠶᠢᠨ ᠴᠢᠷᠠᠢ ᠬᠠᠷᠠᠵᠤ᠂ ᠤᠰᠤᠨ ᠤ ᠲᠤᠩᠭᠠᠯᠠᠭ᠂ ᠡᠪᠡᠰᠤᠨ ᠤ ᠰᠤᠷᠭᠤᠭ ᠢ ᠡᠷᠢᠨ᠂ | ᠲᠤᠭᠤᠷᠭᠠ ᠪᠠᠭᠲᠠᠬᠤ ᠭᠠᠵᠠᠷ ᠲᠤ ᠭᠡᠷ ᠢᠶᠠᠨ ᠪᠠᠷᠢᠵᠤ᠂ ᠲᠤᠭᠤᠷᠠᠢ ᠪᠠᠭᠲᠠᠬᠤ ᠨᠤᠲᠤᠭ ᠲᠤ ᠮᠠᠯ ᠢᠶᠠᠨ ᠦᠰᠭᠡᠵᠦ ᠶᠠᠪᠤᠭᠰᠠᠨ ᠮᠠᠯᠴᠢᠳ ᠮᠠᠨᠢ ᠶᠠᠭᠠᠬᠢᠨ | ᠵᠢᠷᠡᠡᠨᠢᠭᠡ ᠶᠢᠨ ᠵᠦᠪᠯᠡᠯᠭᠡ ᠶᠢ ᠰᠤᠨᠤᠰᠬᠤ ᠠᠵᠠᠢ᠃ ᠨᠤᠯᠤᠤᠷ ᠠᠯᠲᠠ ᠰᠢᠭ᠋ ᠦᠨᠡ ᠬᠦᠷᠴᠦ ᠪᠦᠬᠦᠢ ᠲᠤᠬᠠᠢ ᠶᠢᠨ ᠴᠠᠭ ᠲᠤ ᠡᠶᠢᠮᠦᠷᠬᠦᠦ ᠪᠤᠲᠤᠯ ᠢ ᠬᠦᠮᠦᠰ | ᠬᠦᠯᠢᠶᠡᠵᠦ ᠠᠪᠬᠤ ᠦᠭᠡᠢ ᠪᠠᠶᠢᠬᠤ ᠨᠢ ᠲᠠᠮᠵᠢᠭ ᠦᠭᠡᠢ᠃ ︽ᠵᠠ ᠶᠠᠭᠠᠬᠢᠬᠤᠪ᠂ ᠪᠤᠰᠤᠳ ᠬᠦᠮᠦᠰ ᠨᠠᠲᠠ ᠲᠠᠢ ᠰᠡᠳᠬᠢᠯ ᠨᠢᠭᠡᠳᠬᠦ ᠦᠭᠡᠢ ᠶᠤᠮ ᠪᠤᠯ ᠪᠢ | ᠦᠪᠡᠷ ᠢᠶᠠᠨ ᠬᠢᠵᠦ᠂ ᠨᠢᠭᠡ ᠲᠤᠷᠰᠢᠵᠤ ᠦᠵᠡᠶᠠ︾ ᠭᠡᠮᠡᠨ ᠵᠤᠷᠢᠭ ᠰᠢᠭᠤᠲᠤᠯᠠ᠃ ᠵᠢᠷᠡᠡᠨᠢᠭᠡ ᠤᠯᠠᠨ ᠲᠠᠯᠠ ᠠᠴᠠ ᠮᠦᠩᠬᠦ ᠬᠤᠷᠠᠮᠲᠤᠭᠤᠯᠵᠤ 40 ᠭᠠᠷᠤᠢ | ᠲᠦᠮᠡᠨ ᠲᠦᠬᠦᠷᠢᠭ ᠤᠨ ᠬᠦᠷᠦᠩᠭᠡ ᠤᠷᠤᠭᠤᠯᠤᠨ ᠬᠤᠲᠠ ᠤᠷᠤᠭᠰᠠᠨ ᠮᠠᠯᠴᠢᠳ ᠤᠨ ᠪᠡᠯᠴᠢᠭᠡᠷ ᠢ ᠲᠦᠷᠢᠶᠡᠰᠦᠯᠠᠨ ᠠᠪᠴᠤ᠂ ᠨᠤᠲᠤᠭ ᠪᠡᠯᠴᠢᠭᠡᠷ᠂ ᠡᠪᠡᠰᠤ | ᠤᠷᠭᠤᠮᠠᠯ ᠤᠨ ᠤᠨᠴᠠᠯᠢᠭ ᠰᠢᠨᠵᠢ ᠶᠢ ᠦᠨᠲᠦᠰᠤᠯᠡᠨ᠂ ᠭᠡᠲᠤ ᠭᠡᠲᠦᠨ ᠭᠡᠰᠡᠭ ᠬᠤᠪᠢᠶᠠᠵᠤ᠂ ᠬᠤᠷᠤᠭᠠ ᠬᠤᠲᠠ ᠪᠠᠨ ᠲᠦᠪᠬᠢᠨᠡᠬᠦᠯᠦᠯᠡ᠃ ᠲᠤᠬᠤᠮ ᠤᠨ ᠴᠢᠨᠡᠭᠡᠨ | ᠪᠡᠯᠴᠢᠭᠡᠷ ᠲᠤ ᠮᠠᠯ ᠤᠨ ᠲᠤᠭᠠ ᠪᠠᠨ ᠬᠤᠶᠠᠷ ᠮᠢᠩᠭᠠ ᠪᠠᠷ ᠲᠤᠭᠠᠯᠠᠭᠤᠯᠵᠤ ᠪᠠᠶᠢᠭᠰᠠᠨ ᠵᠢᠷᠡᠡᠨᠢᠭᠡ ᠦᠪᠡᠷ ᠤᠨ ᠨᠤᠲᠤᠭ ᠪᠡᠯᠴᠢᠭᠡᠷ ᠡᠲᠦᠷ ᠢᠷᠡᠬᠦᠶᠡ ᠮᠠᠭᠤᠲᠠᠵᠤ | ᠪᠠᠶᠢᠭᠠ ᠶᠢ ᠰᠡᠷᠭᠡᠭ ᠢᠶᠠᠷ ᠮᠡᠲᠡᠷᠡᠭᠰᠡᠨ ᠲᠡᠷᠡ ᠴᠠᠭ ᠠᠴᠠ ᠮᠠᠯ ᠢᠶᠠᠨ ᠴᠦᠭᠡᠴᠢᠯᠡᠵᠦ᠂ ᠮᠠᠯ ᠤᠨ ᠠᠰᠢᠭ ᠰᠢᠮᠠ ᠪᠠᠨ ᠦᠨᠡ ᠳᠤ ᠬᠦᠷᠭᠡᠨ᠂ ᠤᠯᠠᠨ ᠲᠠᠯᠠ ᠪᠠᠷ | ᠡᠵᠡᠩᠨᠡᠬᠦ ᠶᠢ ᠬᠠᠶᠢᠨ ᠰᠦᠪᠡᠭᠴᠢᠯᠡᠵᠦ ᠡᠬᠢᠯᠡᠭᠰᠡᠨ ᠁ | ᠡᠰᠨᠢᠯ ᠲᠦᠯᠵᠢᠯ ᠤᠨ ᠤᠷᠢᠬᠠᠨ ᠬᠠᠪᠤᠷ ᠪᠤᠯᠬᠤ ᠪᠠᠷ ᠰᠦᠬᠦᠯᠡᠭᠰᠡᠨ ᠴᠠᠰᠤ ᠤᠶᠠᠷᠠᠨ ᠬᠠᠶᠢᠯᠵᠤ᠂ ᠰᠤᠵᠢᠭ ᠤᠨ ᠨᠤᠭᠤᠭᠠ ᠴᠤᠬᠤᠶᠢᠨ᠂ ᠢᠰᠢᠭᠡ ᠬᠤᠷᠠᠭᠠ | ᠮᠠᠶᠢᠯᠠᠯᠲᠤᠵᠤ᠂ ᠰᠦᠷᠦᠭ ᠠᠴᠠ ᠰᠦᠷᠦᠭ ᠦᠷᠡᠵᠢᠨ᠂ ᠮᠠᠯᠴᠢᠨ ᠲᠦᠮᠡᠨ ᠤ᠂ ᠮᠠᠩᠨᠠᠢ ᠲᠡᠨᠢᠢᠳᠡᠭ ᠰᠠᠶᠢᠬᠠᠨ ᠤᠯᠠᠷᠢᠯ᠃ ᠲᠦᠯ ᠲᠤᠰᠬᠤ ᠠᠵᠢᠯ | ᠰᠢᠪᠲᠤᠷᠭᠠᠨ ᠳᠤ ᠪᠠᠨ ᠤᠷᠤᠬᠤ ᠳᠤ ᠢᠮᠠᠭᠠ ᠰᠠᠮᠨᠠᠵᠤ ᠬᠤᠨᠢ ᠬᠠᠶᠢᠴᠢᠯᠠᠬᠤ ᠠᠵᠢᠯ ᠵᠠᠯᠭᠠᠯᠲᠤᠵᠤ᠂ ᠰᠢᠨᠠ ᠲᠠᠭᠠᠨ ᠬᠦᠯᠦᠰᠤ ᠤᠷᠤᠰᠤᠭᠰᠠᠨ ᠴᠦ ᠨᠢᠭᠤᠷ ᠲᠤᠨᠢ | ᠪᠠᠶᠠᠷ ᠤᠨ ᠢᠨᠢᠶᠡᠲᠤ ᠪᠢᠯᠬᠠᠮᠠ ᠪᠠᠶᠢᠲᠠᠭ᠃ ᠡᠪᠤᠯ ᠤᠨ ᠡᠬᠢ ᠪᠤᠯᠬᠤ ᠪᠠᠷ ᠶᠠᠲᠠᠷ ᠲᠤᠷᠤᠢ ᠮᠠᠯ ᠢᠶᠠᠨ ᠬᠤᠲᠠᠯᠲᠤᠨ ᠡᠪᠡᠰᠤ ᠪᠤᠷᠲᠤᠭᠠ ᠨᠦᠭᠡᠴᠡᠯᠡᠭᠡᠳ | ᠶᠠᠭᠠᠷᠠᠯᠲᠤᠨᠠ᠂ ᠮᠠᠯᠴᠢᠳ ᠮᠢᠨᠢ ᠲᠠᠰᠤᠯ ᠪᠤᠯᠤᠭᠰᠠᠨ ᠠᠭᠤᠯᠠ ᠬᠠᠶᠢᠷᠬᠠᠨ ᠲᠠᠯᠠ ᠬᠦᠨᠲᠡᠢ ᠪᠠᠨ ᠪᠠᠷᠠᠲᠠᠨ ᠡᠭᠡᠯᠵᠢᠯᠡᠬᠦ ᠲᠦᠷᠪᠡᠨ ᠤᠯᠠᠷᠢᠯ ᠢ ᠡᠷᠬᠢᠵᠤ ᠤᠯᠠᠷᠢᠬᠤ | ᠤᠨ ᠵᠢᠯ ᠢ ᠰᠦᠷᠦᠭ ᠤᠨ ᠢᠶᠠᠨ ᠲᠡᠷᠭᠡᠲᠡ ᠨᠦᠭᠴᠢᠭᠡᠵᠦ᠂ ᠪᠤᠭᠲᠠ ᠶᠢᠨ ᠭᠡᠰᠢᠭ ᠲᠠᠢ ᠪᠤᠷᠤ ᠠᠮᠢᠲᠤᠷᠠᠯ ᠢᠶᠠᠨ ᠲᠠᠪᠲᠠᠨᠠ᠃ ᠭᠡᠲᠦᠨ ᠵᠢᠯ ᠪᠤᠯᠤᠭᠠ ᠦᠭᠡᠢ | ᠪᠠᠶᠢᠬᠤ ᠳᠤ ᠤᠶᠢᠷᠠ ᠬᠠᠪᠢ ᠶᠢᠨ ᠠᠶᠢᠯ ᠠᠶᠢᠮᠠᠭ᠂ ᠲᠦᠷᠦᠯ ᠰᠠᠲᠤᠨ ᠨᠢ ᠵᠢᠷᠡᠡᠨᠢᠭᠡ ᠠᠲᠤᠭᠤ ᠲᠠᠢ ᠪᠤᠯᠴᠢᠬᠠᠭᠰᠠᠨ ᠢ ᠰᠡᠷᠡᠵᠦ ᠮᠡᠲᠡᠯᠡ᠃ | — — ᠦᠭᠡᠢ᠂ ᠡᠨᠡ ᠴᠢᠨᠢ ᠶᠠᠭᠤ ᠪᠤᠯᠤᠭᠠᠳ ᠪᠠᠶᠢᠨᠠ᠂ ᠬᠤᠶᠠᠷ ᠪᠤᠭᠲᠠ ᠶᠢᠨ ᠨᠤᠯᠤᠤᠷ ᠤᠨ ᠴᠠᠭᠠᠨ ᠢᠮᠠᠭᠠ ᠮᠠᠯᠵᠢ ᠭᠡᠵᠤ ᠶᠠᠷᠢᠭᠠᠳ ᠶᠠᠪᠤᠵᠤ | ᠪᠠᠶᠢᠭᠰᠠᠨ ᠬᠦᠮᠦᠨ ᠴᠢᠨᠢ ᠤᠲᠤ ᠶᠠᠭᠠᠬᠢᠭᠠᠳ ᠠᠲᠤᠭᠤ ᠦᠰᠭᠡᠬᠦ ᠪᠤᠯᠴᠢᠬᠠᠪᠠᠤ︖ | — — ᠤᠲᠤ ᠴᠢᠨᠢ ᠠᠲᠤᠭᠤ ᠦᠨᠡ ᠳᠤ ᠤᠷᠤᠵᠤ ᠪᠠᠶᠢᠭᠠ ᠶᠤᠮ ᠭᠡᠨᠡ᠃ | — — ᠰᠠᠶᠢᠨ ᠮᠤᠷᠢ ᠲᠦᠮᠡ ᠬᠦᠷᠴᠦ ᠪᠠᠶᠢᠭᠠ ᠶᠤᠮ ᠰᠢᠤ᠂ ᠵᠤᠭᠤᠰ ᠢ ᠬᠤᠭ ᠢᠶᠠᠷ ᠦᠵᠡᠬᠦ ᠦᠭᠡᠢ ᠭᠦᠮᠦᠨ ᠡᠨᠡ ᠬᠤᠷᠸᠠ ᠳᠤ ᠴᠦᠭᠡᠨ ᠪᠠᠶᠢᠬᠠ | ᠡ ᠭᠡᠵᠤ ᠲᠦᠮᠡᠨ ᠤ ᠶᠠᠷᠢᠶᠠ ᠵᠢᠬᠦᠷ ᠤᠷᠭᠤᠭᠰᠠᠨ ᠶᠤᠮ ᠰᠢᠭ᠋ ᠨᠢᠭᠡ ᠠᠴᠠ ᠠᠷᠪᠠ ᠳᠤ᠂ ᠨᠢᠭᠡ ᠬᠤᠭᠤᠴᠠᠭᠠᠨ ᠳᠤ ᠬᠤᠶᠠᠷ ᠭᠤᠷᠪᠠᠭᠤᠯᠠ ᠠᠭᠤᠯᠵᠠᠭᠠᠳ | ᠰᠠᠭᠤᠬᠤ ᠳᠤ ᠴᠠᠢ ᠶᠢᠨ ᠵᠤᠭᠤᠭ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ ᠤᠴᠢᠷ ᠤᠬᠠᠭᠠᠨ ᠢ ᠨᠢ ᠤᠯᠤᠭᠠ ᠦᠭᠡᠢ ᠨᠢᠭᠡ ᠨᠢ ︽ᠪᠠᠰᠠ ᠶᠠᠭᠠᠬᠢᠬᠤ ᠭᠡᠵᠤ ᠪᠠᠶᠢᠭᠠ ᠪᠤᠯ︖︾ | ᠭᠡᠵᠤ ᠲᠦᠮᠡᠨ ᠤ ᠶᠠᠷᠢᠶᠠ ᠶᠢ ᠴᠢᠩᠨᠠᠨ ᠪᠠᠷᠠᠯᠠᠵᠤ ᠰᠠᠭᠤᠨᠠ᠃ | ᠨᠡᠬᠦᠲᠡᠯ ᠰᠤᠶᠤᠯ ᠭᠡᠵᠤ ᠡᠪᠦᠭᠡ ᠲᠠᠭᠡᠲᠦᠰ ᠮᠠᠨᠢ ᠭᠡᠲᠦᠨ ᠮᠢᠩᠭᠠᠨ ᠤ ᠰᠢᠷᠭᠠᠭᠤ ᠬᠦᠲᠡᠯᠮᠦᠷᠢ᠂ ᠬᠠᠲᠠᠭᠤᠵᠢᠯᠲᠠᠢ ᠠᠮᠢᠲᠤᠷᠠᠯ ᠤᠨ ᠲᠤᠮᠲᠠ ᠢᠲᠡᠭ | ᠢᠲᠡᠭ ᠢᠶᠠᠷ ᠪᠦᠷᠢᠯᠲᠦᠭᠰᠡᠨ ᠶᠤᠮ᠃ ᠡᠨᠡᠬᠦ ᠮᠠᠯᠵᠢᠯ ᠠᠷᠭᠠ ᠨᠢ ᠤᠲᠤ ᠴᠦ ᠭᠡᠰᠡᠨ ᠨᠡᠶᠢᠲᠡ ᠲᠦᠮᠡᠨ ᠳᠤ ᠮᠡᠲᠡᠷᠡᠭᠲᠡᠵᠦ᠂ ᠠᠮᠢ ᠠᠬᠤᠢ ᠪᠠᠨ ᠬᠠᠶᠢᠷᠠᠯᠠᠨ | ᠬᠠᠮᠠᠭᠠᠯᠠᠭᠰᠠᠨ ᠲᠡᠷᠢᠬᠦᠨ ᠤ ᠰᠤᠶᠤᠯ ᠪᠤᠯᠤᠭᠰᠠᠨ ᠨᠢ ᠶᠠᠷᠢᠶᠠᠨ ᠦᠭᠡᠢ᠃ ᠡᠭᠡ ᠪᠠᠶᠢᠭᠠᠯᠢ ᠲᠠᠢ ᠪᠠᠨ ᠵᠤᠬᠢᠴᠠᠬᠤ ᠤᠨᠴᠠ ᠶᠢᠨ ᠴᠢᠲᠠᠪᠤᠷᠢ ᠲᠠᠢ ᠮᠠᠯᠴᠢᠨ ᠲᠦᠮᠡᠨ | ᠮᠠᠨᠢ ᠨᠤᠲᠤᠭ ᠤᠰᠤᠨ ᠤ ᠪᠠᠨ ᠤᠪᠤᠭᠠ ᠬᠠᠶᠢᠷᠬᠠᠨ ᠨᠠᠪᠲᠠᠭ ᠰᠠᠪᠲᠠᠭ ᠢᠶᠠᠨ ᠲᠡᠭᠡᠲᠦᠯᠡᠨ ᠲᠡᠬᠢᠵᠦ᠂ ᠨᠡᠬᠦᠭᠡᠳ ᠶᠠᠪᠤᠬᠤ ᠳᠤ ᠪᠠᠨ ᠴᠦ ᠦᠨᠡᠰᠤ ᠪᠠᠨ ᠪᠤᠯᠠᠭᠠᠳ | ᠭᠠᠷᠲᠠᠭ ᠲᠠᠷᠬᠠᠨ ᠶᠤᠰᠤ ᠲᠠᠢ᠃ ᠨᠡᠬᠦᠲᠡᠯ ᠰᠤᠶᠤᠯ ᠭᠡᠭᠴᠢ ᠬᠦᠮᠦᠨ ᠪᠠᠶᠢᠭᠠᠯᠢ ᠶᠢᠨ ᠡᠩ ᠦᠭᠡᠢ ᠵᠣᠬᠢᠯᠳᠣᠯ ᠤᠨ ᠪᠤᠲᠠᠲᠤ ᠢᠯᠡᠷᠡᠯ᠂ ᠭᠠᠩᠭᠠᠩ ᠪᠠᠶᠢᠭᠠᠯᠢ ᠪᠠᠨ | ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠭ᠍ᠰᠠᠨ ᠬᠦᠨᠵᠠᠬᠡᠢ ᠶᠣᠰᠤ᠂ ᠨᠠᠬᠦᠳᠠᠯᠴᠢᠠ ᠦᠠᠳᠣᠰᠣᠳᠠᠠ ᠤ ᠤᠢ ᠪᠢᠯᠢᠭ ᠪᠠ ᠠᠭᠤᠳᠠᠮ ᠬᠡᠩᠬᠦᠳᠡᠭ ᠤᠨ ᠢᠯᠡᠷᠡᠯ᠂ ᠮᠤᠩᠭᠤᠯ ᠰᠤᠶᠤᠯ ᠴᠡᠴᠡᠭᠯᠡᠨ | ᠬᠦᠭᠵᠢᠬᠦ ᠡᠷᠠᠮᠠᠯᠵᠠᠯ ᠤᠨ ᠳᠦᠯᠤ ᠲᠡᠷᠡ ᠪᠠᠶᠢᠭᠠ ᠶᠣᠮ᠃ ᠤᠰᠤᠨ ᠤ ᠲᠤᠩᠭᠠᠯᠠᠭ ᠡᠪᠡᠰᠤᠨ ᠤ ᠰᠤᠷᠭᠤᠭ ᠢ ᠳᠠᠭᠠᠬᠰᠠᠠ ᠨᠡᠬᠦᠲᠡᠯ ᠠᠮᠢᠲᠤᠷᠠᠯ ᠭᠡᠵᠤ ᠲᠠᠯᠠ | ᠨᠤᠲᠤᠭ ᠤᠨ ᠠᠮᠢ ᠠᠬᠤᠢ ᠪᠠᠨ ᠬᠠᠮᠠᠭᠠᠯᠠᠭᠰᠠᠨ ᠠᠮᠢ ᠨᠠᠰᠤᠨ ᠤ ᠦᠷᠬᠦᠯᠵᠢᠯᠡᠯ᠂ ᠡᠪᠤᠭᠡᠳ ᠠᠴᠠ ᠦᠪᠯᠡᠭᠰᠡᠨ ᠤᠤᠭᠠᠯ ᠰᠤᠶᠤᠯ ᠤᠨ ᠤᠷᠬᠢᠯᠤᠮᠠᠯ ᠪᠤᠯᠠᠭ ᠪᠠᠶᠢᠭᠠ | ᠶᠤᠮ᠃ ᠡᠨᠡ ᠪᠦᠬᠦᠨ ᠢ ᠤᠲᠤᠮ ᠵᠠᠯᠭᠠᠭᠰᠠᠨ ᠮᠠᠯᠴᠢᠨ ᠵᠢᠷᠨ᠋ᠡᠨᠢᠭᠡ ᠶᠠᠭᠤᠨ ᠠᠨᠲᠠᠬᠤ ᠪᠢᠯᠡ᠃ | ︽ᠲᠠᠯᠠ ᠨᠤᠲᠤᠭ ᠲᠤ ᠶᠠᠭᠤᠨ ᠤ ᠤᠴᠢᠷ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠲᠠᠢ ᠪᠠᠶᠢᠲᠠᠭ ᠶᠤᠮ︖ ᠶᠠᠭᠠᠬᠢᠭᠠᠳ ᠲᠦᠷᠪᠠᠨ ᠬᠤᠰᠢᠭᠤ ᠡᠰᠡᠬᠦᠯᠠ ᠵᠢᠷᠭᠤᠭᠠᠨ | ᠬᠤᠰᠢᠭᠤ ᠮᠠᠯ ᠮᠠᠯᠵᠢᠲᠠᠭ ᠦᠭᠡᠢ ᠶᠤᠮ︖︾ ᠡᠬᠦᠨ ᠤ ᠤᠴᠢᠷ ᠢ ᠤᠯᠵᠤ ᠮᠡᠲᠡᠬᠦ ᠭᠡᠵᠤ ᠡᠪᠤᠭᠡᠳ ᠪᠤᠭᠤᠷᠤᠯᠴᠤᠳ ᠠᠴᠠ ᠠᠰᠠᠭᠤᠵᠤ ᠰᠤᠷᠠᠯᠠ᠂ ᠨᠤᠮ | ᠰᠤᠲᠤᠷ ᠠᠴᠠ ᠡᠷᠢᠵᠦ ᠰᠠᠭᠤᠯᠠ᠃ ᠡᠴᠦᠰ ᠲᠤ ᠪᠠᠨ ᠠᠭᠤᠲᠠᠮ ᠲᠠᠯᠠ ᠪᠠᠨ ᠴᠢᠮᠡᠭᠰᠡᠨ ᠡᠪᠡᠰᠣ ᠤᠷᠭᠤᠮᠠᠯ ᠲᠡᠬᠦᠨ ᠳᠤ ᠬᠠᠮᠤᠭ ᠤᠨ ᠰᠠᠶᠢᠨ ᠬᠠᠷᠢᠭᠤᠯᠲᠠ | ᠦᠭᠬᠦᠭᠰᠡᠨ ᠶᠤᠮ᠃ ︽ᠲᠠᠯᠠ ᠨᠤᠲᠤᠭ ᠴᠦ ᠠᠮᠢ ᠲᠠᠢ᠂ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠲᠠᠭ ᠯᠠ ᠶᠤᠮ ᠪᠤᠯ᠂ ᠡᠭᠡ ᠪᠠᠶᠢᠭᠠᠯᠢ ᠡᠷᠬᠢᠭᠡᠳ ᠴᠢᠮᠠ ᠳᠤ ᠪᠠᠷᠠᠭᠲᠠᠰᠢ ᠦᠭᠡᠢ | ᠡᠬᠢ ᠪᠠᠶᠠᠯᠢᠭ ᠢᠶᠠᠨ ᠦᠭᠬᠦ ᠶᠤᠮ ᠡ︾ ᠭᠡᠵᠤ ᠪᠠᠲᠤ ᠢᠲᠡᠭᠡᠲᠡᠭ ᠵᠢᠷᠡᠡᠨᠢᠭᠡ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠪᠦᠷᠢᠲᠦᠬᠦᠯᠬᠦ ᠰᠠᠨᠠᠭᠠ ᠲᠠᠢ ᠪᠠᠶᠢᠭᠰᠠᠨ᠃ ᠶᠠᠭᠤ ᠨᠢᠭᠡ ᠶᠢ | ᠤᠬᠠᠭᠰᠠᠨ ᠢᠶᠠᠨ ᠪᠠᠭᠠ ᠠᠴᠠ ᠪᠠᠨ ᠮᠤᠷᠢ ᠤᠨᠤᠭᠠᠨ ᠳᠤ ᠪᠠᠬᠠ ᠲᠠᠢ ᠪᠠᠶᠢᠲᠠᠭ ᠢᠶᠠᠷ ᠢᠶᠠᠨ ᠠᠲᠤᠭᠤ ᠬᠤᠲᠠᠯᠲᠤᠨ ᠠᠪᠴᠢᠷᠠᠵᠤ ᠬᠠᠷᠢᠭᠤᠯᠤᠭᠰᠠᠨ ᠨᠢ ᠡᠨᠡ ᠪᠢᠯᠡ᠃ | — — ᠴᠢ ᠴᠢᠨᠢ ᠨᠤᠲᠤᠭ ᠪᠡᠯᠴᠢᠭᠡᠷ ᠢᠶᠠᠨ ᠬᠠᠮᠠᠭᠠᠯᠠᠵᠤ ᠪᠠᠶᠢᠨᠠ ᠭᠡᠲᠡᠭ ᠪᠢᠰᠢᠤ᠂ ᠶᠠᠭᠠᠬᠢᠭᠠᠳ ᠪᠠᠰᠠ ᠠᠲᠤᠭᠤ ᠠᠪᠴᠢᠷᠠᠭᠠᠳ ᠬᠠᠷᠢᠭᠤᠯᠵᠤ | ᠪᠠᠶᠢᠭᠠ ᠶᠤᠮ ᠳ᠋ᠠ︖ | — — ᠠᠲᠤᠭᠤ ᠬᠠᠲᠤᠵᠤ ᠪᠠᠶᠢᠬᠤ ᠰᠢᠭ᠋ ᠨᠢᠭᠡ ᠲᠠᠯᠠ ᠠᠴᠠ ᠨᠢ ᠨᠦᠬᠦᠭᠡ ᠲᠠᠯᠠ ᠳᠤᠨᠢ ᠬᠦᠷᠲᠡᠯᠠ ᠬᠢᠷᠠᠭᠠᠵᠤ ᠢᠲᠡᠲᠡᠭ ᠰᠢᠤ᠂ ᠭᠡᠬᠦ ᠳᠤ ᠢᠮᠠᠭᠠ | ᠬᠦᠶᠦᠲᠡᠯ ᠲᠤᠮᠲᠠ ᠪᠠᠨ ᠢᠲᠡᠲᠡᠭ ᠳ᠋ᠠ᠂ ᠠᠲᠤᠭᠤ ᠪᠡᠯᠴᠢᠭᠡᠷ ᠲᠤ ᠨᠡᠩ ᠬᠠᠯᠠ ᠲᠠᠢ᠃ | — — ᠪᠤᠭ ᠮᠠᠯ ᠬᠠᠷᠢᠭᠤᠯᠤᠭᠰᠠᠨ ᠬᠦᠮᠦᠨ ᠶᠠᠭᠤ ᠭᠡᠵᠤ ᠪᠤᠲᠠ ᠮᠠᠯ ᠢ ᠤᠶᠢᠯᠠᠭᠠᠬᠤ ᠪᠤᠢ ᠳ᠋ᠠ ᠭᠡᠰᠡᠨ ᠲᠠᠮ ᠶᠠᠷᠢᠶᠠ ᠶᠠᠪᠤᠵᠤ ᠪᠠᠶᠢᠬᠤ ᠳᠤ | — — ᠤᠬᠠᠭᠠᠨ ᠲᠠᠢ ᠵᠠᠯᠠᠭᠤ ᠪᠠᠶᠢᠨᠠ᠂ ᠬᠤᠵᠢᠮ ᠶᠠᠭᠤ ᠨᠢᠭᠡ ᠶᠢ ᠪᠦᠲᠦᠭᠡᠵᠦ ᠮᠡᠲᠡᠨᠡ ᠭᠡᠵᠤ ᠬᠠᠶᠠ ᠨᠢᠭᠡ ᠨᠢ ᠡᠷᠡᠭᠡᠢ ᠭᠤᠵᠦ᠋ᠢᠯᠭᠠᠨᠠ᠃ ︽ | ᠰᠠᠨᠠᠵᠤ ᠶᠠᠪᠤᠪᠠᠯ ᠪᠦᠲᠦᠨᠡ᠂ ᠰᠠᠵᠢᠯᠠᠵᠤ ᠶᠠᠪᠤᠪᠠᠯ ᠬᠦᠷᠦᠨᠡ︾ ᠭᠡᠲᠡᠭ ᠢᠶᠠᠷ ᠵᠢᠷᠡᠡᠨᠢᠭᠡ ᠦᠪᠡᠷ ᠤᠨ ᠪᠤᠲᠤᠯ ᠢᠶᠠᠨ ᠲᠠᠰᠤ ᠪᠠᠷᠢᠮᠲᠠᠯᠠᠵᠤ᠂ ᠤᠯᠠᠨ ᠤ ᠶᠠᠷᠢᠶᠠ ᠶᠢ | ᠶᠠᠭᠤᠮᠠᠨ ᠳᠤ ᠪᠤᠲᠤᠭᠠ ᠦᠭᠡᠢ᠂ ᠴᠢᠬᠢ ᠦᠭᠡᠢ ᠲᠤᠯᠤᠭᠠᠢ ᠰᠢᠭ᠋ ᠬᠢᠲᠡᠭ ᠢᠶᠠᠨ ᠬᠢᠭᠰᠡᠭᠡᠷ ᠯᠡ ᠪᠠᠶᠢᠯᠠ᠃ ᠦᠨᠡᠨ ᠳᠤ ᠪᠠᠨ ᠲᠡᠷᠡ ᠮᠤᠩᠭᠤᠯ ᠤᠬᠠᠭᠠᠨ ᠢᠶᠠᠷ ᠠᠮᠢ | ᠠᠬᠤᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠪᠠᠷ ᠬᠦᠴᠦᠯᠡᠵᠦ ᠪᠠᠶᠢᠭᠠ ᠨᠢ ᠡᠨᠡ ᠶᠤᠮ᠃ ᠠᠲᠤᠭᠤ ᠬᠠᠲᠠᠭᠤ ᠡᠪᠡᠰᠣ ᠶᠢ ᠢᠲᠡᠵᠦ᠂ ᠪᠤᠭ ᠮᠠᠯ ᠰᠢᠨᠠ ᠰᠤᠷᠭᠤᠭ ᠵᠦᠭᠡᠯᠡᠨ ᠡᠪᠡᠰᠤ ᠶᠢ | ᠢᠲᠡᠲᠡᠭ ᠠᠴᠠ ᠬᠠᠷᠢᠯᠴᠠᠨ ᠤᠶᠠᠯᠲᠤᠵᠤ᠂ ᠬᠠᠷᠢᠯᠴᠠᠨ ᠨᠦᠬᠦᠪᠦᠷᠢᠯᠡᠭᠰᠡᠨ ᠨᠢ ᠭᠠᠶᠢᠬᠠᠯᠲᠠᠢ᠃ | ᠮᠣᠩᠭᠤᠯ ᠦᠠᠳᠣᠰᠣᠳᠠᠠ ᠭᠡᠭᠴᠢ ᠠᠮᠢ ᠠᠬᠤᠢ ᠪᠠᠨ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠲᠠᠭ ᠦᠠᠳᠣᠰᠣᠳᠠᠠ᠃ ᠮᠣᠩᠭᠤᠯᠴᠣᠣᠠ ᠤᠨ ᠠᠮᠢ ᠠᠬᠤᠢ ᠶᠢᠨ ᠰᠣᠶᠣᠯ ᠨᠢ ᠪᠦᠬᠦ | ᠴᠢᠭᠯᠡᠯ ᠢᠶᠠᠷ ᠢᠶᠠᠨ ᠠᠮᠢ ᠠᠬᠤᠢ ᠪᠠᠨ ᠬᠠᠮᠠᠭᠠᠯᠠᠭᠰᠠᠨ ᠰᠣᠶᠣᠯ ᠭᠡᠲᠡᠭ ᠢ ᠤᠨ ᠡᠯᠡᠭᠡᠭᠰᠡᠨ ᠲᠡᠤᠭᠡ ᠭᠡᠷᠡᠴᠢᠯᠡᠭᠰᠡᠨ ᠪᠠᠶᠢᠭᠠ ᠶᠤᠮ᠃ ᠨᠡᠬᠦᠲᠡᠯ ᠠᠮᠢᠲᠤᠷᠠᠯ ᠠᠴᠠ | ᠰᠠᠭᠤᠷᠢᠰᠢᠯ ᠠᠮᠢᠲᠤᠷᠠᠯ ᠳᠤ ᠰᠢᠯᠵᠢᠭᠰᠡᠨ ᠦᠨᠦᠲᠦᠷ᠂ ᠠᠮᠢ ᠠᠬᠤᠢ ᠪᠠᠨ ᠬᠠᠮᠠᠭᠠᠯᠠᠬᠤ᠂ ᠠᠲᠠᠯ ᠠᠮᠢᠲᠤᠷᠠᠯ ᠢᠶᠠᠨ ᠲᠡᠭᠡᠭᠰᠢ ᠨᠢ ᠲᠠᠲᠠᠬᠤ ᠤᠬᠠᠭᠠᠨ ᠮᠠᠯᠴᠢᠳ ᠤᠨ | ᠡᠮᠦᠨᠡ ᠲᠠᠯᠪᠢᠭᠲᠠᠭᠰᠠᠨ ᠪᠠᠶᠢᠨᠠ᠃ ᠵᠢᠷᠡᠡᠨᠢᠭᠡ ᠪᠡᠯᠴᠢᠭᠡᠷ ᠢᠶᠠᠨ ᠵᠦᠪ ᠢᠶᠠᠷ ᠠᠰᠢᠭᠯᠠᠨ᠂ ᠨᠤᠲᠤᠭ ᠪᠠᠯᠴᠢᠭᠡᠷ ᠤᠨ ᠵᠢᠮᠠ ᠶᠤᠰᠤᠨ ᠳᠤ ᠨᠡᠶᠢᠴᠠᠬᠦᠯᠵᠤ᠂ ᠠᠲᠤᠭᠤ | ᠮᠠᠯᠵᠢᠭᠰᠠᠨ ᠨᠢ ᠡᠨᠡ ᠪᠠᠶᠢᠵᠠᠢ᠃ | ︽ᠤᠯᠪᠤᠭ ᠢᠶᠠᠨ ᠴᠤᠭᠤᠷᠠᠲᠠᠯᠠ ᠰᠠᠭᠤᠭᠰᠠᠨ ᠮᠡᠷᠭᠡᠨ ᠠᠴᠠ ᠤᠯᠠᠨ ᠢ ᠲᠤᠭᠤᠷᠢᠭᠰᠠᠨ ᠮᠤᠩᠬᠠᠭ ᠲᠡᠭᠡᠷᠡ︾ ᠭᠡᠬᠦ ᠦᠭᠡ ᠵᠢᠷᠡᠡᠨᠢᠭᠡ ᠳᠤ ᠶᠠᠪ ᠴᠠᠪ ᠦᠭᠡᠢ | ᠵᠤᠬᠢᠷᠠᠨᠠ᠃ ᠠᠷᠤ ᠭᠡᠷ ᠤᠨ ᠠᠵᠢᠯ ᠬᠤᠢ ᠨᠢ ᠵᠦᠭ ᠲᠤ ᠪᠠᠨ ᠤᠷᠤᠬᠤᠯᠠᠷ ᠲᠠᠶᠠᠩ ᠢ ᠲᠤᠭᠤᠷᠢᠨ᠂ ᠠᠶᠢᠯ ᠤᠨ ᠨᠤᠬᠠᠢ ᠶᠢ ᠦᠢᠮᠡᠬᠦᠯᠵᠦ᠂ ᠲᠦᠮᠡᠨ ᠤ ᠶᠠᠷᠢᠶᠠ ᠶᠢ | ᠰᠡᠳᠬᠢᠯ ᠲᠠᠯᠪᠢᠨ ᠰᠤᠨᠤᠰᠴᠦ ᠶᠠᠪᠤᠨᠠ᠃ 2005 ᠤᠨ ᠤ ᠬᠠᠪᠤᠷ᠂ ᠤᠩᠭᠤᠨ ᠠᠭᠤᠯᠠ ᠶᠢᠨ ᠦᠪᠦᠷ ᠲᠤ ᠤᠯᠠᠭᠠᠨ ᠪᠠᠶᠢᠪᠠᠩ ︵ᠳᠠᠪᠬᠤᠷ ᠡᠾᠷᠤᠮ ᠬᠦᠴᠢᠯ ᠤᠨ | ᠺᠠᠯᠢ︶ ᠤᠨ ᠦᠢᠯᠡᠳᠪᠦᠷᠢ ᠪᠠᠶᠢᠭᠤᠯᠬᠤ ᠭᠡᠰᠡᠨ ᠴᠢᠮᠡᠭᠡ ᠵᠢᠬᠦᠷ ᠲᠠᠢ ᠶᠤᠮ ᠰᠢᠭ᠋ ᠤᠲᠠᠵᠤ ᠲᠦᠲᠡᠯ ᠦᠭᠡᠢ ᠮᠠᠯᠴᠢᠳ ᠤᠨ ᠲᠤᠮᠲᠠ ᠲᠡᠯᠭᠡᠷᠡᠯᠠ᠃ | — — 200 ᠲᠦᠮᠡᠨ ᠲᠤᠨ ᠦᠢᠯᠡᠳᠪᠦᠷᠢᠯᠡᠬᠦ ᠴᠢᠲᠠᠪᠤᠷᠢ ᠲᠠᠢ ᠤᠯᠠᠭᠠᠨ ᠪᠠᠶᠢᠪᠠᠩ ᠤᠨ ᠦᠢᠯᠡᠳᠪᠦᠷᠢ ᠶᠢ ᠤᠩᠭᠤᠨ ᠠᠭᠤᠯᠠ ᠶᠢᠨ ᠡᠮᠦᠨᠠ | ᠬᠤᠷᠮᠤᠢ ᠳᠤ ᠪᠠᠶᠢᠭᠤᠯᠬᠤ ᠶᠤᠮ ᠭᠡᠨᠠ᠃ — — ᠲᠡᠨᠲᠡ ᠰᠠᠭᠤᠭᠠ ᠠᠶᠢᠯ ᠲᠠᠢ ᠨᠤᠲᠤᠭ ᠪᠡᠯᠴᠢᠭᠡᠷ ᠢ ᠨᠢ ᠡᠵᠡᠯᠡᠭᠰᠡᠨ ᠨᠦᠬᠦᠪᠦᠷᠢ ᠮᠦᠩᠬᠦ ᠭᠡᠲᠦᠢ ᠭᠡᠲᠦᠢ | ᠦᠭᠬᠦ ᠪᠠᠨ ᠴᠦ ᠪᠦᠷ ᠭᠡᠯᠡᠯᠴᠡᠨ ᠲᠤᠬᠢᠷᠠᠭᠠᠳ ᠪᠠᠶᠢᠭᠠ ᠶᠤᠮ ᠭᠡᠨᠡ᠃ — — ᠤᠯᠠᠭᠠᠨ ᠪᠠᠶᠢᠪᠠᠩ ᠤᠨ ᠦᠢᠯᠡᠳᠪᠦᠷᠢ ᠠᠴᠠ ᠭᠠᠲᠠᠨᠠ ᠪᠠᠰᠠ ᠨᠡᠭᠦᠷᠡᠰᠦ | ᠭᠡᠤᠷᠰᠢᠬᠦᠯᠬᠦ ᠦᠢᠯᠡᠳᠪᠦᠷᠢ ᠪᠠᠶᠢᠭᠤᠯᠬᠤ ᠶᠤᠮ ᠭᠡᠨᠠ᠃ | — — ᠠ᠂ ᠬᠤᠶᠠᠷ ᠶᠤᠮ ᠤᠤ︖ | — — ᠲᠡᠷᠡ ᠠᠶᠢᠯ ᠴᠦ ᠨᠢᠭᠡ ᠯᠠ ᠰᠦᠨᠢ ᠶᠢᠨ ᠬᠤᠭᠤᠷᠤᠨᠲᠤ ᠭᠠᠵᠠᠷ ᠲᠠᠭᠠᠭᠠᠬᠤ ᠦᠭᠡᠢ ᠪᠠᠶᠠᠵᠢᠬᠤ ᠨᠢ ᠁ | ᠵᠢᠷᠡᠡᠨᠢᠭᠡ ᠰᠤᠴᠢᠰᠬᠢᠵᠦ ᠠᠪᠤᠪᠠ᠃ ᠤᠯᠠᠭᠠᠨ ᠪᠠᠶᠢᠪᠠᠩ ᠶᠠᠭᠤ ᠭᠡᠲᠡᠭ ᠢ ᠲᠡᠷᠡ ᠲᠤᠩ ᠲᠤᠲᠤᠷᠬᠠᠢ ᠮᠡᠲᠡᠨᠡ᠃ ᠤᠯᠭᠠᠨ ᠪᠠᠶᠢᠪᠠᠩ ᠨᠢ ᠬᠦᠷᠦᠰᠤ | ᠰᠢᠷᠦᠢ ᠶᠢ ᠪᠤᠬᠢᠷᠲᠠᠭᠤᠯᠤᠨ ᠡᠪᠡᠰᠤ ᠤᠷᠭᠤᠮᠠᠯ ᠤᠨ ᠤᠷᠭᠤᠴᠠ ᠶᠢ ᠨᠦᠯᠦᠭᠡᠯᠡᠵᠦ᠂ ᠭᠠᠵᠠᠷ ᠤᠨ ᠬᠦᠨ ᠳᠠᠬᠢ ᠤᠰᠤᠨ ᠰᠤᠷᠪᠤᠯᠵᠢ ᠶᠢ ᠬᠦᠨᠲᠦ ᠨᠤᠴᠢᠲᠠᠢ | ᠪᠤᠬᠢᠷᠲᠠᠭᠤᠯᠲᠠᠭ᠃ ᠬᠦᠮᠦᠨ ᠬᠤᠤᠷᠲᠠᠭᠲᠠᠪᠠᠯ ᠬᠠᠮᠠᠷ ᠠᠴᠠ ᠨᠢ ᠴᠢᠰᠤ ᠭᠤᠭᠤᠵᠢᠬᠤ᠂ ᠤᠭᠰᠢᠭᠤᠯᠬᠤ᠂ ᠪᠦᠭᠡᠯᠵᠢᠬᠦ᠂ ᠭᠡᠲᠡᠰᠤ ᠡᠪᠡᠳᠬᠦ᠂ ᠴᠢᠰᠤ ᠪᠠᠷ ᠪᠠᠭᠠᠬᠤ | ᠵᠡᠷᠭᠡ ᠢᠯᠡᠷᠡᠯ ᠲᠠᠢ ᠪᠠᠶᠢᠵᠤ᠂ ᠬᠦᠨᠲᠦᠲᠦᠪᠡᠯ᠂ ᠠᠮᠢᠰᠬᠤᠬᠤ ᠳᠤ ᠬᠦᠴᠢᠷᠲᠡᠬᠦ᠂ ᠮᠠᠨᠠᠷᠠᠬᠤ᠂ ᠪᠦᠭᠡᠷᠡ ᠶᠢᠨ ᠴᠢᠲᠠᠪᠤᠷᠢ ᠮᠠᠭᠤᠲᠠᠬᠤ᠂ ᠴᠢᠨᠠᠭᠰᠢᠯᠠᠭᠠᠳ ᠦᠮᠡᠨ | ᠡᠪᠡᠳᠴᠢᠨ ᠤᠷᠤᠲᠠᠭ ᠪᠠᠶᠢᠨᠠ᠂ ᠡᠬᠦᠨ ᠠᠴᠠ ᠭᠠᠲᠠᠨᠠ ᠪᠠᠰᠠ ᠬᠠᠮᠠᠷ ᠤᠨ ᠦᠷᠪᠢᠰᠤᠯ᠂ ᠠᠮᠢᠰᠬᠤᠯ ᠤᠨ ᠰᠢᠰᠲ᠋ᠧᠮ ᠤᠨ ᠦᠷᠪᠢᠰᠦᠯ᠂ ᠠᠷᠠᠰᠤᠨ ᠦᠷᠪᠢᠰᠦᠯ᠂ | ᠡᠾᠷᠤᠮ ᠰᠢᠷᠬᠠᠯᠠᠭᠠ ᠵᠡᠷᠭᠡ ᠤᠲᠠᠭᠠᠨ ᠴᠢᠨᠠᠷᠲᠠᠢ ᠡᠪᠡᠳᠴᠢᠨ ᠲᠤᠰᠲᠠᠭ᠃ ᠨᠡᠭᠦᠷᠡᠰᠦ ᠭᠡᠤᠷᠰᠢᠬᠦᠯᠬᠦ ᠶᠠᠪᠤᠴᠠ ᠳᠤ ᠬᠠᠶᠠᠭᠲᠠᠮᠠᠯ ᠤᠰᠤᠨ ᠳᠤᠨᠢ ᠪᠧᠨ᠋ᠽᠧᠠ ᠤ | ᠲᠦᠷᠦᠯ ᠠᠭᠤᠯᠤᠭᠳᠠᠵᠤ᠂ ᠮᠠᠲᠡᠷᠡᠯ ᠮᠠᠭᠤᠲᠠᠬᠤ᠂ ᠴᠢᠰᠤᠨ ᠤ ᠤᠯᠠᠭᠠᠨ ᠴᠠᠭᠠᠨ ᠡᠰ ᠪᠠᠭᠠᠰᠬᠤ᠂ ᠴᠢᠮᠦᠭᠡ ᠳᠤ ᠬᠤᠤᠷ ᠤᠴᠠᠷᠠᠭᠤᠯᠬᠤ᠂ ᠰᠠᠷᠠ ᠶᠢᠨ ᠭᠬᠢᠷ ᠲᠡᠭᠰᠢ | ᠦᠭᠡᠢ ᠪᠤᠯᠬᠤ᠂ ᠨᠢᠯᠬᠠ ᠭᠡᠤᠭᠡᠳ ᠤᠨ ᠦᠰᠦᠯᠲᠠ ᠶᠢ ᠬᠠᠷᠰᠢᠯᠠᠬᠤ ᠵᠡᠷᠭᠡ ᠤᠯᠠᠨ ᠡᠪᠡᠳᠴᠢᠨ ᠢ ᠡᠬᠦᠰᠭᠡᠵᠦ᠂ ᠤᠯᠠᠨ ᠤᠯᠤᠰ ᠤᠨ ᠦᠮᠡᠨ ᠤ ᠰᠤᠲᠤᠯᠭᠠᠨ ᠤ | ᠲᠦᠪ ᠠᠴᠠ ᠮᠡᠲᠡᠷᠡᠭᠰᠡᠨ ᠦᠮᠡᠨ ᠡᠬᠦᠰᠭᠡᠬᠦ ᠪᠤᠲᠠᠰ ᠪᠤᠯᠤᠨᠠ᠂ ᠲᠡᠬᠦᠨ ᠤ ᠨᠢᠭᠤᠭᠲᠠᠮᠠᠯ ᠬᠤᠤᠷᠲᠠᠭᠤᠯᠬᠤ ᠬᠤᠭᠤᠴᠠᠭᠠ ᠨᠢ 12 — — 15 ᠵᠢᠯ ᠪᠠᠶᠢᠵᠤ᠂ | ᠤᠷᠴᠢᠨ ᠲᠤᠭᠤᠷᠢᠨ ᠤ ᠡᠪᠡᠰᠤ ᠤᠷᠭᠤᠮᠠᠯ᠂ ᠭᠠᠵᠠᠷ ᠰᠢᠷᠤᠢ ᠶᠢ ᠶᠡᠭᠡ ᠪᠠᠷ ᠨᠦᠯᠦᠭᠡᠯᠡᠲᠡᠭ᠃ ᠦᠢᠯᠡᠳᠪᠦᠷᠢ ᠠᠴᠠ ᠭᠠᠷᠬᠤ ᠤᠲᠤᠭᠠᠨ ᠳᠤ ᠬᠦᠬᠦᠷ᠂ ᠬᠦᠬᠦᠷᠲᠦ | ᠤᠰᠤᠲᠥ᠋ᠷᠥᠭᠴᠢ ᠵᠡᠷᠭᠡ ᠡᠯᠧᠮᠧᠨ᠋ᠲ ᠠᠭᠤᠯᠤᠭᠲᠠᠵᠤ᠂ ᠬᠦᠮᠦᠨ ᠮᠠᠯ ᠢ ᠬᠤᠤᠷᠲᠠᠭᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠠᠭᠠᠷ ᠢ ᠪᠤᠬᠢᠷᠲᠠᠭᠤᠯᠲᠠᠭ᠃ | ᠬᠤᠶᠠᠷ ᠦᠢᠯᠡᠳᠪᠦᠷᠢ ᠨᠢ ᠲᠦᠷᠪᠡᠨ ᠬᠦᠨ ᠬᠤᠳᠲᠤᠭ ᠮᠠᠯᠲᠠᠵᠤ᠂ ᠦᠢᠯᠡᠳᠪᠦᠷᠢ ᠨᠢ ᠪᠦᠷᠢᠨ ᠠᠵᠢᠯᠯᠠᠵᠤ ᠡᠬᠢᠯᠡᠪᠡᠯ ᠪᠠᠷᠤᠭ 8000 ᠲᠦᠮᠡᠨ ᠲᠤᠨ | ᠤᠰᠤ ᠭᠡᠷᠡᠭᠰᠡᠬᠦ ᠴᠢᠬᠤᠯᠠᠲᠠᠢ᠃ ︽ᠡᠨᠡ ᠴᠢᠨᠢ ᠶᠠᠭᠤ ᠭᠡᠰᠡᠨ ᠤᠴᠢᠷ ᠪᠤᠢ᠂ ᠪᠤᠷᠬᠠᠨᠲᠤ ᠶᠢᠨ ᠭᠤᠤᠯ ᠰᠢᠷᠬᠢᠨᠡ ᠭᠡᠰᠡᠨ ᠤᠴᠢᠷ︾᠃ ᠪᠠᠶᠢᠲᠠᠯ ᠦᠨᠡᠨ ᠮᠥᠨ | ᠪᠤᠯᠤᠭᠰᠠᠨ ᠢ ᠮᠡᠲᠡᠭᠰᠡᠨ ᠵᠢᠷᠡᠡᠨᠢᠭᠡ ᠬᠤᠶᠠᠷ ᠦᠢᠯᠡᠳᠪᠦᠷᠢ ᠶᠢ ᠵᠤᠭᠰᠤᠭᠠᠬᠤ ᠡᠷᠬᠦᠲᠡᠯ ᠢᠶᠠᠨ ᠠᠪᠤᠭᠠᠳ ᠴᠠᠭ ᠢ ᠵᠠᠪᠲᠤᠨ ᠡᠲᠦᠷ ᠰᠦᠨᠢ ᠢᠯᠭᠠᠯ ᠦᠭᠡᠢ | ᠮᠠᠯᠴᠢᠳ ᠢᠶᠠᠷ ᠭᠠᠷ ᠤᠨ ᠦᠰᠦᠭ ᠵᠢᠷᠤᠭᠤᠯᠵᠤ ᠬᠤᠷᠤᠭᠤ ᠲᠠᠷᠤᠭᠤᠯᠤᠭᠠᠳ ᠶᠠᠭᠠᠷᠠᠯᠠ᠃ ᠤᠩᠭᠤᠨ ᠠᠭᠤᠯᠠ ᠶᠢᠨ ᠪᠠᠷᠠᠭᠤᠨ ᠰᠤᠭᠤ ᠪᠠᠷ ᠪᠤᠷᠬᠠᠨᠲᠤ ᠶᠢᠨ ᠭᠤᠤᠯ | ᠮᠤᠷᠤᠯᠵᠠᠨ ᠤᠷᠤᠰᠤᠨᠠ᠃ ᠭᠤᠤᠯ ᠤᠨ ᠵᠡᠬᠦᠨ ᠲᠤᠪᠤ ᠲᠡᠭᠡᠷᠡ ᠵᠢᠷᠡᠡᠨᠢᠭᠡ ᠡᠲᠦᠷ ᠠᠯᠭᠠᠰᠠᠯ ᠦᠭᠡᠢ ᠲᠤᠰ ᠠᠶᠢᠯ ᠤᠨ ᠪᠠᠶᠢᠲᠠᠯ ᠢ ᠠᠵᠢᠭᠯᠠᠨ ᠰᠠᠭᠤᠵᠤ ᠪᠠᠶᠢᠲᠠᠯᠠ᠂ | ᠬᠤᠶᠠᠷ ᠭᠤᠷᠪᠠᠨ ᠪᠠᠭᠠ ᠮᠠᠰᠢᠨ ᠡᠨᠡ ᠠᠶᠢᠯ ᠢ ᠴᠢᠭᠯᠡᠯᠠ᠃ ᠲᠤᠰᠤᠨ ᠬᠦᠯᠢᠶᠡᠵᠦ ᠪᠠᠶᠢᠭᠰᠠᠨ ᠵᠢᠷᠡᠡᠨᠢᠭᠡ ᠰᠢᠭᠤᠳ ᠲᠠᠯᠪᠢᠭᠠᠳ ᠬᠦᠷᠬᠦ ᠳᠤ᠂ ᠡᠨᠡ ᠠᠶᠢᠯ ᠤᠨ | ᠤᠶᠢᠷᠠ ᠬᠠᠪᠢ ᠳᠤ ᠴᠠᠭᠠᠨ ᠴᠤᠬᠤᠢ ᠪᠠᠷ ᠭᠠᠵᠠᠷ ᠲᠦᠬᠦᠷᠡᠩ ᠬᠦᠨᠲᠡᠯᠡᠨ ᠭᠤᠯᠲᠤ ᠵᠢᠷᠤᠭᠠᠰᠤ ᠵᠢᠷᠤᠵᠠᠢ᠃ ᠠᠮᠤᠷ ᠮᠡᠨᠲᠤ ᠲᠠᠢ ᠭᠡᠷ ᠲᠤ ᠤᠷᠤᠬᠤ ᠳᠤ᠂ ᠰᠤᠮᠤᠨ ᠤ | ᠱᠦᠵᠢ ᠲᠦᠷᠦᠬᠦᠦ ᠲᠠᠢ ᠲᠠᠨᠢᠬᠤ ᠲᠠᠨᠢᠬᠤ ᠦᠭᠡᠢ ᠠᠷᠪᠠᠭᠠᠳ ᠬᠦᠮᠦᠨ ᠴᠠᠢ ᠤᠤᠭᠤᠴᠢᠬᠠᠭᠰᠠᠨ ᠢᠨᠢᠶᠡᠲᠦ ᠲᠠᠢ ᠬᠠᠨᠢᠶᠠᠲᠤ ᠲᠠᠢ ᠵᠤᠭᠤᠭ ᠲᠡᠯᠭᠡᠨ ᠰᠠᠭᠤᠵᠤ | ᠪᠠᠶᠢᠯᠠ᠃ ᠬᠦᠮᠦᠰ ᠤᠨ ᠮᠠᠩᠨᠠᠢ ᠲᠠᠨᠠᠶᠢᠵᠤ᠂ ᠬᠤᠤᠰ ᠨᠢᠲᠤᠨ ᠠᠴᠠ ᠨᠢ ᠪᠠᠶᠠᠷ ᠤᠨ ᠤᠴᠢ ᠬᠠᠷᠪᠤᠨᠠ᠃ — — ᠲᠠᠷᠤᠭᠠ ᠠᠴᠠ ᠠᠰᠠᠭᠤᠬᠤ ᠨᠢ ᠶᠠᠭᠤ ᠭᠡᠵᠤ | ᠠᠲᠡ ᠡᠨᠡ ᠬᠤᠶᠠᠷ ᠦᠢᠯᠡᠳᠪᠦᠷᠢ ᠶᠢ ᠪᠠᠶᠢᠭᠤᠯᠬᠤ ᠶᠤᠮ︖ — — ᠤᠲᠤ ᠪᠦᠬᠦ ᠨᠡᠶᠢᠭᠡᠮ ᠢᠶᠠᠷ ᠢᠶᠠᠨ ᠠᠵᠤ ᠠᠬᠤᠢ ᠶᠢ ᠬᠦᠭᠵᠢᠬᠦᠯᠵᠦ ᠪᠠᠶᠢᠨᠠ᠂ | ᠦᠢᠯᠡᠳᠪᠦᠷᠢ ᠪᠠᠶᠢᠭᠤᠯᠬᠤ ᠦᠭᠡᠢ ᠪᠠᠷ ᠶᠠᠭᠠᠬᠢᠵᠤ ᠠᠵᠤ ᠠᠬᠤᠢ ᠪᠠᠨ ᠬᠦᠭᠵᠢᠬᠦᠯᠦᠨᠡ⁈ | — — ᠮᠠᠯᠴᠢᠨ ᠪᠢ ᠬᠦᠷᠲᠡᠯᠠ ᠡᠨᠡ ᠬᠤᠶᠠᠷ ᠦᠢᠯᠡᠳᠪᠤᠷᠢ ᠭᠡᠲᠦᠢ ᠪᠤᠬᠢᠷᠲᠤᠯ ᠲᠠᠢ ᠭᠡᠲᠡᠭ ᠢ ᠮᠡᠲᠡᠵᠦ ᠪᠠᠶᠢᠲᠠᠯᠠ᠂ ᠠᠯᠲᠠ ᠰᠢᠷᠡᠭᠡᠨ ᠤ ᠠᠷᠤ ᠳᠤ | ᠠᠯᠴᠠᠶᠢᠵᠤ ᠰᠠᠭᠤᠭᠠᠳ ᠠᠯᠪᠠᠨ ᠪᠢᠴᠢᠭ ᠦᠵᠡᠵᠦ᠂ ᠠᠮᠢ ᠠᠬᠤᠢ ᠭᠡᠵᠤ ᠤᠩᠰᠢᠲᠠᠭ ᠲᠠ ᠨᠠᠷ ᠮᠡᠲᠡᠬᠦ ᠦᠭᠡᠢ ᠭᠡᠵᠢ ᠤᠤ︖ ᠪᠤᠷᠬᠠᠨᠲᠤ ᠶᠢᠨ ᠭᠤᠤᠯ ᠲᠠᠭᠠᠭᠰᠠᠨ | 2000 ᠭᠠᠷᠤᠢ ᠬᠦᠮᠦᠨ᠂ 30000 ᠭᠠᠷᠤᠢ ᠮᠠᠯ ᠤᠨ ᠤᠤᠭᠤᠬᠤ ᠤᠰᠤ ᠪᠤᠬᠢᠷᠲᠤᠵᠤ ᠰᠢᠷᠬᠢᠪᠡᠯ ᠲᠡᠲᠡᠨ ᠤ ᠠᠮᠢᠲᠤᠷᠠᠯ ᠶᠠᠭᠤ ᠪᠤᠯᠬᠤ ᠶᠢ ᠮᠡᠲᠡᠬᠦ ᠦᠭᠡᠢ ᠭᠡᠵᠢ | ᠤᠤ︖ | — — ᠭᠡᠨ ᠮᠡᠲᠡᠬᠦ ᠦᠭᠡᠢ ᠭᠡᠵᠤ ᠪᠠᠶᠢᠭᠠ ᠶᠤᠮ⁉ ᠤᠲᠤ ᠶᠢᠨ ᠮᠡᠷᠭᠡᠵᠢᠯ ᠢᠶᠠᠷ ᠲᠡᠬᠦᠨ ᠢ ᠴᠢᠨᠢ ᠪᠤᠬᠢᠷᠲᠤᠯ ᠦᠭᠡᠢ ᠰᠠᠶᠢᠬᠠᠨ | ᠰᠢᠢᠳᠪᠦᠷᠢᠯᠡᠴᠢᠭᠡᠨᠡ᠃ ᠪᠠᠶᠠᠨᠬᠢᠷᠠ ᠭᠠᠴᠠᠭᠠ ᠪᠡ ᠰᠢᠷᠠᠴᠢᠯᠠᠭᠤ ᠭᠠᠴᠠᠭᠠᠨ ᠤ ᠭᠡᠰᠡᠭ ᠮᠠᠯᠴᠢᠳ ᠢ ᠰᠢᠨᠠ ᠰᠠᠭᠤᠷᠢᠰᠢᠯ ᠳᠤ ᠨᠡᠬᠦᠯᠭᠡᠨ ᠲᠤᠬᠢᠷᠠᠭᠤᠯᠤᠨᠠ᠃ | — — ᠭᠡᠨ ᠵᠦᠪᠰᠢᠶᠡᠷᠡᠭᠰᠡᠨ ᠶᠤᠮ︖ ᠬᠦᠷᠦᠮᠲᠤ᠂ ᠬᠠᠷᠠᠴᠢᠯᠠᠭᠤ᠂ ᠪᠠᠶᠠᠨᠬᠢᠷᠠ᠂ ᠰᠢᠷᠠᠴᠢᠯᠠᠭᠤ ᠭᠠᠴᠠᠭᠠᠨ ᠤ 2000 ᠭᠠᠷᠤᠢ ᠮᠠᠯᠴᠢᠳ | ᠵᠦᠪᠰᠢᠶᠡᠷᠡᠬᠦ ᠦᠭᠡᠢ᠂ ᠭᠠᠷ ᠤᠨ ᠦᠰᠦᠭ ᠢᠶᠠᠨ ᠵᠢᠷᠤᠵᠤ ᠬᠤᠷᠤᠭᠤ ᠲᠠᠷᠤᠭᠰᠠᠨ ᠡᠷᠬᠦᠲᠡᠯ ᠠᠲᠠ ᠪᠠᠶᠢᠨᠠ᠃ | — — ᠬᠤᠰᠢᠭᠤᠨ ᠠᠴᠠ ᠵᠦᠪᠰᠢᠶᠡᠷᠡᠭᠰᠡᠨ᠂ ᠡᠨᠡ ᠪᠠᠶᠢᠨᠠ ᠭᠡᠳ ᠤᠯᠠᠭᠠᠨ ᠲᠦᠷᠦᠬᠦᠦ ᠲᠠᠢ ᠠᠯᠪᠠᠨ ᠪᠢᠴᠢᠭ ᠢ ᠭᠠᠷᠭᠠᠵᠤ ᠦᠭᠬᠦᠯᠡ᠃ | ︽ᠭᠡ᠂ ᠭᠡ︾ ᠭᠡᠵᠤ ᠵᠢᠷᠡᠡᠨᠢᠭᠡ ᠬᠦᠢᠲᠡᠨ ᠢᠶᠠᠷ ᠢᠨᠢᠶᠡᠭᠰᠡᠨ ᠢᠶᠠᠨ | — — ᠲᠠᠮᠠᠭᠠ ᠮᠠᠮᠠᠭᠠ ᠪᠠᠶᠢᠲᠠᠭ ᠦᠭᠡᠢ ᠪᠢᠴᠢᠭ ᠢ ᠴᠢᠨᠢ ᠠᠯᠪᠠᠨ ᠪᠢᠴᠢᠭ ᠭᠡᠲᠡᠭ ᠤᠤ︖ ᠲᠠᠨᠤᠰ ᠭᠡᠨ ᠢ ᠮᠡᠭᠡᠯᠡᠵᠦ ᠪᠠᠶᠢᠭᠠ ᠶᠤᠮ᠂ ᠲᠠ ᠨᠠᠷ | ᠰᠢᠭ᠋ ᠮᠠᠯᠴᠢᠳ ᠢᠶᠠᠨ ᠪᠤᠲᠤᠯᠬᠢᠯᠠᠬᠤ ᠦᠭᠡᠢ ᠨᠤᠶᠠᠳ ᠢᠶᠠᠷ ᠶᠠᠭᠤ ᠬᠢᠬᠦ ᠶᠤᠮ ᠭᠡᠳ ᠭᠠᠷ ᠲᠤ ᠪᠠᠨ ᠪᠠᠷᠢᠭᠰᠠᠨ ᠴᠠᠭᠠᠨ ᠲᠡᠷᠡᠰᠤ ᠪᠠᠷ ᠲᠠᠷᠤᠭᠠ ᠶᠢᠨ ᠬᠠᠮᠠᠷ ᠢ ᠵᠢᠭᠠᠨ | ᠬᠠᠷᠢᠶᠠᠯᠠ᠃ ᠵᠢᠷᠡᠡᠨᠢᠭᠡ ᠲᠠᠮᠠᠭᠠ ᠦᠭᠡᠢ ᠠᠯᠪᠠᠨ ᠪᠢᠴᠢᠭ ᠢ ᠡᠪᠭᠡᠭᠡᠳ ᠰᠢᠭᠤᠳ ᠦᠪᠡᠷ ᠤᠨ ᠬᠠᠷᠮᠠᠨ ᠳᠤ ᠪᠠᠨ ᠬᠢᠴᠢᠭᠡᠯᠡ᠃ ᠲᠠᠷᠤᠭᠠ ᠶᠢᠨ ᠴᠢᠷᠡᠢ ᠨᠢ ᠦᠶᠡ | ᠴᠠᠶᠢᠵᠦ᠂ ᠦᠶᠡ ᠬᠦᠭᠡᠷᠠᠨ ᠪᠡᠶᠡ ᠨᠢ ᠴᠡᠴᠡᠷᠡᠵᠦ ᠪᠠᠶᠢᠭᠰᠠᠨ ᠴᠦ ᠬᠦᠲᠡᠯᠦᠯ ᠦᠭᠡᠢ ᠰᠠᠭᠤᠨᠠ᠃ ᠠᠭᠤᠷ ᠤᠮᠤᠭ ᠨᠢ ᠭᠡᠲᠦᠢ ᠶᠡᠭᠡ ᠪᠠᠶᠢᠭᠰᠠᠨ ᠴᠦ ᠶᠠᠭᠠᠬᠢᠵᠦ | ᠴᠢᠲᠠᠭᠠ ᠦᠭᠡᠢ᠂ ᠤᠬᠠᠭᠠᠨ ᠲᠠᠢ ᠬᠤᠶᠠᠷ ᠨᠢ ᠠᠯᠢ ᠭᠡᠲᠦ᠋ᠢᠨᠡᠢ ᠭᠡᠷ ᠠᠴᠠ ᠭᠠᠷᠴᠤ᠂ ᠭᠡᠢ ᠭᠠᠷᠤᠭᠰᠠᠨ ᠪᠦᠮᠪᠦᠭᠡ ᠰᠢᠭ ᠭᠡᠷ ᠤᠨ ᠰᠡᠬᠦᠲᠡᠷ ᠲᠠᠭᠠᠨ ᠨᠠᠭᠠᠰᠢ | ᠴᠠᠭᠠᠰᠢ ᠲᠡᠮᠡᠢ ᠯᠠ ᠬᠤᠯᠬᠢᠵᠤ᠂ ᠭᠡᠷ ᠲᠤ ᠶᠠᠭᠤ ᠪᠤᠯᠤᠭᠰᠠᠨ ᠪᠤᠯ ᠭᠡᠵᠤ ᠴᠢᠬᠢ ᠲᠠᠯᠪᠢᠨᠠ᠃ ᠪᠤᠰᠤᠳ ᠬᠦᠮᠦᠰ ᠪᠠᠭᠰᠢ ᠳᠤ ᠪᠠᠨ ᠰᠢᠬᠦᠮᠵᠢᠯᠡᠭᠲᠡᠭᠰᠡᠨ ᠪᠠᠭᠠ | ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢ ᠰᠢᠭ᠋ ᠤᠷᠤ ᠤᠷᠤᠨ ᠳᠤ ᠪᠠᠨ ᠨᠠᠮ ᠰᠠᠭᠤᠵᠠᠭᠠᠨᠠ᠃ | — — ᠠᠯᠪᠠᠨ ᠪᠢᠴᠢᠭ ᠢ ᠦᠭ᠂ ᠴᠢ ᠶᠠᠭᠠᠬᠢᠬᠤ ᠰᠠᠨᠠᠭᠠ ᠲᠠᠢ ᠶᠤᠮ︖ | — — ᠪᠢ ᠴᠢᠮᠠ ᠳᠤ ᠦᠭᠬᠦ ᠦᠭᠡᠢ᠂ ᠴᠢᠲᠠᠯ ᠴᠢᠨᠢ ᠬᠦᠷᠪᠡᠯ ᠢᠷᠡᠭᠡᠳ ᠠᠪ ᠁ ᠡᠴᠦᠰ ᠲᠤ ᠪᠠᠨ ᠭᠡᠨ ᠨᠢ ᠴᠦ ᠰᠠᠨᠠᠭᠠᠨ ᠳᠤ ᠬᠦᠷᠴᠦ | ᠴᠢᠲᠠᠯ ᠦᠭᠡᠢ ᠪᠤᠵᠢᠬᠢᠨᠠᠯᠲᠤᠭᠠᠳ ᠪᠤᠲᠠᠷᠠᠯᠠ᠃ | ︽ᠰᠠᠶᠢᠨ ᠬᠦᠮᠦᠨ ᠰᠠᠨᠠᠭᠠ ᠪᠠᠷ᠂ ᠰᠠᠷᠠᠯ ᠮᠤᠷᠢ ᠵᠢᠷᠤᠭᠠ ᠪᠠᠷ︾ ᠭᠡᠭᠴᠢ᠂ ᠡᠨᠡ ᠦᠶᠠ ᠠᠶᠢᠮᠠᠭ ᠤᠨ ᠱᠠᠲᠤᠨ ᠳᠤ ᠲᠠᠷᠤᠭᠠ ᠪᠠᠶᠢᠭᠰᠠᠨ ᠡᠷᠳᠡᠨᠢᠭᠡᠰᠢᠭ᠂ | ᠰᠤᠮᠢᠶᠠ ᠤᠷᠠᠳ ᠤᠨ ᠲᠤᠮᠲᠠᠲᠤ ᠬᠤᠰᠢᠭᠤᠨ ᠳᠤ ᠠᠵᠢᠯ ᠪᠠᠶᠢᠴᠠᠭᠠᠬᠤ ᠪᠠᠷ ᠢᠷᠡᠭᠰᠡᠨ ᠪᠦᠭᠡᠳ ᠶᠠᠭ ᠯᠠ ᠡᠲᠡᠨ ᠤ ᠵᠡᠬᠦᠨ ᠠᠶᠢᠯ ᠳᠤ ᠪᠠᠶᠢᠬᠤ ᠪᠠᠲᠦᠲᠠᠢ ᠰᠤᠷᠠᠭ ᠢ | ᠵᠢᠷᠡᠡᠨᠢᠭᠡ ᠶᠢᠨ ᠡᠭᠡᠨᠡᠷ ᠤᠳᠬᠠᠨᠰᠸᠠ ᠨᠢ ᠤᠯᠵᠤ ᠰᠤᠨᠤᠰᠤᠮᠠᠭᠴᠠ ᠨᠦᠬᠦᠷ ᠲᠤ ᠪᠠᠨ ᠤᠲᠠᠰᠤ ᠵᠠᠯᠭᠠᠯᠠ᠃ | — — ᠡᠨᠡ ᠶᠠᠭᠤᠮᠠ ᠬᠠᠮᠢᠭᠠᠭᠤᠷ ᠲᠠᠪᠬᠢᠵᠦ ᠪᠠᠶᠢᠭᠰᠠᠨ ᠢ ᠮᠡᠲᠡᠭᠰᠡᠨ ᠦᠭᠡᠢ᠂ ᠤᠲᠠᠰᠤ ᠲᠤᠰᠤᠭᠠᠳ ᠲᠡᠮᠡᠢ ᠤᠲᠠᠭᠰᠠᠨ ᠦᠭᠡᠢ ᠵᠡᠬᠦᠨ | ᠠᠶᠢᠯ ᠳᠤ ᠲᠤᠭᠤᠰᠤ ᠲᠠᠲᠠᠭᠤᠯᠤᠨ ᠤᠷᠤᠬᠤ ᠬᠠᠷᠠᠭᠲᠠᠭᠰᠠᠨ ᠭᠡᠵᠤ ᠤᠳᠬᠠᠨᠰᠸᠠ ᠭᠠᠶᠢᠬᠠᠰᠢ ᠠᠯᠲᠠᠨ ᠭᠡᠯᠡᠯᠠ᠃ | ᠵᠢᠷᠡᠡᠨᠢᠭᠡ ︽ᠭᠡᠨ ᠢ ᠡᠷᠢᠵᠦ ᠶᠠᠭᠠᠬᠢᠵᠤ ᠵᠤᠭᠰᠤᠭᠠᠬᠤ ᠪᠢᠯᠡ︾ ᠭᠡᠵᠤ ᠪᠤᠲᠤᠯᠭᠠ ᠪᠤᠯᠵᠤ ᠪᠠᠶᠢᠭᠰᠠᠨ ᠤᠴᠢᠷ᠂ ᠡᠨᠡᠬᠦ ᠰᠠᠶᠢᠨ ᠵᠠᠪᠰᠢᠶᠠᠨ ᠢ ᠭᠡᠷᠬᠢᠨ | ᠠᠯᠲᠠᠬᠤ ᠠᠵᠠᠢ᠃ | ᠬᠠᠮᠢᠶᠠ ᠪᠦᠬᠦᠢ ᠮᠠᠲ᠋ᠧᠷᠢᠶᠠᠯ ᠢᠶᠠᠨ ᠭᠠᠷᠭᠠᠨ ᠦᠭᠴᠦ ᠪᠠᠶᠢᠲᠠᠯ ᠢ ᠲᠤᠰᠬᠠᠯᠠ᠃ ᠬᠤᠶᠠᠷ ᠲᠠᠷᠤᠭᠠ ᠵᠢᠷᠠᠡᠨᠢᠭᠡ ᠶᠢᠨ ᠭᠡᠯᠡᠬᠦ ᠶᠢ ᠠᠩᠬᠠᠷᠤᠯᠲᠠᠢ ᠰᠤᠨᠤᠰᠴᠤ | ᠪᠠᠷᠠᠭᠠᠳ᠂ ᠲᠡᠷᠡ ᠲᠤᠤᠷᠠ ᠨᠢ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠤᠷᠲᠤᠨ ᠳᠤ ᠤᠲᠠᠰᠤ ᠵᠠᠯᠭᠠᠵᠤ — — ᠡᠨᠡ ᠴᠢᠨᠢ ᠶᠠᠮᠠᠷ ᠤᠴᠢᠷ ᠪᠤᠯᠤᠭᠠᠳ ᠪᠠᠶᠢᠨᠠ᠂ ᠲᠦᠯ | ᠲᠤᠰᠴᠤ ᠢᠮᠠᠭᠠ ᠰᠠᠮᠨᠠᠭᠠᠳ ᠶᠠᠭᠠᠷᠠᠵᠤ ᠪᠠᠶᠢᠬᠤ ᠴᠠᠭ ᠲᠤ ᠮᠠᠯᠴᠢᠳ ᠢ ᠦᠢᠮᠡᠬᠦᠯᠦᠭᠡᠳ ᠪᠠᠶᠢᠲᠠᠭ ᠴᠢᠨᠢ᠂ ᠲᠡᠷᠡ ᠬᠤᠶᠠᠷ ᠦᠢᠯᠡᠳᠪᠦᠷᠢ ᠪᠠᠶᠢᠭᠤᠯᠬᠤ ᠶᠢ ᠭᠡᠨ | ᠵᠦᠪᠰᠢᠶᠡᠷᠡᠭᠰᠡᠨ ᠶᠤᠮ︖ ᠠᠮᠢ ᠠᠬᠤᠢ ᠤᠷᠴᠢᠨ ᠲᠤᠭᠤᠷᠢᠨ ᠶᠠᠭᠤ ᠪᠤᠯᠤᠨᠠ ᠭᠡᠲᠡᠭ ᠢ ᠲᠠ ᠨᠠᠷ ᠪᠤᠲᠤᠯᠬᠢᠯᠠᠭᠰᠠᠨ ᠤᠤ︖ ᠲᠡᠨᠲᠡᠬᠢ ᠮᠠᠯᠴᠢᠳ ᠶᠠᠭᠠᠬᠢᠵᠤ | ᠠᠮᠢᠲᠤᠷᠠᠬᠤ ᠶᠢ ᠲᠠ ᠨᠠᠷ ᠪᠤᠲᠤᠭᠰᠠᠨ ᠤᠤ︖ ᠦᠲᠡ ᠶᠢᠨ ᠬᠤᠶᠢᠨᠠ ᠶᠢᠨ 3 ᠴᠠᠭ ᠲᠤ ᠡᠷᠭᠡᠪᠰᠢ ᠵᠢᠷᠡᠡᠨᠢᠭᠡ ᠳᠤ ᠬᠠᠷᠢᠭᠤ ᠦᠭᠬᠦ ᠭᠡᠷᠡᠭᠲᠡᠢ ᠭᠡᠲᠡᠭ ᠬᠠᠲᠠᠭᠤ | ᠵᠠᠷᠯᠢᠭ ᠪᠤᠯᠪᠠ᠃ | ︽ᠲᠠᠭ ᠵᠤᠭᠰᠤᠭᠠᠬᠤ ᠭᠡᠷᠡᠭᠲᠡᠢ︾ ᠭᠡᠰᠡᠨ ᠤᠯᠠᠭᠠᠨ ᠲᠠᠮᠠᠭᠠ ᠲᠠᠢ ᠠᠯᠪᠠᠨ ᠪᠢᠴᠢᠭ ᠭᠠᠩ ᠲᠠᠶᠢᠯᠦᠭᠰᠡᠨ ᠬᠤᠷᠠ ᠰᠢᠭ᠋ ᠪᠤᠷᠬᠠᠨᠲᠤ ᠶᠢᠨ ᠭᠤᠤᠯ ᠢ ᠲᠠᠭᠠᠭᠰᠠᠨ | ᠲᠦᠮᠡᠨ ᠤᠯᠠᠨ ᠳᠤ ᠲᠠᠭᠠᠯᠠᠭᠲᠠᠯᠠ᠃ | ᠡᠵᠢ ᠶᠢᠨ ᠬᠠᠶᠢᠷᠠ ᠭᠡᠵᠤ ᠠᠭᠤᠤ ᠶᠡᠭᠡ᠂ ᠶᠠᠭᠤ ᠪᠦᠬᠦᠨ ᠢᠶᠠᠨ ᠦᠷᠡ ᠳᠤ ᠪᠠᠨ ᠦᠭᠬᠦ ᠠᠴᠠ ᠪᠤᠴᠠᠲᠠᠭ ᠦᠭᠡᠢ᠃ ᠲᠡᠶᠢᠮᠦ ᠳᠤ ᠪᠠᠨ ᠬᠦᠮᠦᠰ ᠡᠭᠡ ᠨᠤᠲᠤᠭ᠂ | ᠡᠵᠢ ᠨᠠᠭᠤᠷ ᠭᠡᠵᠤ ᠪᠠᠶᠢᠭᠠᠯᠢ ᠤᠷᠴᠢᠨ ᠢᠶᠠᠨ ᠬᠠᠶᠢᠷᠠᠯᠠᠨ ᠲᠠᠭᠤᠲᠠᠲᠠᠭ ᠤᠴᠢᠷ ᠲᠠᠢ᠃ ᠪᠠᠶᠢᠭᠠᠯᠢ ᠤᠷᠴᠢᠨ ᠢᠶᠠᠨ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠡᠵᠢ ᠲᠠᠢ ᠪᠠᠨ | ᠠᠲᠠᠯᠢ ᠪᠠᠷ ᠦᠵᠡᠵᠦ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠬᠤ ᠶᠤᠰᠤᠲᠠᠢ᠃ ᠨᠡᠬᠦᠲᠡᠯ ᠰᠤᠶᠤᠯ ᠨᠢ ᠡᠭᠡ ᠪᠠᠶᠢᠭᠠᠯᠢ ᠪᠠᠨ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠭᠰᠠᠨ ᠮᠠᠯᠴᠢᠨ ᠤᠬᠠᠭᠠᠨ ᠪᠠᠶᠢᠭᠠ | ᠶᠤᠮ᠃ ᠨᠤᠲᠤᠭ ᠢᠶᠠᠨ ᠡᠭᠡ ᠪᠠᠶᠢᠭᠠᠯᠢ ᠡᠮᠵᠡᠭᠨᠡᠬᠦ ᠪᠠᠷ ︽ᠲᠠᠷᠭᠤᠨ ᠮᠢᠬᠠ ᠢᠲᠡᠵᠦ ᠲᠤᠷᠭᠠᠨ ᠲᠡᠭᠡᠷᠡ ᠦᠩᠬᠦᠷᠢᠲᠦᠨᠡ︾ ᠭᠡᠵᠤ ᠲᠤᠭᠠ ᠶᠢ ᠬᠦᠭᠡᠭᠡᠴᠡᠯᠲᠦᠭᠰᠡᠨ | ᠲᠤᠬᠢᠯᠠᠭ ᠰᠠᠶᠢᠬᠠᠨ ᠰᠠᠭᠤᠷᠢᠰᠢᠯ ᠠᠮᠢᠲᠤᠷᠠᠯ ᠲᠠᠢ ᠰᠢᠨᠠ ᠡᠷᠡᠨ ᠤ ᠮᠠᠯᠴᠢᠳ ᠮᠢᠨᠢ ᠵᠢᠷᠡᠡᠨᠢᠭᠡ ᠶᠢᠨ ᠠᠵᠢᠯᠯᠠᠭᠠ ᠶᠢ ᠲᠠᠨᠢᠨ ᠤᠬᠠᠭᠠᠷᠠᠵᠤ᠂ ᠮᠠᠯ ᠤᠨ ᠢᠶᠠᠨ | ᠲᠤᠭᠠ ᠶᠢ ᠵᠤᠬᠢᠰᠲᠠᠢ ᠪᠠᠶᠢᠯᠭᠠᠬᠤ ᠪᠠᠷ ᠬᠦᠴᠦᠯᠡᠵᠦ ᠡᠬᠢᠯᠡᠭᠰᠡᠨ ᠨᠢ ᠪᠠᠶᠠᠷᠯᠠᠭᠤᠰᠢᠲᠠᠢ ᠶᠠᠪᠤᠲᠠᠯ᠃ | 2013 ᠤᠨ ᠳᠤ᠂ ᠰᠢ ᠶᠢᠨ ᠫᠢᠩ ᠶᠡᠷᠦᠩᠭᠡᠢ ᠱᠦᠵᠢ ᠪᠥᠬᠦᠳᠡ ᠨᠠᠶᠢᠷᠠᠮᠳᠠᠬᠤ ᠺᠠᠽᠬᠠᠰᠲ᠋ᠠᠨ ᠤᠯᠤᠰ ᠲᠤ ᠠᠶᠢᠯᠴᠢᠯᠠᠵᠤ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠤ ᠪᠠᠨ | ᠨᠠᠵᠠᠷᠪᠠᠶᠧᠹ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠤᠶᠤᠲᠠᠳ ᠲᠠᠢ ᠤᠷᠴᠢᠨ ᠲᠤᠭᠤᠷᠢᠨ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠲᠤᠬᠠᠢ ᠶᠠᠷᠢᠯᠴᠠᠭᠠ ᠪᠤᠯᠬᠤ ᠳᠤ ᠪᠠᠨ ︽ᠬᠦᠭᠡ ᠠᠭᠤᠯᠠ | ᠬᠦᠭᠡᠮᠲᠦᠭ ᠤᠰᠤ ᠪᠤᠯ ᠲᠠᠷᠤᠢ ᠠᠯᠲᠠ ᠮᠦᠩᠬᠦᠨ ᠠᠭᠤᠯᠠ ᠮᠦᠨ︾ ᠭᠡᠵᠤ ᠠᠩᠬᠠ ᠲᠤᠷᠠᠳᠴᠤ᠂ ᠨᠠᠮ ᠤᠨ ᠠᠷᠪᠠ ᠶᠢᠰᠦᠲᠦᠭᠡᠷ ᠪᠦᠬᠦᠲᠡ ᠬᠤᠷᠠᠯ ᠳᠤ ᠵᠠᠰᠠᠪᠤᠷᠢ | ᠤᠷᠤᠭᠤᠯᠤᠭᠰᠠᠨ ︽ᠨᠠᠮ ᠤᠨ ᠲᠦᠷᠢᠮ︾ ᠳᠤ ᠪᠢᠴᠢᠵᠦ ᠤᠷᠤᠭᠤᠯᠤᠭᠰᠠᠨ ᠨᠢ ᠨᠠᠮ ᠤᠯᠤᠰ ᠠᠴᠠ ᠠᠮᠢ ᠠᠬᠤᠢ ᠶᠢᠨ ᠪᠤᠯᠪᠠᠰᠤᠨ ᠤ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠯᠲᠠ ᠶᠢᠨ | ᠤᠯᠤᠰ ᠤᠨ ᠲᠦᠪᠰᠢᠨ ᠤ ᠪᠤᠲᠤᠯᠭᠠ ᠪᠤᠯᠭᠠᠵᠠᠢ᠃ | ᠡᠯᠡᠰᠦᠷᠭᠡᠭᠵᠢᠵᠦ ᠪᠦᠬᠦᠢ ᠤᠷᠠᠳ ᠨᠤᠲᠤᠭ ᠲᠤ ᠠᠭᠤᠷᠬᠠᠢ ᠶᠢ ᠬᠠᠭᠠᠵᠤ᠂ ᠡᠭᠡ ᠪᠠᠶᠢᠭᠠᠯᠢ ᠶᠢ ᠰᠡᠷᠬᠦᠭᠡᠬᠦ ᠠᠵᠢᠯᠯᠠᠭᠠ ᠡᠷᠴᠢᠮᠲᠡᠢ ᠶᠠᠪᠤᠭᠲᠠᠨ᠂ ᠦᠩᠭᠡ ᠶᠢᠨ | ᠴᠡᠴᠡᠭ ᠪᠤᠯᠢᠶᠠᠯᠲᠤᠨ ᠲᠡᠯᠭᠡᠷᠡᠭᠰᠡᠨ ᠤᠷᠠᠳ ᠨᠤᠲᠤᠭ ᠲᠤᠷᠠᠳᠬᠠᠯ ᠳᠤ ᠪᠢᠰᠢ ᠬᠠᠷᠠᠭᠠᠨ ᠳᠤ ᠲᠤᠲᠤᠷᠠᠬᠤ ᠶᠤᠮ᠃ | ᠵᠠᠬᠠ ᠬᠠᠶᠢᠭᠰᠠᠨ ᠤᠬᠠᠭᠠᠨ ᠵᠠᠬᠠ ᠲᠡᠯᠭᠡᠬᠦᠷ ᠤᠨ ᠠᠵᠤ ᠠᠬᠤᠢ ᠳᠤ ᠰᠢᠯᠵᠢᠭᠰᠡᠡ ᠦᠨᠦᠲᠦᠷ᠂ ᠮᠠᠯ ᠤᠨ ᠠᠰᠢᠭ ᠰᠢᠮᠠ ᠴᠦ ᠲᠤᠮᠤ ᠲᠠᠯᠠᠢ ᠳᠤ ᠤᠷᠤᠭᠰᠠᠨ | ᠪᠢᠴᠢᠬᠠᠨ ᠵᠠᠪᠢ ᠰᠢᠭ᠋ ᠵᠠᠬᠠ ᠲᠡᠯᠭᠡᠬᠦᠷ ᠤᠨ ᠦᠨᠡ ᠬᠠᠩᠰᠢ ᠶᠢᠨ ᠲᠤᠩᠰᠤᠯᠤᠯᠳᠠ ᠳᠤ ᠤᠴᠠᠷᠠᠵᠤ᠂ ᠵᠦᠲᠡᠬᠦᠭᠡᠨ ᠲᠡᠮᠡᠤᠯᠦᠨᠡ᠃ ᠮᠠᠯ ᠤᠨᠤᠭᠠ ᠶᠢᠨ ᠦᠨᠠ | ᠬᠠᠩᠰᠢ ᠬᠢᠮᠲᠠᠷᠠᠵᠤ᠂ ᠮᠠᠯᠵᠢᠬᠤ ᠤᠶᠢᠯᠡᠳᠪᠤᠷᠢᠯᠠᠯ ᠬᠦᠴᠢᠷᠲᠠᠯ ᠳᠤ ᠲᠤᠯᠭᠠᠷᠠᠭᠰᠠᠨ ᠴᠠᠭ ᠲᠤ ᠮᠠᠯᠴᠢᠳ ᠭᠠᠷ ᠢᠶᠠᠨ ᠨᠤᠬᠤᠯᠠᠨ ᠭᠠᠴᠢᠭᠲᠠᠬᠤ ᠭᠡᠵᠤ ᠶᠠᠷᠢᠶᠠᠨ ᠦᠭᠡᠢ | ᠤᠴᠢᠷ᠃ ᠵᠢᠷᠠᠡᠨᠢᠭᠡ ᠴᠦ ᠡᠨᠡᠬᠦ ᠠᠵᠤ ᠠᠬᠤᠢ ᠶᠢᠨ ᠬᠦᠴᠦᠲᠤ ᠲᠠᠪᠠᠯᠭᠠᠨ ᠠᠴᠠ ᠵᠠᠶᠢᠯᠠᠵᠤ ᠴᠢᠲᠠᠭᠠ ᠦᠭᠡᠢ᠂ ᠠᠳᠬᠤ ᠠᠳᠬᠤ ᠪᠠᠷ ᠤᠯᠲᠠᠭ ᠠᠷᠠᠳ ᠤᠨ | ᠵᠤᠭᠤᠰ ᠨᠢ ᠦᠵᠡᠵᠦ ᠬᠠᠷᠠᠵᠤ ᠪᠠᠶᠢᠲᠠᠯᠠ ᠮᠠᠯ ᠤᠨᠤᠭᠠᠨ ᠤ ᠪᠠᠨ ᠡᠪᠡᠰᠣ ᠪᠤᠷᠲᠤᠭᠠᠨ ᠳᠤ ᠴᠦ ᠬᠦᠷᠬᠦ ᠪᠠᠨ ᠪᠤᠯᠢᠵᠤ᠂ ᠭᠠᠲᠠᠭᠰᠢ ᠵᠠᠬᠠ ᠬᠠᠶᠢᠨ᠂ ᠭᠠᠷᠬᠤ | ᠵᠠᠮ ᠢᠶᠠᠨ ᠡᠷᠢᠯᠬᠢᠯᠡᠨᠡ᠃ ᠬᠠᠲᠠᠭᠠᠭᠰᠠᠨ ᠮᠢᠬᠠ ᠭᠡᠪᠡᠯ ᠮᠤᠩᠭᠤᠯᠴᠤᠳ ᠪᠦᠷ ᠮᠡᠲᠡᠲᠡᠭ᠂ ᠭᠡᠯᠡ ᠤᠷᠤᠭᠠ ᠭᠡᠤᠭᠡᠳ ᠠᠴᠠ ᠡᠬᠢᠯᠡᠨ ᠬᠦᠭᠰᠢᠨ ᠪᠤᠭᠤᠷᠤᠯᠴᠤᠳ | ᠬᠦᠷᠲᠡᠯᠠ ᠢᠲᠡᠬᠦ ᠲᠤᠷᠠᠲᠠᠢ᠃ ᠲᠡᠤᠭᠡᠨ ᠠᠴᠠ ᠠᠪᠤᠭᠠᠳ ᠮᠤᠩᠭᠤᠯᠴᠤᠳ ᠭᠠᠴᠢᠭ ᠬᠠᠪᠤᠷ ᠢ ᠦᠩᠭᠡᠷᠡᠭᠡᠬᠦ᠂ ᠲᠠᠶᠢᠨ ᠪᠠᠶᠢᠯᠲᠤᠭᠠᠨ ᠳᠤ ᠮᠤᠷᠲᠠᠬᠤ᠂ ᠤᠲᠤᠷ | ᠨᠡᠬᠦᠲᠡᠯ ᠳᠤ ᠲᠤᠲᠠᠭᠲᠠᠵᠤ ᠪᠤᠯᠤᠰᠢ ᠦᠭᠡᠢ ᠬᠦᠨᠡᠰᠤ ᠪᠤᠯᠤᠭᠰᠠᠨ ᠪᠠᠶᠢᠲᠠᠭ᠃ | — — ᠨᠠᠰᠤ ᠪᠠᠷ ᠢᠶᠠᠨ ᠬᠠᠲᠠᠭᠠᠭᠰᠠᠨ ᠮᠢᠬᠠ ᠢᠲᠡᠯᠡ᠂ ᠶᠡᠷᠦ ᠨᠢ ᠬᠤᠲᠠᠯᠲᠤᠨᠠ ᠭᠡᠵᠤ ᠪᠤᠲᠤᠭᠠ ᠦᠭᠡᠢ᠃ | — — ᠬᠠᠲᠠᠭᠠᠭᠰᠠᠨ ᠮᠢᠬᠠ ᠬᠠᠩᠬᠢ ᠦᠨᠡ ᠬᠦᠷᠴᠦ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ | — — ᠵᠠ᠂ ᠲᠡᠭᠡᠭᠡᠳ ᠵᠢᠷᠠᠡᠨᠢᠭᠡ ᠶᠢ ᠬᠠᠷᠠᠵᠤ ᠪᠠᠶᠢᠶᠠ᠂ ᠲᠡᠷᠡ ᠯᠠ ᠬᠢᠭᠡᠳ ᠪᠦᠲᠦᠬᠦ ᠶᠤᠮ ᠪᠤᠯ ᠪᠢᠲᠠ ᠴᠦ ᠬᠢᠵᠦ ᠪᠤᠯᠬᠤ ᠪᠠᠶᠢᠬᠠ᠃ | — — ᠦᠭᠡᠢ ᠶᠡᠷᠦ ᠨᠢ ᠡᠨᠡ ᠵᠠᠯᠠᠭᠤ ᠠᠷᠪᠢᠨ ᠶᠠᠭᠤᠮᠠ ᠰᠡᠲᠦᠵᠦ ᠶᠠᠪᠤᠲᠠᠭ ᠶᠤᠮ ᠪᠠᠶᠢᠨᠠ᠃ ᠬᠦᠮᠦᠨ ᠠᠴᠠ ᠤᠨᠲᠤᠤ ᠶᠠᠭᠤᠮᠠ ᠪᠤᠲᠤᠵᠦ | ᠶᠠᠪᠤᠲᠠᠭ ᠪᠠᠶᠢᠬᠤ ᠦᠭᠡᠢ ᠤᠤ⁈ | — — ᠮᠠᠨᠤᠰ ᠢ ᠢᠩᠬᠢ᠂ ᠴᠢᠩᠬᠢ ᠭᠡᠳ ᠪᠠᠶᠢᠲᠠᠭ ᠨᠢ ᠪᠦᠷ ᠰᠠᠶᠢᠨ ᠤᠴᠢᠷ ᠪᠠᠶᠢᠵᠠᠢ᠃ ᠬᠦᠭᠡᠷᠦᠬᠦᠢ ᠭᠠᠵᠠᠷ ᠡᠯᠡᠭᠡᠭᠰᠡᠨ ᠬᠦᠮᠦᠨ ᠪᠤᠯᠬᠤᠷ ᠤᠯᠠᠨ | ᠶᠠᠭᠤᠮᠠ ᠦᠵᠡᠵᠦ ᠨᠢᠲᠤ ᠨᠡᠭᠡᠭᠡᠭᠰᠡᠨ ᠪᠠᠶᠢᠵᠤ ᠳ᠋ᠠ᠃ | ︽ᠮᠠᠯ ᠤᠨ ᠮᠦᠷ ᠢᠶᠠᠷ ᠳᠤᠰᠤ︾ ᠬᠡᠳᠡᠭ᠃ ᠮᠠᠯ ᠤᠨ ᠢᠶᠠᠨ ᠠᠰᠢᠭ ᠰᠢᠮᠠ ᠶᠢ ᠰᠠᠶᠢᠬᠠᠨ ᠠᠰᠢᠭᠯᠠᠵᠤ ᠴᠢᠲᠠᠲᠠᠭ ᠯᠠ ᠶᠤᠮ ᠪᠤᠯ᠂ ᠮᠠᠯᠴᠢᠳ ᠤᠨ | ᠠᠮᠢᠲᠤᠷᠠᠯ ᠡᠲᠦᠷ ᠠᠴᠠ ᠡᠲᠦᠷ ᠰᠠᠶᠢᠨ ᠪᠤᠯᠬᠤ ᠨᠢ ᠶᠠᠷᠢᠶᠠᠨ ᠦᠭᠡᠢ᠃ ᠵᠢᠷᠡᠡᠨᠢᠭᠡ 2012 ᠤᠨ ᠳᠤ᠂ ᠲᠠᠪᠢᠭᠠᠳ ᠢᠮᠠᠭᠠᠨ ᠮᠢᠬᠠ ᠬᠠᠲᠠᠭᠠᠭᠠᠳ | ᠬᠤᠲᠠᠯᠲᠤᠭᠰᠠᠨ ᠳᠤ ᠪᠤᠷᠤᠯᠠᠭᠤᠯᠭᠠ ᠶᠡᠭᠡ ᠵᠦᠭᠡᠷ ᠪᠠᠶᠢᠭᠰᠠᠨ ᠪᠦᠭᠡᠳ ᠠᠰᠢᠭ ᠤᠷᠤᠯᠭᠠ ᠴᠦ ᠤᠤᠯ ᠤᠨ ᠬᠢ ᠠᠴᠠ ᠦᠨᠲᠤᠷ ᠪᠠᠶᠢᠵᠤ᠂ ᠮᠤᠩᠭᠤᠯᠴᠤᠳ ᠤᠨ | ᠤᠯᠠᠮᠵᠢᠯᠠᠯᠲᠤ ᠢᠲᠠᠭᠡᠨ ᠢ ᠵᠠᠬᠠ ᠲᠡᠯᠭᠡᠬᠦᠷ ᠲᠤ ᠭᠠᠷᠭᠠᠬᠤ ᠰᠠᠨᠠᠭᠠ ᠲᠠᠢ ᠠᠩᠬᠠ ᠲᠤᠷᠰᠢᠵᠤ ᠬᠢᠭᠡᠳ ᠠᠮᠵᠢᠯᠲᠠ ᠤᠯᠤᠯᠠ᠃ ᠮᠠᠯ ᠤᠨ ᠦᠨᠠ ᠬᠠᠩᠰᠢ ᠭᠡᠵᠢᠶᠠ | ᠦᠰᠲᠡᠭ ᠪᠤᠯ ᠭᠡᠵᠤ ᠰᠠᠨᠠᠭᠠᠰᠢᠷᠠᠨ ᠰᠠᠭᠤᠭᠰᠠᠨ ᠮᠠᠯᠴᠢᠳ ᠲᠤ ᠦᠪᠡᠷ ᠤᠨ ᠠᠵᠢᠯᠯᠠᠭᠠ ᠪᠠᠷ ᠲᠠᠭᠤᠷᠢᠶᠠᠯ ᠪᠤᠯᠵᠤ᠂ ᠲᠡᠲᠡᠨ ᠳᠤ ᠭᠠᠷᠬᠤ ᠵᠠᠮ ᠢ ᠵᠢᠭᠠᠵᠤ | ᠦᠭᠬᠦᠭᠰᠡᠨ ᠪᠠᠶᠢᠨᠠ᠃ ᠲᠡᠷᠡ ᠮᠠᠯᠴᠢᠳ ᠤᠨ ᠠᠮᠢᠲᠤᠷᠠᠯ ᠦᠢᠯᠡᠳᠪᠦᠷᠢᠯᠡᠯ ᠢ ᠤᠶᠢᠯᠠᠭᠠᠵᠤ ᠶᠠᠪᠤᠬᠤ ᠳᠤ ᠪᠠᠨ ︽ᠨᠠᠮᠤᠷ ᠮᠠᠯ ᠢᠶᠠᠨ ᠲᠦᠪᠯᠡᠷᠠᠬᠦᠯᠤᠨ ᠬᠤᠲᠠᠯᠲᠤᠪᠠᠯ | ᠮᠠᠯ ᠤᠨ ᠦᠨᠠ ᠪᠠᠭᠤᠷᠠᠬᠤ ᠪᠤᠶᠤ ᠬᠤᠲᠠᠯᠲᠤᠵᠤ ᠭᠠᠷᠬᠤ ᠦᠭᠡᠢ ᠪᠠᠶᠢᠲᠠᠯ ᠭᠠᠷᠤᠨᠠ᠃ ᠠᠷᠭᠠ ᠪᠦᠬᠦᠨ ᠢ ᠰᠦᠪᠡᠭᠴᠢᠯᠠᠨ ᠡᠬᠦᠨ ᠠᠴᠠ ᠵᠠᠶᠢᠯᠠᠰᠬᠢᠪᠠᠯ ᠵᠤᠬᠢᠨᠠ᠂ | ᠮᠠᠯ ᠬᠤᠲᠠᠯᠲᠤᠲᠠᠭ ᠵᠤᠷᠰᠢᠯ ᠢ ᠡᠪᠲᠡᠬᠦ ᠦᠭᠡᠢ ᠶᠤᠮ ᠪᠤᠯ ᠭᠠᠷᠬᠤ ᠵᠠᠮ ᠴᠢᠬᠤᠯ ᠪᠤᠯᠤᠨᠠ ᠰᠢᠤ︾ ᠭᠡᠵᠤ ᠬᠦᠮᠦᠰ ᠤᠨ ᠡᠪ ᠵᠦᠢ ᠢ ᠬᠠᠷᠠᠵᠤ ᠪᠤᠲᠤᠭᠰᠠᠨ | ᠰᠡᠳᠬᠢᠭᠰᠡᠨ ᠦᠵᠡᠭᠰᠡᠨ ᠬᠠᠷᠠᠭᠰᠠᠨ ᠢᠶᠠᠨ ᠬᠠᠷᠠᠮ ᠦᠭᠡᠢ ᠬᠤᠪᠢᠶᠠᠯᠴᠠᠵᠤ ᠶᠠᠪᠤᠨᠠ᠃ | ᠬᠦᠮᠦᠨ ᠪᠤᠯᠭᠠᠨ ᠤ ᠠᠮᠢᠲᠤᠷᠠᠬᠤᠢ ᠶᠢᠨ ᠤᠬᠠᠭᠠᠨ ᠵᠦᠷᠢᠶᠡ ᠲᠠᠢ ᠪᠠᠶᠢᠲᠠᠭ᠃ ᠵᠠᠷᠢᠮ ᠬᠦᠮᠦᠨ ᠬᠠᠷᠠ ᠴᠠᠢ ᠪᠠᠨ ᠤᠭᠤᠴᠠᠵᠤ᠂ ᠭᠠᠲᠠᠨᠠᠬᠢ ᠶᠢᠷᠲᠢᠨᠴᠦ ᠶᠢᠨ | ᠬᠦᠭᠵᠢᠯᠲᠡ ᠶᠢ ᠶᠠᠭᠤᠮᠠᠨ ᠳᠤ ᠪᠤᠲᠤᠯ ᠦᠭᠡᠢ᠂ ᠲᠡᠭᠷᠢ ᠨᠤᠷᠠᠭᠰᠠᠨ ᠴᠦ ᠲᠡᠬᠦᠨ ᠳᠤ ᠬᠠᠮᠢᠶᠠ ᠦᠭᠡᠢ ᠰᠢᠭ᠂ ᠲᠤᠭᠲᠠᠮᠠᠯ ᠤᠰᠤ ᠭᠡᠮᠡᠷᠭᠡᠨ ᠨᠢᠭᠡ ᠨᠠᠰᠤ ᠶᠢ ᠡᠯᠡᠭᠡᠨᠡ | ᠃ ᠵᠠᠷᠢᠮ ᠬᠦᠮᠦᠨ ᠨᠡᠶᠢᠭᠡᠮ ᠤᠨ ᠲᠠᠪᠰᠢᠯᠲᠠ ᠬᠦᠭᠵᠢᠯᠲᠡ ᠶᠢᠨ ᠦᠷᠡ ᠪᠦᠲᠦᠭᠡᠯ ᠢ ᠡᠳ᠋ᠯᠡᠬᠦ ᠭᠡᠵᠤ ᠤᠬᠠᠭᠠᠨ ᠢᠶᠠᠨ ᠰᠢᠪᠬᠠᠨ ᠴᠢᠷᠮᠠᠶᠢᠵᠤ ᠶᠠᠪᠤᠨᠠ᠃ ︽ᠴᠠᠭᠠᠰᠤ | ᠬᠡᠲᠦᠢ ᠨᠢᠮᠭᠡᠨ ᠴᠦ ᠴᠢᠴᠢᠬᠦ ᠦᠭᠡᠢ ᠪᠤᠯ ᠴᠤᠭᠤᠷᠠᠬᠤ ᠦᠭᠡᠢ᠂ ᠬᠦᠮᠦᠨ ᠭᠡᠲᠦᠢ ᠮᠡᠷᠭᠡᠨ ᠴᠦ ᠭᠡᠯᠡᠬᠦ ᠦᠭᠡᠢ ᠪᠤᠯ ᠮᠡᠲᠡᠬᠦ ᠦᠭᠡᠢ︾ ᠭᠡᠲᠡᠭ᠂ ᠵᠠᠷᠢᠮ ᠲᠤᠭᠤᠢ | ᠰᠠᠭᠤᠵᠤ ᠪᠤᠰᠤᠳ ᠤᠨ ᠦᠭᠡ ᠶᠢ ᠴᠢᠩᠨᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠠᠷᠭᠠ ᠤᠬᠠᠭᠠᠨ ᠢᠶᠠᠨ ᠤᠯᠤᠭᠰᠠᠨ ᠴᠦ ᠪᠠᠶᠢᠲᠠᠭ᠃ ᠮᠠᠯᠴᠢᠨ ᠬᠦᠮᠦᠨ ᠵᠠᠬᠠ ᠲᠡᠯᠭᠡᠬᠦᠷ ᠤᠨ | ᠦᠷᠢᠰᠦᠯᠲᠦᠭᠡᠨ ᠳᠤ ᠬᠦᠯ ᠲᠤᠭᠲᠠᠬᠤ ᠭᠡᠵᠤ ᠬᠢᠯᠪᠡᠷ ᠶᠠᠪᠤᠲᠠᠯ ᠪᠢᠰᠢ᠃ ᠵᠠᠯᠠᠭᠤ ᠭᠠᠩᠭᠠᠩ ᠨᠠᠰᠤᠨ ᠳᠤ ᠪᠠᠨ ᠵᠠᠬᠠ ᠲᠡᠯᠭᠡᠬᠦᠷ ᠤᠨ ᠵᠠᠢ ᠳᠤ ᠤᠬᠠᠭᠠᠨ ᠰᠦᠢᠵᠤ᠂ | ᠤᠨᠠᠵᠤ ᠲᠤᠰᠴᠦ ᠠᠯᠲᠠᠵᠤ ᠤᠯᠵᠤ ᠶᠠᠪᠤᠭᠰᠠᠨ ᠵᠢᠷᠠᠡᠨᠢᠭᠡ ᠬᠤᠵᠢᠮ ᠢᠶᠠᠨ ᠪᠤᠲᠤᠨ ᠬᠤᠯᠠ ᠶᠢ ᠬᠠᠷᠠᠲᠠᠭ ᠪᠤᠯᠵᠠᠢ᠃ ᠠᠩᠬᠠᠨ ᠤ ᠵᠢᠯ ᠳᠤ ᠪᠠᠨ ᠠᠮᠵᠢᠯᠲᠠ | ᠤᠯᠤᠭᠰᠠᠨ ᠵᠢᠷᠡᠡᠨᠢᠭᠡ ᠮᠢᠬᠠ ᠬᠠᠲᠠᠭᠠᠵᠤ ᠬᠤᠲᠠᠯᠲᠤᠬᠤ ᠪᠠᠷ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠲᠡᠬᠦᠯᠬᠦ ᠨᠢᠭᠡ ᠵᠠᠮ ᠢᠶᠠᠨ ᠪᠤᠯᠭᠠᠨ᠂ ᠬᠤᠪᠢ ᠪᠠᠷ ᠢᠶᠠᠨ 500 ᠲᠡᠭᠰᠢ | ᠲᠦᠷᠪᠡᠯᠵᠢᠨ ᠮᠧᠳ᠋ᠷ ᠲᠠᠯᠠᠪᠠᠢ ᠪᠦᠬᠦᠢ ᠮᠢᠬᠠ ᠬᠠᠲᠠᠭᠠᠬᠤ ᠬᠦᠮᠤᠷᠭᠡ ᠪᠠᠷᠢᠵᠤ᠂ ᠢᠮᠡᠭᠠᠨ ᠮᠢᠬᠠ ᠬᠠᠲᠠᠭᠠᠬᠤ ᠦᠢᠯᠡᠰ ᠢᠶᠠᠨ ᠦᠷᠭᠡᠵᠢᠬᠦᠯᠦᠭᠰᠡᠨ ᠪᠠᠶᠢᠨᠠ᠃ | ᠵᠢᠷᠠᠡᠨᠢᠭᠡ ᠮᠠᠯ ᠪᠡᠯᠴᠢᠭᠡᠷ ᠤᠨ ᠵᠠᠢ ᠳᠤ ᠴᠠᠭ ᠮᠦᠴᠨ ᠶᠢ ᠡᠯᠡᠭᠡᠵᠤ ᠵᠦᠭᠡᠷ ᠰᠠᠭᠤᠲᠠᠭ ᠦᠭᠡᠢ᠂ ᠬᠠᠷᠢᠨ ᠬᠦᠲᠡᠭᠡ ᠶᠢᠨ ᠠᠵᠢᠯ ᠤᠨ ᠶᠠᠭᠠᠷᠠᠤ ᠴᠠᠭ ᠢ | ᠦᠩᠭᠡᠷᠠᠪᠠᠯ᠂ ᠭᠡᠲᠤᠨ ᠲᠦᠮᠠᠨ ᠲᠦᠬᠦᠷᠢᠭ ᠢᠶᠠᠨ ᠬᠠᠶᠢᠷᠠᠯᠠᠯ ᠦᠭᠡᠢ ᠭᠠᠭᠴᠠᠭᠠᠷ ᠢᠶᠠᠨ ᠭᠠᠲᠠᠭᠰᠢ ︽ᠰᠤᠷᠤᠯᠴᠠᠬᠤ︾ ᠪᠠᠷ ᠭᠠᠲᠠᠭᠤᠷ ᠶᠠᠪᠤᠲᠠᠭ᠃ ᠨᠢᠭᠡ ᠵᠢᠯ ᠳᠤ | ᠪᠠᠷᠤᠭ ᠵᠠᠭᠤᠨ ᠬᠤᠨᠤᠭ ᠢ ᠪᠡᠭᠡᠵᠢᠩ᠂ ᠰᠢᠨᠵᠢᠶᠠᠩ᠂ ᠯᠢᠶᠤᠤᠨᠢᠩ᠂ ᠬᠦᠭᠡᠨᠠᠭᠤᠷ ᠤᠨ ᠲᠠᠯᠠᠭᠡᠢ ᠬᠤᠲᠠ᠂ ᠲᠤᠯᠠᠭᠠᠨ ᠰᠢᠶᠠᠨ᠂ ᠬᠠᠶᠢᠰᠢ ᠵᠸᠤ᠂ ᠮᠠᠨ ᠤ ᠤᠷᠤᠨ ᠤ | ᠡᠯᠠ ᠠᠶᠢᠮᠠᠭ ᠬᠤᠲᠠ ᠬᠤᠰᠢᠭᠤ ᠪᠠᠷ ᠪᠠᠶᠢᠩᠭᠤ ᠶᠠᠪᠤᠵᠤ᠂ ᠭᠠᠵᠠᠷ ᠪᠤᠯᠭᠠᠨ ᠤ ᠰᠢᠨᠠ ᠮᠠᠯᠵᠢᠯ ᠤᠨ ᠠᠷᠭᠠ ᠲᠤᠷᠰᠢᠯᠭᠠ ᠪᠤᠶᠤ ᠮᠠᠯ ᠠᠵᠤ ᠠᠬᠤᠢ ᠪᠠᠨ ᠰᠠᠶᠢᠬᠠᠨ | ᠡᠵᠡᠩᠨᠠᠵᠤ ᠪᠠᠶᠢᠭᠠ ᠬᠦᠮᠤᠰ ᠤᠨ ᠠᠷᠭᠠ ᠲᠤᠷᠰᠢᠯᠭᠠ ᠶᠢ ᠦᠵᠠᠨ ᠰᠤᠷᠤᠯᠴᠠᠲᠠᠭ ᠨᠢ ᠲᠠᠳᠬᠠᠯ ᠪᠤᠯᠵᠠᠢ᠃ ᠲᠡᠶᠢᠮᠦ ᠳᠤ ᠪᠠᠨ ᠲᠡᠬᠦᠨ ᠳᠤ ᠲᠠᠨᠢᠯ ᠤᠯᠠᠨᠲᠠᠢ᠃ | ᠤᠤᠯ ᠠᠴᠠ ᠪᠠᠨ ᠰᠠᠶᠢᠬᠠᠨ ᠬᠠᠷᠢᠯᠴᠠᠲᠠᠭ ᠰᠢ ᠪᠸᠢ ᠮᠢᠬᠠᠨ ᠤ ᠲᠦᠷᠤᠯ ᠤᠨ ᠺᠤᠮᠫᠠᠨᠢ ᠪᠤᠯᠤᠨ ᠪᠡᠭᠡᠵᠢᠩ ᠤᠨ ᠨᠢᠭᠡᠨ ᠮᠢᠬᠠᠨ ᠤ ᠺᠤᠮᠫᠠᠨᠢ ᠲᠠᠢ ᠭᠡᠲᠤᠨ ᠵᠢᠯ ᠤᠨ | ᠬᠤᠭᠤᠴᠠᠭᠠᠨ ᠳᠤ ᠬᠠᠮᠲᠤᠷᠠᠨ ᠠᠵᠢᠯᠯᠠᠵᠤ᠂ ᠬᠠᠲᠠᠭᠠᠭᠰᠠᠨ ᠮᠢᠬᠠ ᠪᠠᠨ ᠰᠢᠭᠤᠳ ᠪᠤᠷᠤᠯᠠᠭᠤᠯᠤᠭᠰᠠᠭᠠᠷ ᠢᠷᠠᠵᠠᠢ᠃ ᠲᠠᠷᠨ ᠤᠶᠢᠷᠠ ᠬᠠᠪᠢ ᠶᠢᠨ ᠮᠠᠯᠴᠢᠳ ᠤᠨ | ᠬᠤᠲᠠᠯᠲᠤᠬᠤ ᠬᠤᠨᠢ ᠮᠠᠯ ᠢ ᠴᠦ ᠺᠤᠮᠫᠠᠨᠢ ᠲᠠᠢ ᠬᠠᠷᠢᠴᠠᠵᠤ ᠦᠭᠲᠡᠭ ᠠᠴᠠ ᠮᠠᠯᠴᠢᠳ ᠤᠨ ᠮᠠᠯ ᠤᠨ ᠭᠠᠷᠭᠠᠯᠲᠠ ᠶᠢᠨ ᠠᠵᠢᠯ ᠢ ᠲᠡᠮᠵᠢᠭᠰᠡᠨ ᠪᠦᠭᠡᠳ ᠪᠦᠭᠡᠮ ᠢᠶᠠᠷ | ᠪᠤᠷᠤᠯᠠᠭᠤᠯᠵᠤ ᠬᠠᠩᠭᠠᠯᠭᠠ ᠶᠢ ᠪᠠᠲᠤᠯᠠᠵᠤ ᠴᠢᠲᠠᠭᠰᠠᠨ ᠪᠠᠶᠢᠨᠠ᠃ | 2017 ᠤᠨ ᠤ ᠡᠪᠤᠯ | ᠪᠤᠷᠬᠠᠨᠲᠤ ᠶᠢᠨ ᠭᠤᠤᠯ ᠢ ᠲᠠᠭᠠᠭᠰᠠᠨ ᠮᠠᠯᠴᠢᠨ ᠲᠦᠮᠡᠨ ᠤ ᠲᠦᠰᠢᠭ ᠪᠤᠯᠵᠤ ᠤᠩᠭᠤᠨ ᠠᠭᠤᠯᠠ ᠬᠦᠭᠡᠷᠡᠨ ᠰᠦᠨᠲᠡᠷᠯᠡᠨᠡ᠃ ᠡᠨᠡ ᠵᠢᠯ ᠤᠷᠠᠳ | ᠨᠤᠲᠤᠭ ᠴᠠᠰᠤ ᠪᠠᠭᠠᠲᠠᠢ᠂ 11 ᠰᠠᠷᠠ ᠶᠢᠨ ᠲᠤᠮᠲᠠᠴᠢ ᠪᠤᠯᠴᠢᠬᠭ᠍ᠰᠠᠨ ᠪᠠᠶᠢᠲᠠᠯᠠ ᠬᠦᠢᠲᠡᠷᠡᠬᠦ ᠰᠢᠨᠵᠢ ᠠᠯᠠᠭᠠ᠃ ᠡᠲᠦᠷ ᠪᠤᠯᠭᠠᠨ ᠵᠢᠵᠢᠭ ᠠᠴᠢᠶᠠᠨ ᠤ ᠮᠠᠰᠢᠨ | ᠲᠠᠯᠠ ᠶᠢᠨ ᠰᠢᠷᠠ ᠵᠠᠮ ᠢᠶᠠᠷ ᠲᠤᠭᠤᠰᠤ ᠲᠠᠲᠠᠭᠤᠯᠤᠨ ᠲᠠᠪᠬᠢᠵᠦ ᠠᠶᠢᠯ ᠦᠵᠡᠪᠡᠯ ᠤᠷᠤᠬᠤ ᠬᠠᠷᠠᠭᠳᠠᠨᠠ᠃ ᠮᠠᠯ ᠤᠨ ᠮᠢᠬᠠ ᠦᠨᠡ ᠬᠦᠷᠦᠭᠰᠡᠨ ᠢᠶᠠᠷ ᠵᠠᠪᠰᠠᠷ ᠤᠨ | ᠮᠠᠶᠢᠮᠠᠶᠢᠴᠢᠳ ᠤᠨ ᠵᠢᠷᠭᠠᠯ ᠪᠤᠯᠵᠤ ᠪᠠᠶᠢᠭᠠ ᠨᠢ ᠡᠨᠡ᠃ ︽ᠡᠬᠦᠨ ᠲᠠᠢ ᠴᠢᠨᠢ ᠨᠠᠶᠢᠵᠠ᠂ ᠲᠡᠬᠦᠨ ᠲᠠᠢ ᠴᠢᠨᠢ ᠬᠠᠮᠲᠤ ᠰᠤᠷᠤᠭᠴᠢ︾ ᠭᠡᠵᠤ ᠲᠦᠷᠦᠯ ᠰᠠᠲᠤᠨ ᠤ | ᠬᠢᠨᠢ ᠨᠡᠷᠡ ᠶᠢ ᠵᠢᠭᠠᠵᠤ᠂ ᠠᠰᠢᠭ ᠢᠶᠠᠨ ᠶᠡᠭᠡᠰᠭᠡᠬᠦ ᠤᠬᠠᠭᠠᠨ ᠵᠠᠷᠤᠵᠤ ᠶᠠᠪᠤᠨᠠ ᠁ | — — ᠵᠢᠷᠡᠡᠨᠢᠭᠡ ᠢᠮᠠᠭᠠ ᠬᠤᠲᠠᠯᠲᠤᠵᠤ ᠠᠪᠬᠤ ᠶᠤᠮ ᠭᠡᠨᠡ᠃ | — — ᠵᠠᠬᠠ ᠲᠯᠡᠭᠡᠬᠦᠷ ᠤᠨ ᠦᠨᠡ ᠠᠴᠠ ᠨᠢᠭᠡ ᠲᠦᠬᠦᠷᠢᠭ ᠢᠯᠡᠬᠦᠦ ᠦᠭᠬᠦ ᠭᠡᠵᠤ ᠪᠠᠶᠢᠨᠠ᠃ | — — ᠨᠢᠭᠡ ᠲᠦᠬᠦᠷᠢᠭ ᠢᠯᠡᠬᠦᠦ ᠴᠦ ᠦᠭᠬᠦᠭᠰᠡᠨ ᠪᠤᠯᠤᠨᠠ ᠰᠢᠲᠠ᠂ ᠠᠪᠲᠠᠭ ᠯᠠ ᠶᠤᠮ ᠪᠤᠯ ᠵᠠᠬᠠ ᠲᠡᠯᠭᠡᠬᠦᠷ ᠤᠨ ᠦᠨᠡ ᠴᠦ ᠪᠤᠯᠤᠨᠠ᠃ | ᠬᠦᠢᠲᠡᠨ ᠬᠦᠮᠦᠷᠭᠡ ᠳᠤ ᠤᠴᠢᠬᠤ ᠶᠤᠮ ᠪᠤᠯ᠂ ᠠᠶᠠ ᠦᠭᠡᠶᠢᠲᠡᠪᠡᠯ ᠬᠤᠶᠠᠷ ᠭᠤᠷᠪᠠᠨ ᠬᠤᠨᠤᠭ ᠬᠦᠯᠢᠶᠡᠬᠦ ᠪᠤᠯᠤᠨᠠ᠂ ᠭᠡᠲᠦᠢ ᠶᠠᠷᠰᠢᠭ ᠲᠠᠢ ᠪᠤᠢ︖ | — — ᠰᠤᠨᠤᠰᠬᠤ ᠳᠤ ᠡᠨᠡ ᠵᠢᠯ ᠨᠠᠯᠢᠶᠠᠳ ᠮᠢᠬᠠ ᠬᠠᠲᠠᠭᠠᠬᠤ ᠭᠡᠵᠤ ᠪᠠᠶᠢᠭᠠ ᠶᠤᠮ ᠭᠡᠨᠡ᠃ ᠲᠠᠮ ᠤᠨ ᠦᠭᠡ ᠲᠠᠯᠠᠨ ᠬᠤᠲᠠᠯ᠂ ᠵᠠᠮ ᠤᠨ ᠦᠭᠡ | ᠵᠢᠷᠠᠨ ᠬᠤᠲᠠᠯ ᠪᠤᠯᠤᠭᠠ ᠦᠭᠡᠢ᠃ ᠵᠢᠷᠡᠡᠨᠢᠭᠡ ᠦᠬᠦᠴᠨ ᠶᠢᠨ ᠴᠠᠭ ᠤᠶᠢᠷᠠᠳᠬᠤ ᠪᠠᠷ ᠭᠡᠲᠦᠨ ᠵᠠᠭᠤᠨ ᠢᠮᠠᠭᠠ ᠬᠤᠲᠠᠯᠲᠤᠨ ᠠᠪᠤᠯᠠ᠃ ᠢᠮᠠᠭᠠ ᠪᠠᠨ | ᠵᠢᠷᠡᠡᠨᠢᠭᠡ ᠳᠤ ᠬᠤᠲᠠᠯᠲᠤᠵᠤ ᠦᠭᠬᠦᠶᠡ ᠭᠡᠰᠡᠨ ᠠᠶᠢᠯ ᠲᠠᠢ ᠡᠲᠦᠷ ᠪᠤᠯᠵᠤᠵᠤ᠂ ᠲᠤᠭᠲᠠᠭᠰᠠᠨ ᠴᠠᠭ ᠲᠤ ᠡᠲᠡᠨ ᠤ ᠳᠤ ᠬᠦᠷᠭᠡᠭᠡᠳ ᠢᠷᠡᠪᠡᠯ ᠪᠤᠯᠴᠢᠬᠠᠨᠠ᠃ | — — ᠪᠤᠯᠵᠤᠭᠰᠠᠨ ᠴᠠᠭ ᠲᠤ ᠪᠢ ᠡᠬᠦᠲᠡᠨ ᠳᠤ ᠪᠠᠨ ᠮᠠᠯ ᠢ ᠤᠯᠠᠮᠵᠢᠯᠠᠯᠲᠤ ᠠᠷᠭᠠ ᠪᠠᠷ ᠦᠷᠦᠴᠡᠯᠡᠵᠦ ᠨᠢᠲᠦᠯᠡᠲᠡᠭ᠃ ᠴᠠᠭ ᠪᠤᠯᠵᠤᠵᠤ ᠪᠠᠶᠢᠬᠤ ᠨᠢ | ᠮᠠᠯ ᠢᠶᠠᠨ ᠬᠦᠷᠭᠡᠵᠦ ᠢᠷᠡᠭᠰᠡᠨ ᠮᠠᠯᠴᠢᠳ ᠬᠦᠯᠢᠶᠡᠬᠦ ᠭᠡᠷᠡᠭ ᠦᠭᠡᠢ᠂ ᠮᠢᠨᠤ ᠠᠲᠡ ᠠᠪᠴᠢᠷᠠᠪᠠᠯ ᠠᠯᠠᠵᠤ ᠨᠢᠲᠦᠯᠡᠬᠦ ᠬᠦᠯᠦᠰᠤ ᠭᠡᠵᠤ ᠠᠪᠬᠤ ᠦᠭᠡᠢ᠂ ᠡᠨᠡ ᠨᠢ | ᠪᠠᠭᠠ ᠴᠦ ᠭᠡᠰᠠᠨ ᠪᠠᠰᠠ ᠯᠠ ᠤᠷᠤᠯᠭᠠ ᠭᠡᠰᠡᠨ ᠦᠭᠡ᠃ ᠦᠷᠦᠴᠡᠯᠡᠵᠦ ᠠᠯᠠᠪᠠᠯ ᠴᠢᠰᠤ ᠨᠢ ᠬᠦᠢᠴᠡᠳ ᠲᠠᠯᠪᠢᠭᠲᠠᠬᠤ ᠦᠭᠡᠢ ᠪᠠᠶᠢᠵᠤ ᠬᠠᠲᠠᠭᠠᠭᠰᠠᠨ ᠮᠢᠬᠠᠨ ᠤ | ᠦᠩᠭᠡ ᠠᠮᠲᠠ ᠨᠢ ᠰᠠᠶᠢᠬᠠᠨ ᠪᠤᠯᠲᠠᠭ᠃ ᠬᠤᠭᠤᠯᠠᠢ ᠶᠢ ᠬᠢᠷᠦᠭᠡᠳᠡᠵᠤ ᠠᠯᠠᠪᠠᠯ ᠠᠲᠠᠭ ᠲᠤ ᠪᠠᠨ 3 ᠵᠢᠩ ᠪᠠᠭᠤᠷᠠᠨᠠ᠃ 40 ᠵᠢᠩ ᠠᠯᠠᠬᠤ ᠶᠤᠰᠤᠲᠠᠢ ᠢᠮᠠᠭᠠ | ᠴᠢᠨᠢ 37 ᠵᠢᠩ ᠪᠤᠯᠴᠢᠬᠠᠨᠠ᠃ ᠡᠨᠡ ᠵᠢᠯ ᠤᠨ ᠦᠨᠡ ᠪᠠᠷ ᠪᠤᠲᠤᠪᠠᠯ᠂ 3 ᠵᠢᠩ ᠴᠢᠨᠢ 90 ᠰᠢᠬᠠᠮ ᠲᠦᠬᠦᠷᠢᠭ᠂ ᠲᠠᠬᠢᠭᠠᠳ ᠵᠢᠩ ᠪᠦᠷᠢ ᠳᠤ ᠢᠯᠡᠬᠦᠦ ᠦᠭᠬᠦ | ᠨᠢᠭᠡ ᠲᠦᠬᠦᠷᠢᠭ ᠢ ᠨᠢ ᠪᠤᠲᠤᠪᠠᠯ ᠨᠢᠭᠡ ᠢᠮᠠᠭᠠ ᠠᠲᠠᠭ ᠲᠤ ᠪᠠᠨ 130 ᠭᠠᠷᠤᠢ ᠲᠦᠬᠦᠷᠢᠭ ᠢᠯᠡᠬᠦᠦ ᠦᠨᠡ ᠬᠦᠷᠦᠯᠠ ᠭᠡᠰᠡᠨ ᠦᠭᠡ᠃ ᠤᠰᠤ ᠤᠤᠭᠤᠯᠭᠠᠬᠤ | ᠦᠭᠡᠢ ᠡᠪᠡᠰᠤ ᠢᠲᠡᠬᠦᠯᠬᠦ ᠦᠭᠡᠢ ᠭᠡᠲᠦᠨ ᠡᠲᠦᠷ ᠬᠦᠯᠢᠶᠡᠯᠭᠡᠪᠡᠯ ᠮᠠᠯ ᠤᠨ ᠵᠢᠩ ᠪᠠᠭᠠ ᠦᠭᠡᠢ ᠪᠠᠭᠤᠷᠠᠨᠠ᠂ ᠭᠡᠲᠦᠨ ᠵᠢᠩ ᠢᠶᠠᠷ ᠪᠠᠭᠤᠷᠠᠨᠠ ᠰᠢᠤ᠂ ᠡᠨᠡ ᠨᠢ | ᠮᠠᠯᠴᠢᠳ ᠲᠤ ᠠᠪᠴᠤ ᠭᠡᠯᠡᠪᠡᠯ ᠦᠵᠡᠭᠲᠡᠬᠦ ᠦᠭᠡᠢ ᠬᠤᠬᠢᠷᠠᠯ᠂ ᠲᠡᠬᠢᠭᠠᠳ ᠪᠦᠷ ᠲᠡᠷᠭᠡ ᠤᠨᠤᠭᠠᠨ ᠤ ᠬᠦᠯᠦᠰᠤ᠂ ᠠᠷᠠᠰᠤᠨ ᠳᠤᠨᠢ ᠭᠠᠷᠭᠠᠭᠰᠠᠨ ᠮᠢᠬᠠ᠂ ᠬᠠᠭᠠᠰ | ᠰᠡᠬᠦᠯ ᠢ ᠨᠢ ᠴᠦ ᠪᠤᠲᠤᠭᠠ ᠦᠭᠡᠢ ᠰᠢᠤ᠂ ᠲᠡᠭᠡᠷᠡ ᠨᠢ ᠲᠠᠬᠢᠭᠠᠳ 20 ᠵᠢᠩ ᠠᠴᠠ ᠲᠤᠷᠤᠭᠰᠢ᠂ 30 ᠵᠢᠩ ᠠᠴᠠ ᠲᠤᠷᠤᠭᠰᠢ ᠭᠡᠬᠦᠴᠢᠯᠡᠨ ᠭᠡᠲᠦᠨ ᠲᠡᠰ | ᠬᠤᠪᠢᠶᠠᠨ ᠠᠲᠠᠯᠢ ᠪᠤᠰᠤ ᠦᠨᠡ ᠪᠠᠷ ᠬᠤᠲᠠᠯᠲᠤᠨ ᠠᠪᠤᠨᠠ᠂ ᠡᠨᠡ ᠴᠢᠨᠢ ᠪᠠᠰᠠ ᠪᠠᠭᠠ ᠪᠤᠰᠤ ᠭᠠᠷᠤᠵᠠ᠂ ᠨᠠᠷᠢᠨ ᠲᠠᠩᠰᠠ ᠲᠤᠭᠠᠴᠢᠬᠤ ᠶᠤᠮ ᠪᠤᠯ ᠪᠠᠭᠠ ᠦᠭᠡᠢ | ᠲᠤᠭᠠ ᠰᠢᠤ ᠭᠡᠵᠤ ᠵᠢᠷᠡᠡᠨᠢᠭᠡ ᠮᠢᠬᠠ ᠴᠢᠨᠠᠬᠤ ᠶᠢᠨ ᠲᠠᠭᠠᠤ ᠦᠬᠦᠴᠨ ᠳᠤ ᠬᠠᠪᠰᠤᠷᠬᠤ ᠪᠠᠷ ᠢᠷᠡᠭᠰᠡᠨ ᠬᠦᠮᠦᠰ ᠲᠤ ᠶᠠᠷᠢᠨᠠ᠃ — — ᠡᠨᠡ ᠤᠯᠠᠨ ᠨᠠᠷᠢᠨ | ᠲᠠᠩᠰᠠ ᠶᠢ ᠶᠡᠷᠦ ᠨᠢ ᠪᠤᠲᠤᠵᠤ ᠦᠵᠡᠭᠡ ᠦᠭᠡᠢ ᠯᠠ ᠳ᠋ᠠ᠃ ᠶᠠᠪᠤᠭᠤᠯ ᠮᠠᠶᠢᠮᠠᠶᠢᠴᠢᠨ ᠳᠤ ᠬᠤᠲᠠᠯᠲᠤᠵᠤ ᠦᠭᠬᠦᠭᠡᠳ ᠭᠡᠲᠦᠢ ᠴᠦ ᠬᠤᠨᠵᠢᠭᠲᠠᠭᠰᠠᠨ ᠢ ᠪᠤᠤ ᠮᠡᠲᠡ᠃ | ᠬᠦᠢᠲᠡᠨ ᠬᠦᠮᠦᠷᠭᠡ ᠭᠠᠷᠤᠭᠠᠳ ᠨᠡᠯᠢᠶᠡᠳ ᠦᠨᠡ ᠬᠦᠷᠭᠡᠯᠡ ᠭᠡᠰᠡᠨ ᠴᠢᠨᠢ ᠪᠠᠰᠠ ᠯᠠ ᠬᠤᠰᠤᠭᠤᠯᠵᠤ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ | — — ᠮᠠᠨ ᠰᠢᠭ᠋ ᠮᠠᠯᠴᠢᠨ ᠬᠦᠮᠦᠨ ᠡᠬᠦᠨ ᠢ ᠶᠠᠭᠠᠬᠢᠵᠦ ᠮᠡᠲᠡᠨᠡ ᠳ᠋ᠠ᠂ ᠵᠢᠷᠡᠡᠨᠢᠭᠡ ᠢᠩᠬᠢᠵᠦ ᠭᠡᠯᠡᠬᠦ ᠦᠭᠡᠢ ᠶᠤᠮ ᠪᠤᠯ ᠪᠢᠲᠠ ᠴᠢᠨᠢ ᠮᠡᠲᠡᠬᠦ ᠴᠦ | ᠦᠭᠡᠢ᠃ | — — ᠲᠡᠬᠢᠭᠠᠳ ᠭᠡᠯᠡᠪᠡᠯ᠂ ᠮᠡᠲᠡᠯᠡ ᠭᠡᠳ ᠶᠠᠭᠠᠬᠢᠨᠠ ᠳ᠋ᠠ⁈ | ᠁ ᠁ | — — ᠵᠠ ᠵᠠ᠂ ᠦᠨᠦ ᠤᠷᠤᠢ ᠪᠠᠰᠠ ᠮᠢᠬᠠ ᠢᠲᠡᠬᠦ ᠶᠤᠮ ᠪᠠᠶᠢᠨᠠ᠃ | — — ᠪᠠᠰᠠ ᠬᠤᠶᠠᠷ ᠰᠢᠯ ᠲᠤᠭᠰᠢᠨ ᠬᠠᠷᠠ ᠪᠠᠷ ᠶᠠᠲᠠᠷᠠᠭᠠ ᠪᠠᠨ ᠲᠠᠶᠢᠯᠴᠢᠬᠠᠨᠠ᠃ | — — ᠶᠠᠭᠤ ᠴᠦ ᠭᠡᠰᠠᠨ ᠰᠢᠪᠲᠤᠷᠤᠭᠠᠨ ᠳᠤ ᠪᠠᠨ ᠤᠷᠤᠬᠤ ᠶᠤᠮ ᠪᠠᠶᠢᠨᠠ᠃ ᠶᠡᠷᠦ ᠨᠢ ᠲᠤᠯᠠᠭᠠᠨ ᠡᠪᠤᠯ ᠪᠤᠯᠬᠤ ᠰᠢᠨᠵᠢᠲᠠᠢ ᠪᠠᠶᠢᠭᠰᠠᠨ ᠶᠤᠮ᠂ | ᠭᠡᠲᠡᠯᠡ ᠡᠨᠡ ᠭᠡᠲᠦᠨ ᠡᠲᠦᠷ ᠤᠨ ᠬᠦᠢᠲᠡᠨ ᠭᠡᠭᠴᠢ᠂ ᠶᠢᠰᠤ ᠡᠬᠢᠯᠡᠭᠡ ᠦᠭᠡᠢ ᠪᠠᠷ ᠭᠤᠨᠠᠨ ᠤ ᠡᠪᠡᠷ ᠲᠠᠰᠤ ᠬᠦᠯᠲᠡᠬᠦ ᠨᠢ ᠡ᠃ | — — ᠮᠠᠨ ᠤ ᠬᠦᠮᠦᠨ ᠲᠡᠭᠡᠭᠡᠳ ᠭᠡᠲᠦᠢ ᠮᠦᠩᠬᠦ ᠡᠪᠤᠷᠯᠡᠴᠢᠭᠡ ᠤᠤ︖ | — — ᠪᠠᠷᠤᠭ ᠲᠦᠮᠡ ᠦᠩᠭᠡᠷᠡᠬᠦ ᠪᠠᠶᠢᠬᠠ᠃ | — — ᠮᠠᠨ ᠤ ᠬᠠᠷᠠ ᠴᠦ ᠮᠤᠨᠲᠠᠭ ᠪᠠᠶᠢᠨᠠ᠂ ᠰᠠᠷᠠ ᠠᠵᠢᠯᠯᠠᠬᠤ ᠦᠭᠡᠢ ᠪᠠᠷ ᠲᠦᠮᠡ ᠰᠢᠪᠬᠠᠷᠠᠨᠠ ᠭᠡᠭᠴᠢ᠂ ᠪᠢ ᠴᠦ ᠪᠠᠰᠠ ᠭᠠᠶᠢᠭᠤᠢ ᠴᠢᠷᠮᠠᠶᠢᠭᠰᠠᠨ | ᠰᠢᠲᠠ᠂ ᠠᠷᠠᠢ ᠯᠠ ᠲᠦᠮᠡ ᠬᠦᠷᠬᠦ ᠦᠭᠡᠢ ᠪᠠᠶᠢᠨᠠ᠃ ᠭᠡᠲᠡᠰᠤ ᠠᠷᠴᠢᠭᠰᠠᠨ ᠪᠦᠰᠡᠬᠦ᠋ᠢᠴᠤᠳ ᠲᠡᠭᠡᠭᠡᠳ ᠭᠠᠨᠵᠤᠭᠠ ᠲᠦᠬᠦᠷᠡᠩ ᠤᠤ︖ — — | ᠤᠯᠲᠠᠭ ᠢᠶᠠᠨ ᠤᠯᠵᠤ ᠯᠠ ᠪᠠᠶᠢᠨᠠ᠂ ᠲᠤᠷᠠ ᠨᠢ ᠬᠦᠷᠪᠡᠯ ᠬᠢᠴᠢᠲᠡᠭ ᠰᠢᠷᠠ ᠨᠢ ᠬᠦᠷᠪᠡᠯ ᠠᠮᠠᠷᠠᠴᠢᠬᠠᠲᠠᠭ ᠴᠢᠮᠠ ᠠᠴᠠ ᠯᠠ ᠬᠤᠯᠠ ᠢᠯᠡᠬᠦᠦ ᠤᠯᠤᠨᠠ ᠳ᠋ᠠ᠃ | — — ᠠᠶᠢᠯ ᠤᠨ ᠪᠡᠷᠭᠡᠨ ᠴᠦ ᠮᠠᠭᠤ ᠡᠷᠡ ᠶᠢ ᠴᠢᠴᠠᠭᠠ ᠠᠯᠲᠠᠭᠤᠯᠤᠨᠠ ᠰᠢᠤ᠃ | — — ᠰᠠᠬᠠᠯᠲᠤ ᠭᠤᠸᠠᠢ ᠦᠮᠦᠲᠦᠨ ᠳᠤ ᠪᠠᠨ ᠠᠯᠲᠠᠴᠢᠬᠠᠭᠰᠠᠨ ᠴᠦ ᠦᠭᠡᠢ ᠪᠢᠵᠡ︖ | — — ᠰᠠᠬᠠᠯᠲᠤ ᠰᠢᠷᠠ ᠴᠦ ᠡᠨᠡ ᠤᠲᠠᠭᠠ ᠬᠠᠷᠢᠨ ᠤᠬᠠᠭᠠ ᠤᠷᠤᠭᠰᠠᠨ ᠲᠦᠯᠦᠪ ᠲᠠᠢ᠂ ᠦᠪᠡᠷ ᠤᠨ ᠠᠵᠢᠯ ᠠᠴᠠ ᠪᠠᠨ ᠢᠯᠡᠬᠦᠦ ᠰᠠᠶᠢᠨ ᠬᠢᠵᠤ | ᠪᠠᠶᠢᠨᠠ ᠰᠢᠣ᠂ ᠭᠡᠷ ᠲᠤ ᠪᠠᠨ ᠢᠩᠬᠢᠵᠦ ᠬᠢᠲᠡᠭ ᠨᠢ ᠰᠤᠨᠤᠰᠲᠠᠭᠠ ᠦᠭᠡᠢ ᠳ᠋ᠠ᠂ ᠦᠭᠡᠷᠡ ᠠᠶᠢᠯ ᠳᠤ ᠪᠠᠶᠢᠭᠰᠠᠨ ᠪᠤᠯ ᠪᠠᠷᠤᠭ ᠠᠯᠢ ᠭᠡᠲᠦ᠋ᠢᠨᠠᠢ ᠲᠠᠤᠯᠠᠢ ᠶᠢᠨ | ᠮᠦᠷ ᠢᠶᠠᠨ ᠭᠠᠷᠭᠠᠴᠢᠬᠠᠭᠰᠠᠨ ᠪᠠᠶᠢᠬᠤ ᠳ᠋ᠠ᠂ ᠬᠠ ᠬᠠ | — — ᠰᠠᠬᠠᠯᠲᠤ ᠠᠬᠠ ᠤᠷᠵᠢᠲᠦᠷ ᠲᠠᠪᠤ ᠬᠦᠷᠬᠦ ᠭᠡᠵᠤ ᠪᠠᠶᠢᠨᠠ ᠭᠡᠴᠢᠭᠡᠭᠰᠡᠨ ᠬᠢᠲᠤᠭᠠ ᠪᠠᠨ ᠪᠢᠯᠡᠬᠦᠲᠡᠵᠦ ᠪᠠᠶᠢᠭᠰᠠᠨ ᠰᠢᠤ᠃ | — — ᠲᠠᠷᠭᠤᠨ ᠮᠢᠬᠠ ᠪᠠᠷ ᠠᠮᠠ ᠪᠠᠨ ᠲᠤᠰᠤᠯᠠᠵᠤ᠂ ᠲᠤᠭᠰᠢᠨ ᠬᠠᠷᠠ ᠪᠠᠷ ᠬᠤᠲᠤᠭᠤᠲᠤ ᠪᠠᠨ ᠮᠢᠯᠢᠶᠠᠬᠤ ᠭᠡᠵᠤ ᠪᠠᠰᠠ ᠴᠦ ᠵᠢᠷᠭᠠᠯ ᠳ᠋ᠠ᠃ | — — ᠦᠭᠡᠢ ᠶᠡᠷᠦ ᠨᠢ ᠮᠢᠬᠠ ᠢᠲᠡᠭᠡᠳ ᠮᠠᠩᠰᠢᠭᠤᠷᠠᠴᠢᠯᠠ ᠭᠡᠲᠡᠭ᠂ ᠮᠠᠨ ᠤ ᠡᠨᠡ ᠭᠡᠲᠦᠨ ᠬᠦᠮᠦᠨ ᠭᠤᠤᠯ ᠦᠲᠡ ᠳᠤ ᠴᠦ ᠮᠠᠩᠰᠢᠭᠤᠷᠬᠠᠤ ᠨᠢ | ᠦᠵᠡᠭᠲᠡᠭᠡ ᠦᠭᠡᠢ᠃ ᠭᠡᠷ ᠤᠨ ᠡᠵᠡᠨ ᠠᠯᠪᠠᠲᠠᠭᠠ ᠦᠭᠡᠢ ᠪᠠᠶᠢᠬᠤ ᠳᠤ ᠠᠮᠠᠷᠠᠬᠤ ᠪᠠᠨ ᠪᠦᠷ ᠮᠠᠷᠲᠠᠴᠢᠬᠠᠲᠠᠭ ᠰᠤᠨᠢᠨ ᠤᠯᠤᠰ ᠡ⁉ — — ᠵᠤᠭᠤᠰ | ᠭᠡᠪᠡᠯ ︽ᠨᠦᠢᠷ ᠢ ᠨᠢ ᠨᠤᠬᠠᠢ ᠢᠲᠡᠴᠢᠭᠡᠨᠠ︾ ᠰᠢᠤ᠃ | ᠡᠪᠤᠯ ᠤᠨ ᠡᠲᠦᠷ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠤᠬᠤᠷ ᠪᠠᠶᠢᠵᠤ᠂ ᠴᠠᠶᠢᠪᠤᠷ ᠨᠠᠷᠠ ᠤᠩᠭᠤᠨ ᠠᠭᠤᠯᠠ ᠶᠢᠨ ᠨᠤᠶᠠᠨ ᠤᠷᠬᠢᠯ ᠤᠨ ᠵᠤᠯᠠᠢ ᠦᠨᠦᠰᠤᠨ᠂ | ᠭᠡᠤᠭᠡᠨ ᠵᠢᠰᠤ ᠪᠠᠨ ᠤᠯᠠᠭᠠᠨ ᠱᠠ ᠪᠠᠷ ᠪᠦᠷᠬᠦᠨ ᠠᠭᠤᠯᠠ ᠶᠢᠨ ᠴᠠᠭᠠᠨᠠ ᠨᠢᠭᠤᠭᠲᠠᠯᠠ᠃ ᠴᠠᠬᠢᠯᠭᠠᠨ ᠳ᠋ᠧᠩ ᠤᠨ ᠭᠡᠷᠡᠯ ᠳᠤ ᠬᠦᠮᠦᠰ ᠶᠠᠭᠠᠷᠠᠯᠲᠤᠨᠠ᠃ | ᠬᠠ ᠬᠠ᠂ ᠬᠢ᠂ ᠬᠢ ᠁ ᠮᠠᠯ ᠢᠶᠠᠨ ᠠᠮᠢᠲᠤ ᠪᠠᠷ ᠨᠢ ᠬᠤᠲᠠᠯᠲᠤᠪᠠᠯ ᠵᠠᠪᠰᠠᠷ ᠤᠨ ᠮᠠᠶᠢᠮᠠᠶᠢᠴᠢᠨ ᠢᠯᠡᠬᠦᠤ ᠠᠰᠢᠭ ᠬᠦᠷᠲᠠᠵᠤ ᠮᠠᠯᠴᠢᠳ ᠲᠤᠲᠠᠭᠤ | ᠤᠷᠤᠯᠭᠠ ᠲᠠᠢ ᠪᠤᠯᠤᠨᠠ ᠭᠡᠲᠡᠭ ᠢ ᠵᠢᠷᠠᠡᠨᠢᠭᠡ ᠲᠤᠪ ᠲᠤᠲᠤ ᠮᠡᠲᠡᠲᠡᠭ᠃ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠵᠠᠬᠠ ᠲᠡᠯᠭᠡᠬᠦᠷ ᠤᠨ ᠪᠠᠶᠢᠲᠠᠯ ᠢ ᠰᠠᠶᠢᠨ ᠤᠶᠢᠯᠠᠭᠠᠲᠠᠭ ᠲᠡᠷᠡ | ᠮᠠᠨᠢ ᠭᠡᠵᠤ ᠮᠠᠯ ᠢᠶᠠᠨ ᠶᠠᠷᠤᠨᠢ ᠠᠮᠢᠲᠤ ᠪᠠᠷ ᠨᠢ ᠬᠤᠲᠠᠯᠲᠤᠲᠠᠭ ᠦᠭᠡᠢ᠃ ︽ᠮᠠᠯ ᠤᠨ ᠮᠢᠬᠠ ᠶᠢᠨ ᠴᠢᠨᠠᠷ ᠢ ᠪᠠᠲᠤᠯᠠᠭᠰᠠᠨ ᠰᠠᠭᠤᠷᠢᠨ ᠲᠡᠭᠡᠷᠠ ᠪᠤᠷᠤᠯᠠᠭᠤᠯᠬᠤ | ᠠᠷᠭᠠ ᠵᠠᠮ ᠢᠶᠠᠨ ᠤᠯᠪᠠᠯ ᠬᠠᠲᠠᠭᠠᠭᠰᠠᠨ ᠮᠢᠬᠠ ᠪᠤᠯᠤᠨ ᠦᠪᠡᠷ ᠢᠶᠠᠨ ᠠᠯᠠᠵᠤ ᠬᠤᠲᠠᠯᠲᠤᠬᠤ ᠶᠢᠨ ᠠᠯᠢᠨ ᠤ ᠬᠢᠨ ᠴᠦ ᠪᠤᠷᠤᠯᠠᠭᠤᠯᠭᠠ ᠨᠢ ᠪᠦᠷ ᠰᠠᠶᠢᠨ ᠰᠢᠤ᠂ | ᠲᠠ ᠨᠠᠷ ᠵᠠᠬᠠ ᠪᠠᠨ ᠤᠯᠬᠤ ᠦᠭᠡᠢ ᠪᠤᠯ ᠪᠢ ᠬᠠᠷᠢᠯᠴᠠᠵᠤ ᠦᠭᠬᠦᠭᠰᠡᠨ ᠴᠦ ᠪᠤᠯᠤᠨᠠ︾ ᠲᠡᠷᠨ ᠦᠪᠠᠷ ᠤᠨ ᠲᠤᠷᠰᠢᠯᠭᠠ ᠪᠠᠨ ᠮᠠᠯᠴᠢᠨ ᠲᠦᠮᠡᠨ ᠲᠠᠢ ᠪᠠᠨ ᠬᠠᠷᠠᠮ | ᠦᠭᠡᠢ ᠬᠤᠪᠢᠶᠠᠯᠴᠠᠵᠤ᠂ ᠬᠠᠮᠲᠤ ᠪᠠᠷ ᠪᠠᠶᠠᠵᠢᠨ ᠴᠢᠨᠡᠭᠡᠯᠢᠭᠵᠢᠬᠦ ᠶᠢ ᠰᠠᠨᠠᠭᠠᠴᠢᠯᠠᠭᠰᠠᠨ ᠪᠠᠶᠢᠨᠠ᠃ | ᠡᠪᠤᠯ ᠤᠨ ᠬᠦᠢᠲᠠᠨ ᠡᠲᠤᠷ ᠢ ᠲᠠᠭᠠᠷᠠᠭᠤᠯᠵᠤ ᠮᠢᠬᠠ ᠬᠠᠲᠠᠭᠠᠬᠤ ᠨᠢ ᠬᠠᠮᠤᠭ ᠰᠠᠶᠢᠨ ᠪᠠᠶᠢᠲᠠᠭ᠃ ᠪᠤᠷᠴᠠᠯᠠᠭᠰᠠᠨ ᠮᠢᠬᠠ ᠲᠠᠷᠦ᠋ᠢᠬᠠᠨ ᠬᠦᠯᠲᠡᠬᠦ ᠨᠢ ᠴᠢᠰᠤᠨ ᠤ | ᠱᠦᠬᠦᠷᠡᠯᠲᠡ ᠶᠢ ᠪᠠᠭᠠᠰᠬᠠᠨ᠂ ᠬᠠᠲᠠᠭᠠᠭᠰᠠᠨ ᠮᠢᠬᠠ ᠨᠢ ᠦᠩᠭᠡ ᠰᠠᠶᠢᠲᠠᠢ᠂ ᠠᠮᠲᠠ ᠨᠢ ᠭᠤᠶᠢᠲᠠ ᠰᠠᠶᠢᠬᠠᠨ ᠪᠤᠯᠲᠠᠭ᠃ ᠵᠤᠨ ᠳᠤ ᠪᠠᠨ ᠮᠢᠬᠠ ᠬᠠᠲᠠᠭᠠᠬᠤ ᠳᠤ | ᠪᠤᠷᠴᠠ ᠪᠠᠨ ᠨᠠᠷᠢᠨ ᠵᠦᠰᠦᠵᠤ᠂ ᠠᠷᠭᠠᠯ ᠤᠨ ᠤᠲᠤᠭᠠ ᠪᠠᠷ ᠤᠲᠤᠪᠠᠯ ᠠᠮᠠᠷᠬᠠᠨ ᠦᠲᠦᠬᠦ ᠦᠭᠡᠢ ᠪᠦᠭᠡᠳ ᠦᠨᠦᠷ ᠠᠮᠲᠠ ᠨᠢ ᠰᠠᠶᠢᠬᠠᠨ ᠪᠤᠯᠲᠠᠭ᠃ ᠮᠢᠬᠠ | ᠬᠠᠲᠠᠭᠠᠬᠤ ᠳᠤ ᠬᠤᠨᠢᠨ ᠮᠢᠬᠠ ᠪᠤᠯᠬᠤ ᠦᠭᠡᠢ᠂ ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠳᠤ ᠬᠤᠨᠢᠨ ᠮᠢᠬᠠ ᠵᠠᠭᠤᠨ ᠡᠲᠤᠷ ᠦᠩᠭᠡᠷᠠᠪᠠᠯ ᠰᠢᠮᠠ ᠠᠯᠲᠠᠭᠲᠠᠵᠤ᠂ ᠢᠮᠠᠭᠠᠨ | ᠮᠢᠬᠠ ᠵᠠᠭᠤᠨ ᠡᠲᠤᠷ ᠦᠩᠭᠡᠷᠠᠪᠠᠯ ᠡᠮ ᠪᠤᠯᠤᠨᠠ ᠭᠡᠲᠡᠭ᠃ 2017 ᠤᠨ ᠳᠤ᠂ ᠵᠢᠷᠡᠡᠨᠢᠭᠡ ᠰᠢᠪᠸᠢ ᠢᠲᠡᠭᠡᠨ ᠤᠮᠲᠠᠭᠠᠨ ᠤ ᠺᠤᠮᠫᠠᠨᠢ ᠳᠤ ᠬᠠᠲᠠᠭᠠᠭᠰᠠᠨ ᠮᠢᠬᠠ | ᠬᠠᠩᠭᠠᠬᠤ ᠲᠤᠬᠠᠢ ᠭᠡᠷᠡ ᠲᠤᠭᠲᠠᠭᠰᠠᠨ ᠠᠴᠠ ᠮᠢᠩᠭᠠ ᠭᠠᠷᠤᠢ ᠢᠮᠠᠭᠠᠨ ᠤ ᠮᠢᠬᠠ ᠶᠢ ᠬᠠᠲᠠᠭᠠᠵᠤ᠂ ᠦᠪᠡᠷ ᠢᠶᠠᠨ ᠠᠰᠢᠭ ᠬᠦᠷᠲᠡᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ | ᠮᠠᠯᠴᠢᠨ ᠲᠦᠮᠡᠨ ᠳᠤ ᠪᠠᠨ ᠴᠦ ᠠᠰᠢᠭ ᠬᠦᠷᠲᠡᠭᠡᠭᠰᠡᠨ ᠪᠠᠶᠢᠨᠠ᠃ ᠢᠯᠡᠩᠭᠤᠶᠠ ᠲᠡᠬᠦᠨ ᠤ ᠲᠠᠭᠠᠭᠤᠯᠭᠠ ᠪᠠᠷ ᠤᠶᠢᠷᠠ ᠶᠢᠨ ᠭᠡᠲᠦᠨ ᠮᠠᠯᠴᠢᠳ ᠤᠨ ᠦᠵᠡᠯ | ᠤᠬᠠᠮᠰᠠᠷ ᠲᠤ ᠶᠡᠭᠡᠭᠡᠨ ᠬᠤᠪᠢᠷᠠᠯᠲᠠ ᠭᠠᠷᠴᠤ᠂ ᠦᠪᠡᠷ ᠢᠶᠠᠨ ᠠᠯᠠᠵᠤ ᠬᠤᠲᠠᠯᠲᠤᠬᠤ᠂ ᠮᠢᠬᠠ ᠬᠠᠲᠠᠭᠠᠵᠤ ᠬᠤᠲᠠᠯᠲᠤᠬᠤ ᠬᠦᠮᠦᠨ ᠤᠯᠠᠰᠢᠷᠠᠵᠤ ᠡᠬᠢᠯᠡᠭᠰᠡᠨ ᠰᠠᠶᠢᠨ | ᠤᠴᠢᠷ ᠬᠠᠶᠠ ᠦᠭᠡᠢ ᠲᠤᠭᠤᠯᠲᠠᠬᠤ ᠪᠤᠯᠵᠠᠢ᠃ | ᠢᠷᠡᠬᠦ ᠵᠢᠯ ᠠᠴᠠ ᠮᠠᠯ ᠤᠨ ᠮᠢᠬᠠ ᠪᠠᠨ ᠨᠢᠭᠡ ᠡᠷᠢᠨ ᠤ ᠬᠤᠭᠤᠯᠠᠨ ᠳᠤ ᠴᠢᠨᠠᠵᠤ ᠢᠲᠠᠬᠦ ᠭᠡᠮᠵᠢᠶᠠ ᠪᠠᠷ ᠤᠭᠤᠲᠠᠯᠠᠵᠤ᠂ ᠵᠠᠬᠠ ᠲᠡᠯᠭᠡᠬᠦᠷ ᠲᠤ ᠪᠤᠷᠤᠯᠠᠭᠤᠯᠬᠤ | ᠠᠷᠭᠠ ᠶᠢ ᠪᠤᠲᠤᠵᠤ ᠪᠤᠢ᠃ ︽ᠤᠲᠤ ᠶᠢᠨ ᠬᠦᠮᠤᠰ ᠴᠢᠨᠢ ᠪᠦᠷ ᠪᠡᠯᠠᠨ ᠶᠠᠭᠤᠮᠠᠨ ᠳᠤ ᠲᠤᠷᠠᠲᠠᠢ︕ ᠦᠶᠡᠴᠢᠯᠡᠨ ᠰᠠᠯᠭᠠᠭᠠᠳ ᠶᠠᠰᠤ ᠶᠢ ᠨᠢ ᠬᠢᠷᠤᠭᠡᠲᠡᠵᠤ ᠪᠡᠯᠠᠨ | ᠪᠤᠯᠭᠠᠴᠢᠬᠠᠪᠠᠯ ᠬᠦᠮᠦᠰ ᠤᠨ ᠰᠠᠨᠠᠭᠠᠨ ᠳᠤ ᠨᠡᠶᠢᠴᠡᠴᠢᠭᠡᠨᠡ᠃ ᠢᠩᠬᠢᠪᠡᠯ ᠪᠤᠷᠤᠯᠠᠭᠤᠯᠭᠠ ᠤᠯᠠᠮ ᠰᠠᠶᠢᠵᠢᠷᠠᠬᠤ ᠶᠤᠮ︾ ᠭᠡᠵᠤ ᠵᠢᠷᠠᠡᠨᠢᠭᠡ ᠮᠠᠯ ᠤᠨ ᠮᠢᠬᠠ ᠪᠠᠨ | ᠪᠤᠷᠤᠯᠠᠭᠤᠯᠬᠤ ᠰᠢᠨᠠ ᠠᠷᠭᠠ ᠤᠬᠠᠭᠠᠨ ᠢᠶᠠᠨ ᠠᠰᠠᠭᠤᠭᠰᠠᠨ ᠬᠦᠮᠦᠨ ᠪᠦᠬᠦᠨ ᠳᠤ ᠰᠢᠭᠤᠳ ᠭᠡᠯᠡᠴᠢᠭᠡᠨᠡ᠃ ᠵᠢᠷᠡᠡᠨᠢᠭᠡ ᠭᠡᠵᠤ ᠪᠤᠲᠤᠭᠰᠠᠨ ᠰᠠᠨᠠᠭᠰᠠᠨ ᠢᠶᠠᠨ | ᠶᠡᠷᠦ ᠠᠴᠠ ᠨᠢᠭᠤᠵᠤ ᠬᠠᠪᠴᠢᠲᠠᠭ ᠦᠭᠡᠢ᠂ ᠢᠩᠬᠢᠵᠦ ᠪᠠᠶᠢᠭᠠ ᠨᠢ ︽ᠮᠠᠯᠴᠢᠨ ᠲᠦᠮᠡᠨ ᠶᠠᠭᠤ ᠨᠢᠭᠡ ᠶᠢ ᠤᠬᠠᠭᠠᠷᠭᠠᠠᠰᠠᠢ︾ ᠭᠡᠰᠡᠨ ᠰᠠᠨᠠᠭᠠ ᠴᠠᠭᠠᠨᠠ ᠨᠢ ᠪᠠᠶᠢᠭᠠ | ᠠᠵᠠᠢ᠃ | — — ᠪᠢᠲᠠᠨ ᠤ ᠠᠵᠤ ᠦᠢᠯᠡᠰ ᠤᠲᠤ ᠨᠢᠭᠡᠨᠲᠡ ᠭᠡᠪᠴᠢᠶᠡᠵᠢᠬᠦ ᠬᠠᠨᠲᠤᠰᠢ ᠲᠠᠢ ᠪᠤᠯᠵᠠᠢ᠃ ᠲᠠᠸᠠᠷ ᠤᠨ ᠲᠠᠮᠲᠡᠭ ᠢᠶᠠᠨ ᠴᠦ ᠭᠤᠶᠤᠴᠢᠯᠠᠭᠠᠳ ᠪᠠᠶᠢᠭᠠ | ᠶᠤᠮ᠂ ᠤᠲᠠᠬᠤ ᠦᠭᠡᠢ ᠪᠠᠭᠤᠵᠤ ᠢᠷᠡᠬᠦ ᠪᠠᠶᠢᠬᠠ᠃ ᠪᠢᠲᠠ ᠰᠢᠨᠠ ᠴᠠᠭ ᠦᠶᠠ ᠶᠢᠨ ᠲᠤᠬᠠᠶᠢᠯᠠᠭᠰᠠᠨ ᠠᠵᠢᠯ ᠤᠨ ᠮᠠᠯᠴᠢᠨ ᠪᠤᠯᠬᠤ ᠪᠠᠷ ᠴᠢᠷᠮᠠᠶᠢᠵᠤ ᠪᠠᠶᠢᠨᠠ ᠰᠢᠤ | ᠭᠡᠵᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠬᠦᠰᠭᠡᠭᠡᠳ ᠨᠤᠲᠤᠭ ᠲᠤ ᠪᠠᠨ ᠪᠤᠴᠠᠵᠤ ᠮᠠᠯᠴᠢᠨ ᠪᠤᠯᠤᠭᠰᠠᠨ ᠵᠢᠷᠡᠡᠨᠢᠭᠡ ᠶᠢᠨ ᠬᠦᠦ ᠠᠰᠠᠷ ᠨᠢ ᠤᠷᠮᠠ ᠲᠠᠢ ᠶᠠᠷᠢᠨᠠ᠃ | ᠬᠠᠯᠠᠭᠤᠨ ᠬᠦᠢᠲᠡᠨ ᠡᠭᠡᠯᠵᠢᠯᠡᠭᠰᠡᠨ ᠲᠠᠯᠠ ᠨᠤᠲᠤᠭ ᠬᠤᠷᠠ ᠲᠤᠨᠤᠲᠠᠰᠤ ᠲᠡᠩᠴᠡᠬᠦ ᠪᠠᠷ᠂ ᠲᠦᠷᠪᠡᠨ ᠤᠯᠠᠷᠢᠯ ᠦᠪᠡᠷ ᠦᠪᠡᠷ ᠤᠨ ᠦᠩᠭᠡ ᠪᠠᠷ ᠢᠯᠭᠠᠷᠠᠵᠤ᠂ | ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠲᠠᠷᠬᠠᠨ ᠪᠡᠯᠴᠢᠬᠦ ᠪᠠᠷ ᠨᠡᠩ ᠦᠵᠡᠰᠬᠦᠯᠡᠩ ᠭᠤᠶᠤ ᠪᠤᠯᠲᠠᠭ ᠰᠠᠨ᠃ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠲᠠᠢ ᠪᠠᠶᠢᠲᠠᠭ ᠢᠶᠠᠷ ᠲᠠᠯᠠ ᠨᠢ ᠬᠠᠨᠠᠭᠠᠷ | ᠲᠡᠨᠢᠬᠦᠨ ᠲᠡᠭᠡᠷᠠ ᠨᠢ ᠠᠮᠢᠲᠤᠷᠠᠭᠠ ᠬᠦᠮᠦᠨ ᠨᠢ ᠲᠠᠶᠢᠪᠤᠩ ᠠᠮᠤᠭᠤᠯᠠᠩ᠃ ᠮᠠᠯᠴᠢᠳ ᠤᠨ ᠠᠮᠢᠲᠤᠷᠠᠯ ᠮᠠᠯ ᠤᠨ ᠢᠶᠠᠨ ᠪᠤᠶᠠᠨ ᠢᠶᠠᠷ ᠭᠡᠲᠦᠨ ᠮᠢᠩᠭᠠᠨ ᠵᠢᠯ | ᠦᠷᠬᠦᠯᠵᠢᠯᠡᠵᠦ᠂ ᠦᠨᠦᠲᠦᠷ ᠪᠤᠯᠬᠤ ᠳᠤ ᠭᠡᠲᠦᠨ ᠲᠦᠬᠦᠷᠢᠭ ᠤᠨ ᠠᠷᠠᠰᠤ ᠶᠢ ᠭᠡᠲᠦᠨ ᠵᠠᠭᠤ ᠬᠦᠷᠭᠡᠬᠦ ᠤᠬᠠᠭᠠᠨ ᠭᠡᠷᠡᠭ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠲᠠᠷᠬᠠᠨ ᠡᠬᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠬᠤᠶᠠᠷ ᠪᠤᠭᠲᠠ ᠶᠢᠨ ᠨᠤᠶᠠᠨ ᠤᠷᠬᠢᠯ ᠳᠤ ᠤᠷᠭᠤᠬᠤ ᠨᠠᠷᠠ ᠤᠤᠭᠠᠨ ᠰᠠᠴᠤᠷᠠᠭ ᠲᠤᠰᠬᠤ ᠪᠠᠷ᠂ ᠤᠷᠠᠳ ᠨᠤᠲᠤᠭ ᠲᠤ | ᠰᠢᠨᠠ ᠡᠲᠦᠷ ᠡᠬᠢᠯᠡᠵᠦ ᠪᠠᠶᠢᠭᠠ ᠨᠢ ᠡᠨᠡ᠃ ᠦᠨᠲᠦᠷ ᠰᠦᠷᠯᠢᠭ ᠬᠤᠶᠠᠷ ᠪᠤᠭᠲᠠ ᠶᠢᠨ ᠠᠭᠤᠯᠠ ᠨᠢ ᠲᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 1850 ᠮᠧᠳ᠋ᠷ ᠦᠨᠲᠦᠷ | ᠡᠷᠬᠦᠭᠲᠡᠵᠦ᠂ ᠡᠬᠦᠯᠡ ᠮᠠᠨᠠᠨ ᠤᠭᠠᠯᠵᠠᠷᠠᠭᠰᠠᠨ ᠰᠠᠶᠢᠬᠠᠨ ᠭᠠᠵᠠᠷ ᠡ᠃ ᠠᠲᠡ ᠬᠠᠯᠢᠯ ᠬᠠᠲᠠ᠂ ᠠᠰᠬᠠ ᠭᠠᠴᠠᠭᠠ ᠤᠯᠠᠨᠲᠠᠢ᠂ ᠨᠠᠷᠠᠰᠤ᠂ ᠠᠭᠠᠷᠤ᠂ ᠬᠠᠶᠢᠯᠠᠰᠤ ᠪᠠᠷ | ᠴᠢᠮᠡᠭᠲᠡᠨ᠂ ᠠᠷᠭᠠᠯᠢ ᠤᠭᠠᠯᠵᠠ᠂ ᠶᠠᠩᠬᠢᠷ᠂ ᠦᠨᠡᠭᠡ ᠴᠢᠨ᠋ᠸᠠ᠂ ᠡᠯᠢᠶᠡ᠂ ᠲᠠᠰ᠂ ᠪᠦᠷᠬᠦᠳ᠂ ᠶᠤᠯᠤ ᠮᠡᠲᠦ ᠶᠢᠨ ᠭᠡᠭᠡᠷᠡ ᠶᠢᠨ ᠡᠪᠡᠰᠤ ᠤᠷᠭᠤᠮᠠᠯ᠂ ᠠᠮᠢᠲᠠᠨ | ᠵᠢᠬᠦᠷᠲᠡᠨ ᠤ ᠲᠠᠷᠬᠠᠨ ᠦᠯᠦᠭᠡᠢ᠃ ᠡᠶᠢᠮᠦᠷᠬᠦᠦ ᠤᠷᠴᠢᠨ ᠳᠤ ᠡᠪᠡᠰᠤᠨ ᠲᠡᠵᠢᠭᠡᠯᠲᠦ ᠠᠮᠢᠲᠠᠨ ᠮᠢᠬᠠᠴᠢᠨ ᠠᠮᠢᠲᠠᠨ ᠤ ᠲᠤᠮᠲᠠ ᠤᠷᠤᠰᠢᠨ ᠲᠤᠭᠲᠠᠨᠢᠨᠠ ᠭᠡᠭᠴᠢ | ᠲᠡᠶᠢᠮᠦ ᠴᠦ ᠬᠢᠯᠪᠡᠷ ᠶᠠᠪᠤᠲᠠᠯ ᠪᠢᠰᠢ᠃ | — — ᠢᠮᠠᠭᠠ ᠬᠠᠷᠢᠭᠤᠯᠤᠭᠰᠠᠨ ᠬᠦᠮᠦᠰ ᠲᠤ ᠨᠦᠬᠦᠪᠦᠷᠢ ᠦᠭᠬᠦ ᠶᠤᠮ ᠭᠡᠨᠡ᠃ | — — ᠢᠮᠠᠭᠠ ᠬᠠᠷᠢᠭᠤᠯᠤᠭᠰᠠᠨ ᠬᠦᠮᠦᠨ ᠳᠤ ᠪᠢᠰᠢ ᠰᠢᠤ᠂ ᠢᠮᠡᠭᠠᠨ ᠳᠤ ᠦᠭᠬᠦ ᠶᠤᠮ ᠭᠡᠨᠠ᠃ | — — ᠢᠮᠠᠭᠠ ᠪᠤᠯᠭᠠᠨ ᠳᠤ ᠦᠭᠬᠦ ᠪᠢᠰᠢ᠂ ᠬᠠᠷᠢᠨ ᠬᠤᠶᠠᠷ ᠪᠤᠭᠲᠠ ᠶᠢᠨ ᠴᠠᠭᠠᠨ ᠢᠮᠠᠭᠠᠨ ᠳᠤ ᠨᠦᠬᠦᠪᠦᠷᠢ ᠦᠭᠬᠦᠨᠡ ᠭᠡᠵᠤ ᠪᠢ ᠰᠤᠨᠤᠰᠤᠭᠰᠠᠨ᠃ | — — ᠪᠢᠰᠢ ᠪᠢᠰᠢ᠂ ᠬᠤᠶᠠᠷ ᠪᠤᠭᠲᠠ ᠶᠢᠨ ᠴᠠᠭᠠᠨ ᠢᠮᠠᠭᠠ ᠪᠤᠯᠭᠠᠨ ᠳᠤ ᠦᠭᠬᠦ ᠪᠢᠰᠢ᠂ ᠲᠡᠭᠡᠬᠦ ᠮᠦᠷᠲᠡᠭᠡᠨ ᠵᠠᠪᠠᠯ ᠪᠠᠷᠢᠮᠵᠢᠶᠠᠨ ᠳᠤ ᠬᠦᠷᠦᠭᠰᠡᠨ | ᠵᠠᠭᠤᠨ ᠢᠮᠠᠭᠠᠨ ᠳᠤ ᠯᠠ ᠦᠭᠬᠦ ᠶᠤᠮ ᠭᠡᠵᠤ ᠵᠢᠷᠡᠡᠨᠢᠭᠡ ᠨᠠᠲᠠ ᠳᠤ ᠨᠠᠷᠢᠨ ᠶᠠᠷᠢᠵᠦ ᠪᠠᠶᠢᠭᠰᠠᠨ᠂ ᠭᠡᠪᠡᠴᠣ ᠪᠢ ᠴᠢᠨᠢ ᠨᠠᠰᠤ ᠶᠠᠪᠤᠭᠠᠳ ᠴᠡᠭᠡᠵᠢ ᠮᠠᠭᠤᠲᠠᠵᠠᠢ᠂ | ᠲᠡᠬᠦᠨ ᠤ ᠭᠡᠯᠡᠭᠰᠡᠨ ᠢ ᠬᠦᠢᠴᠡᠳ ᠲᠤᠭᠲᠠᠭᠠᠵᠤ ᠴᠢᠲᠠᠭᠰᠠᠨ ᠦᠭᠡᠢ᠃ | — — ᠶᠠᠭᠤ ᠴᠦ ᠭᠡᠰᠡᠠ ᠬᠤᠶᠠᠷ ᠪᠤᠭᠲᠠ ᠶᠢᠨ ᠴᠠᠭᠠᠨ ᠢᠮᠠᠭᠠᠨ ᠳᠤ ᠯᠠ ᠨᠦᠬᠦᠪᠦᠷᠢ ᠦᠭᠬᠦ ᠨᠢ ᠪᠠᠲᠤᠲᠠᠢ ᠪᠤᠯᠤᠯᠠ ᠁ ᠮᠠᠯᠴᠢᠨ ᠤ ᠦᠷᠡ | ᠪᠤᠯᠤᠭᠰᠠᠨ ᠵᠢᠷᠡᠡᠨᠢᠭᠡ ᠮᠠᠯᠵᠢᠬᠤ ᠠᠮᠢᠲᠤᠷᠠᠯ ᠢ ᠰᠠᠶᠢᠨ ᠤᠶᠢᠯᠠᠭᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠮᠠᠯᠴᠢᠨ ᠲᠦᠮᠡᠨ ᠤ ᠵᠤᠪᠠᠭᠤᠷᠢ ᠵᠦᠲᠡᠬᠦᠷᠢ ᠶᠢ ᠴᠦ ᠰᠠᠶᠢᠨ ᠮᠡᠲᠡᠲᠡᠭ᠃ | ᠨᠡᠩ ᠴᠦ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢᠳ ᠤᠨ ᠶᠡᠭᠡ ᠬᠤᠷᠠᠯ ᠤᠨ ᠲᠦᠯᠦᠭᠡᠯᠡᠭᠴᠢ ᠪᠤᠯᠤᠭᠰᠠᠨ ᠠᠴᠠ ᠨᠠᠭᠠᠰᠢ᠂ ᠬᠤᠭᠤᠰᠤᠨ ᠨᠠᠷᠠ ᠮᠠᠨᠲᠤᠭᠤᠯᠵᠤ | ᠬᠤᠩᠬᠤ ᠲᠠᠮᠠᠷᠤ ᠴᠤᠬᠢᠭᠠ ᠦᠭᠡᠢ᠃ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢᠳ ᠤᠨ ᠶᠡᠭᠡ ᠬᠤᠷᠠᠯ ᠤᠨ ᠲᠦᠯᠦᠭᠡᠯᠡᠭᠴᠢ ᠪᠤᠯᠤᠭᠰᠠᠨ ᠠᠵᠠ ᠵᠠᠪᠰᠢᠶᠠᠨ ᠢᠶᠠᠨ ᠪᠦᠷᠢᠨ | ᠠᠰᠢᠭᠯᠠᠵᠤ᠂ ᠤᠷᠢᠳ ᠬᠤᠵᠢᠳ ᠲᠠᠯᠠ ᠨᠤᠲᠤᠭ ᠤᠨ ᠠᠮᠢ ᠠᠬᠤᠢ ᠶᠢᠨ ᠱᠠᠩᠨᠠᠯ ᠨᠦᠬᠦᠪᠦᠷᠢ ᠶᠢᠨ ᠮᠦᠩᠬᠦ ᠶᠢ ᠲᠡᠭᠡᠭᠰᠢᠯᠡᠬᠦᠯᠬᠦ᠂ ᠰᠠᠶᠢᠨ ᠡᠬᠦᠯᠲᠡᠷ ᠤᠨ ᠮᠠᠯ ᠳᠤ | ᠨᠦᠬᠦᠪᠦᠷᠢ ᠦᠭᠬᠦ᠂ ᠬᠤᠷᠤᠭᠠ ᠰᠠᠷᠠᠪᠴᠢ ᠡᠪᠡᠰᠤᠨ ᠬᠠᠰᠢᠶᠠ ᠪᠠᠷᠢᠬᠤ ᠳᠤ ᠨᠦᠬᠦᠪᠦᠷᠢ ᠦᠭᠬᠦ᠂ ᠪᠠᠯᠴᠢᠭᠡᠷᠯᠡᠬᠦ ᠶᠢ ᠬᠤᠷᠢᠭᠯᠠᠭᠠᠳ ᠬᠤᠭᠤᠴᠠᠭᠠ ᠨᠢ ᠲᠤᠯᠤᠭᠠᠳ | ᠲᠡᠬᠢᠨ ᠮᠠᠯᠵᠢᠭᠤᠯᠬᠤ ᠦᠶᠡ ᠮᠠᠯ ᠤᠨ ᠲᠤᠭᠠ ᠶᠢ ᠵᠤᠬᠢᠮᠵᠢᠲᠡᠢ ᠪᠠᠷ ᠨᠡᠮᠡᠭᠲᠡᠬᠦᠯᠬᠦ᠂ ᠮᠠᠯᠵᠢᠬᠤ ᠤᠷᠤᠨ ᠤ ᠤᠤᠭᠤᠬᠤ ᠤᠰᠤᠨ ᠤ ᠠᠰᠠᠭᠤᠲᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ᠂ | ᠤᠯᠠᠭᠠᠨ ᠢᠲᠡᠭᠡᠨ ᠤ ᠵᠠᠬᠠ ᠲᠡᠯᠭᠡᠬᠦᠷ ᠢ ᠴᠡᠭᠴᠡᠯᠡᠬᠦ᠂ ᠰᠤᠮᠤᠨ ᠳᠤ ᠮᠤᠩᠭᠤᠯ ᠦᠨᠲᠤᠰᠤᠲᠠᠨ ᠤ ᠭᠡᠤᠭᠡᠳ ᠤᠨ ᠴᠡᠴᠡᠷᠯᠢᠭ ᠢ ᠪᠠᠶᠢᠭᠤᠯᠬᠤ᠂ ᠦᠨᠠ ᠲᠦᠯᠤᠪᠤᠷᠢ | ᠦᠭᠡᠢ ᠪᠠᠷ ᠬᠢᠵᠢᠭ ᠢ ᠰᠡᠷᠭᠡᠶᠢᠯᠡᠬᠦ ᠲᠠᠷᠢᠯᠭᠠ ᠲᠠᠷᠢᠬᠤ ᠵᠡᠷᠭᠡ ᠮᠠᠯᠴᠢᠳ ᠤᠨ ᠠᠮᠢᠲᠤᠷᠠᠯ ᠳᠤ ᠬᠤᠯᠪᠤᠭᠲᠠᠭᠰᠠᠨ ᠠᠯᠢ ᠤᠯᠠᠨ ᠠᠰᠠᠭᠤᠲᠠᠯ ᠳᠤ ᠰᠡᠳᠬᠢᠯ ᠢᠶᠠᠨ | ᠵᠦᠲᠡᠭᠡᠨ᠂ ᠵᠢᠯ ᠪᠦᠷᠢ ᠭᠡᠲᠦᠨ ᠬᠤᠪᠢ ᠰᠠᠨᠠᠭᠤᠯᠭᠠ ᠪᠠᠨ ᠲᠠᠪᠰᠢᠬᠦᠯᠵᠦ᠂ ᠡᠲᠦᠢ ᠲᠡᠲᠦᠢ ᠰᠠᠨᠠᠭᠤᠯᠭᠠ ᠨᠢ ᠨᠢᠭᠡᠨᠲᠡ ᠪᠡᠶᠡᠯᠡᠯ ᠢᠶᠠᠨ ᠤᠯᠵᠤ᠂ ᠮᠠᠯᠴᠢᠨ | ᠲᠦᠮᠠᠨ ᠳᠡᠭᠡᠨ ᠠᠴᠢ ᠲᠤᠰᠨ ᠲᠠᠢ ᠠᠵᠢᠯ ᠬᠢᠵᠤ ᠶᠠᠪᠤᠨᠠ᠃ ᠵᠢᠷᠡᠡᠨᠢᠭᠡ ᠶᠢᠨ ᠲᠠᠪᠰᠢᠬᠦᠯᠦᠭᠰᠡᠨ ︽ᠬᠤᠶᠠᠷ ᠪᠤᠭᠲᠠ ᠶᠢᠨ ᠨᠤᠯᠤᠤᠷ ᠤᠨ ᠴᠠᠭᠠᠨ ᠢᠮᠠᠭᠠ ᠳᠤ | ᠨᠦᠬᠦᠪᠦᠷᠢ ᠦᠭᠬᠦ ᠲᠤᠬᠠᠢ ᠰᠠᠨᠠᠭᠤᠯᠭᠠ︾ ᠨᠢ ᠤᠷᠠᠳ ᠤᠨ ᠲᠤᠮᠲᠠᠲᠤ ᠬᠤᠰᠢᠭᠤᠨ ᠤ ᠨᠠᠮ ᠤᠨ ᠬᠤᠷᠢᠶᠠ᠂ ᠵᠠᠰᠠᠭ ᠤᠨ ᠤᠷᠲᠤᠨ ᠤ ᠬᠦᠨᠲᠦᠳᠭᠡᠯ ᠢ ᠤᠯᠵᠤ᠂ | ᠬᠠᠮᠢᠶᠠ ᠪᠦᠬᠦᠢ ᠪᠠᠶᠢᠭᠤᠯᠭᠠ ᠨᠢᠭᠡᠴᠡ ᠨᠢ ᠲᠠᠷᠦ᠋ᠢᠬᠠᠨ ᠬᠦᠲᠡᠯᠦᠯᠴᠡᠨ ᠬᠤᠶᠠᠷ ᠪᠤᠭᠲᠠ ᠶᠢᠨ ᠨᠤᠯᠤᠤᠷ ᠤᠨ ᠴᠠᠭᠠᠨ ᠢᠮᠠᠭᠠᠨ ᠤ ᠲᠠᠷᠬᠠᠯᠲᠠ ᠶᠢᠨ ᠪᠠᠶᠢᠲᠠᠯ᠂ ᠴᠢᠨᠠᠷ | ᠴᠢᠨᠰᠠᠭᠠ ᠳᠤ ᠪᠠᠶᠢᠴᠠᠭᠠᠯᠲᠠ ᠬᠢᠭᠰᠡᠨ ᠪᠦᠭᠡᠳ ᠲᠡᠭᠡᠲᠦ ᠱᠠᠲᠤᠨ ᠳᠤ ᠮᠡᠲᠡᠬᠦᠯᠦᠨ᠂ ᠨᠦᠬᠦᠪᠦᠷᠢ ᠤᠯᠭᠤᠬᠤ ᠶᠢ ᠵᠦᠪᠰᠢᠶᠡᠷᠡᠭᠰᠡᠨ ᠢᠶᠠᠷ ᠭᠡᠷᠡᠭᠵᠢᠬᠦᠯᠵᠦ ᠡᠬᠢᠯᠡᠭᠰᠡᠨ | ᠪᠠᠶᠢᠨᠠ᠃ | ᠤᠷᠠᠳ ᠨᠤᠲᠤᠭ ᠠᠭᠤᠯᠠ ᠤᠯᠠᠨᠲᠠᠢ᠂ ᠲᠠᠯᠠ᠂ ᠭᠤᠪᠢ ᠭᠡᠳ ᠭᠠᠵᠠᠷ ᠤᠨ ᠪᠠᠶᠢᠴᠠ ᠬᠡᠯᠪᠡᠷᠢ ᠨᠢ ᠨᠠᠷᠢᠨ ᠪᠤᠳᠣᠯᠢᠶᠠᠨᠳᠠᠢ᠂ ᠭᠠᠩ ᠬᠠᠭᠤᠷᠢ ᠪᠠᠶᠢᠲᠠᠭ ᠠᠴᠠ | ᠡᠪᠡᠰᠦ ᠣᠷᠭᠤᠮᠠᠯ ᠨᠢ ᠲᠡᠮᠡᠢ ᠦᠨᠲᠦᠷ ᠤᠷᠭᠤᠵᠤ ᠴᠢᠲᠠᠲᠠᠭ ᠦᠭᠡᠢ ᠴᠦ ᠰᠢᠮᠡ ᠲᠡᠵᠢᠭᠡᠯ ᠢᠶᠠᠷ ᠰᠠᠶᠢᠨ᠂ ᠡᠪᠡᠰᠣ ᠤᠷᠭᠤᠮᠠᠯ ᠤᠨ ᠲᠦᠷᠦᠯ ᠵᠦᠢᠯ ᠴᠦ ᠤᠯᠠᠨ | ᠪᠠᠶᠢᠳᠠᠭ᠃ ᠤᠷᠲᠤ ᠤᠲᠠᠭᠠᠨ ᠲᠡᠤᠭᠡ ᠶᠢᠨ ᠰᠢᠯᠢᠭᠲᠡᠯ ᠢᠶᠠᠷ ᠬᠤᠶᠠᠷ ᠪᠤᠭᠳᠠ ᠶᠢᠨ ᠴᠠᠭᠠᠨ ᠢᠮᠠᠭᠠ ᠬᠡᠮᠡᠬᠦ ᠡᠨᠡᠬᠦ ᠪᠦᠬᠦ ᠣᠯᠣᠰ ᠴᠢᠨᠠᠭᠰᠢᠯᠠᠨ ᠲᠡᠯᠡᠬᠡᠢ ᠳᠤ ᠬᠤᠪᠤᠷ | ᠴᠣᠬᠠᠭ ᠰᠢᠯᠢᠳᠡᠭ ᠡᠬᠦᠯᠳᠡᠷ ᠢ ᠪᠤᠢ ᠪᠤᠯᠭᠠᠭᠰᠠᠨ ᠪᠠᠶᠢᠨᠠ᠃ ᠬᠤᠶᠠᠷ ᠪᠤᠭᠲᠠ ᠶᠢᠨ ᠴᠠᠭᠠᠨ ᠢᠮᠠᠭᠠ ᠨᠢ ᠪᠠᠶᠢᠭᠠᠯᠢ ᠲᠠᠢ ᠪᠠᠨ ᠵᠤᠬᠢᠴᠠᠬᠤ ᠴᠢᠲᠠᠪᠤᠷᠢ ᠪᠠ | ᠡᠪᠡᠳᠴᠢᠨ ᠢ ᠡᠰᠡᠷᠬᠦᠴᠡᠬᠦ ᠴᠢᠲᠠᠪᠤᠷᠢ ᠨᠢ ᠴᠢᠩᠭᠠ᠂ ᠪᠡᠶᠠ ᠪᠠᠶᠢᠳᠠᠯ ᠨᠢ ᠲᠡᠭᠰᠢᠬᠡᠨ᠂ ᠮᠢᠬᠠ ᠰᠠᠶᠢᠨᠲᠡᠢ᠂ ᠠᠵᠦ ᠠᠬᠤᠢ ᠶᠢᠨ ᠡᠷᠬᠢᠯᠳᠡ ᠶᠢᠨ ᠬᠤᠭᠤᠴᠠᠭᠠ ᠨᠢ | ᠣᠬᠤᠷ᠂ ᠦᠷᠠ ᠠᠰᠢᠭ ᠨᠢ ᠰᠠᠶᠢᠨ ᠵᠡᠷᠭᠡ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠲᠠᠢ᠃ ᠬᠤᠶᠠᠷ ᠪᠤᠭᠲᠠ ᠶᠢᠨ ᠴᠠᠭᠠᠨ ᠢᠮᠡᠭᠠᠨ ᠤ ᠰᠤᠷ ᠨᠢ ᠤᠷᠲᠤ᠂ ᠲᠡᠭᠰᠢᠳᠭᠡᠭᠡᠳ 15 | ᠰᠠᠠᠳ᠋᠊ ᠵᠮᠧᠳ᠋ᠷ ᠠᠴᠠ ᠲᠡᠭᠡᠭᠰᠢ ᠪᠠᠶᠢᠵᠤ᠂ ᠨᠤᠯᠤᠤᠷ ᠨᠢ ᠤᠷᠲᠤ ᠪᠦᠭᠡᠳ ᠵᠦᠭᠡᠯᠡᠨ᠂ ᠬᠠᠷᠢᠮᠠᠬᠠᠢ ᠴᠢᠨᠠᠷ ᠢᠶᠠᠷ ᠴᠢᠩᠭᠠ᠂ ᠦᠩᠭᠡ ᠨᠢ ᠭᠢᠯᠳᠠᠭᠠᠨᠠᠮᠠ᠂ ᠨᠤᠯᠤᠤᠷ ᠤᠨ | ᠰᠢᠷᠬᠢᠭ ᠨᠢ 13 — — 15 ᠮᠢᠺᠷᠤᠮᠧᠳ᠋ᠷ ᠪᠦᠲᠦᠬᠦᠨ ᠪᠠᠶᠢᠲᠠᠭ᠃ ᠲᠡᠶᠢᠮᠦ ᠳᠤ ᠪᠠᠨ ︽ᠲᠡᠯᠡᠬᠡᠢ ᠶᠢᠨ ᠰᠢᠷᠬᠡᠭᠯᠢᠭ ᠤᠨ ᠲᠣᠳᠣᠷᠠᠬᠢ ᠠᠯᠮᠠᠰ︾᠂ ︽ | ᠵᠦᠬᠡᠯᠡᠨ ᠠᠯᠳᠠ︾ ᠬᠡᠮᠡᠨ ᠠᠯᠳᠠᠨ ᠲᠡᠯᠡᠬᠡᠢ ᠳᠤ ᠠᠯᠳᠠᠷᠰᠢᠭᠰᠠᠨ ᠶᠣᠮ᠃ | 1999 ᠤᠨ ᠳᠤ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠠᠴᠠ ᠬᠤᠶᠠᠷ ᠪᠤᠭᠲᠠ ᠶᠢᠨ ᠴᠠᠭᠠᠨ ᠢᠮᠠᠭᠠ ᠶᠢ ᠨᠤᠯᠤᠤᠷ ᠤᠨ ᠴᠠᠭᠠᠨ ᠢᠮᠠᠭᠠ | ᠭᠡᠮᠡᠨ ᠨᠡᠷᠡᠶᠢᠳᠪᠠ᠃ | 2006 ᠤᠨ ᠳᠤ ᠤᠯᠤᠰ ᠤᠨ ᠮᠠᠯ ᠲᠡᠵᠢᠭᠡᠪᠦᠷᠢ ᠵᠢᠬᠦᠷᠲᠡᠨ ᠤ ᠤᠲᠤᠮᠰᠢᠯ ᠤᠨ ᠡᠬᠢ ᠪᠠᠶᠠᠯᠢᠭ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠦᠪ ᠤᠨ ᠵᠢᠭᠰᠠᠭᠠᠯᠳᠠ ᠳᠤ | ᠵᠢᠬᠰᠠᠭᠠᠭᠲᠠᠪᠠ᠃ | 2018 ᠤᠨ ᠤ 2 ᠰᠠᠷᠠ ᠳᠤ᠂ ᠲᠠᠷᠢᠶᠠᠯᠠᠩ ᠤᠨ ᠶᠠᠮᠤᠨ ᠠᠴᠠ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠪᠦᠲᠦᠭᠡᠭᠲᠡᠬᠦᠨ ᠤ ᠤᠷᠤᠨ ᠨᠤᠲᠤᠭ ᠤᠨ ᠲᠠᠮᠲᠡᠭᠲᠦ | ᠪᠦᠲᠦᠭᠡᠭᠲᠡᠬᠦᠨ ᠢᠶᠠᠷ ᠲᠠᠩᠰᠠᠯᠠᠨ ᠬᠠᠮᠠᠭᠠᠯᠠᠪᠠ᠃ | ᠭᠤᠷᠪᠠᠨ ᠵᠢᠯ ᠲᠠᠷᠠᠭᠠᠯᠠᠨ ᠢᠲ᠋ᠠᠯᠢ ᠶᠢᠨ ᠵᠠᠶᠢᠭ᠍ᠸᠡᠨᠡ ᠶᠢᠨ ᠤᠯᠠᠨ ᠤᠯᠤᠰ ᠤᠨ ᠢᠮᠠᠭᠠᠨ ᠨᠤᠯᠤᠤᠷ ᠤᠨ ᠠᠯᠲᠠᠨ ᠮᠧᠲᠠᠯ ᠢ ᠲᠤᠰᠪᠠ ᠁ ᠬᠡᠳᠡᠯᠠ ᠮᠠᠯᠴᠢᠨ | ᠲᠦᠮᠡᠨ ᠮᠠᠨᠢ ᠤᠷᠤᠯᠭᠠ ᠪᠠᠨ ᠪᠤᠲᠤᠵᠤ ᠨᠣᠯᠤᠣᠷ ᠤᠨ ᠭᠠᠷᠣᠯᠳᠠ ᠪᠠᠷ ᠶᠡᠭᠡ ᠭᠠᠳᠠᠷ ᠣᠷᠣᠨ ᠤ ᠨᠣᠯᠤᠣᠷ ᠤᠨ ᠢᠮᠠᠭᠠ ᠶᠢ ᠣᠷᠣᠭᠤᠯᠣᠨ ᠠᠪᠴᠢᠷᠠᠵᠦ | ᠡᠷᠯᠢᠰᠠᠵᠢᠬᠦᠯᠦᠭᠰᠡᠨ ᠢᠶᠠᠷ ᠬᠤᠶᠠᠷ ᠪᠤᠭᠳᠠ ᠶᠢᠨ ᠴᠠᠭᠠᠨ ᠢᠮᠠᠭᠠᠨ ᠤ ᠡᠬᠦᠯᠳᠡᠷ ᠶᠠᠪᠤᠬᠤ ᠲᠣᠳᠣᠮ ᠮᠠᠭᠤᠵᠢᠷᠠᠵᠦ᠂ ᠣᠨᠴᠠᠭᠠᠢᠢᠯᠠᠨ ᠨᠣᠯᠤᠣᠷ ᠤᠨ ᠶᠠᠰᠣ ᠴᠢᠨᠠᠷ ᠨᠢ | ᠡᠪᠲᠡᠭᠲᠡᠨ᠂ ᠰᠢᠷᠬᠢᠯᠢᠭ ᠨᠢ ᠪᠦᠲᠦᠬᠦᠷᠡᠨ ᠭᠡᠪᠡᠷᠢᠭᠵᠢᠵᠦ᠂ ᠬᠠᠷᠢᠮᠠᠬᠠᠢ ᠴᠢᠨᠠᠷ ᠨᠢ ᠪᠠᠭᠤᠷᠠᠨ᠂ ᠡᠨᠡᠬᠦ ᠴᠡᠪᠡᠷ ᠡᠬᠦᠯᠳᠡᠷ ᠨᠢ ᠠᠪᠤᠷᠠᠬᠤ ᠦᠬᠡᠢ ᠪᠤᠯ ᠣᠰᠠᠳᠬᠤ | ᠬᠡᠮᠵᠢᠶᠡᠨ ᠳᠤ ᠬᠦᠷᠪᠡ᠃ ᠨᠡᠶᠢᠭᠡᠮ ᠦᠳᠲᠡᠷ ᠲᠦᠷᠭᠡᠨ ᠬᠦᠭᠵᠢᠵᠦ᠂ ᠲᠦᠯᠦᠪᠯᠡᠭᠡᠲᠦ ᠠᠵᠤ ᠠᠬᠤᠢ ᠠᠴᠠ ᠵᠠᠬᠠ ᠲᠠᠯᠭᠡᠬᠦᠷ ᠤᠨ ᠠᠵᠤ ᠠᠬᠤᠢ ᠳᠤ ᠰᠢᠯᠵᠢᠭᠰᠡᠨ | ᠡᠨᠡ ᠡᠷᠢᠨ ᠳᠤ ᠢᠯᠡᠬᠦᠦ ᠮᠦᠩᠬᠦ ᠤᠯᠵᠤ᠂ ᠠᠮᠢᠲᠤᠷᠠᠯ ᠢᠶᠠᠨ ᠲᠡᠭᠡᠭᠰᠢ ᠨᠢ ᠲᠠᠲᠠᠨ ᠪᠠᠶᠠᠵᠢᠨ ᠴᠢᠨᠠᠭᠡᠯᠢᠭᠵᠢᠶᠠ ᠭᠡᠰᠡᠨ ᠮᠠᠯᠴᠢᠨ ᠲᠦᠮᠡᠨ ᠤ ᠮᠢᠨᠢ ᠪᠤᠲᠤᠯ | ᠪᠤᠷᠤᠭᠤᠲᠠᠭᠠ ᠦᠭᠡᠢ᠃ | ᠭᠡᠲᠦᠨ ᠵᠢᠯ ᠨᠤᠯᠤᠤᠷ ᠤᠨ ᠺᠤᠮᠫᠡᠨᠢ ᠳᠤ ᠨᠤᠯᠤᠤᠷ ᠬᠤᠷᠢᠶᠠᠭᠴᠢ ᠪᠠᠷ ᠠᠵᠢᠯᠯᠠᠵᠤ᠂ ᠲᠤᠮᠲᠠᠲᠤ ᠮᠤᠩᠭᠤᠯ ᠬᠤᠶᠠᠷ ᠤᠯᠤᠰ ᠤᠨ ᠤᠯᠠᠨ ᠭᠠᠵᠠᠷ ᠢ ᠡᠯᠡᠭᠡᠵᠦ | ᠶᠠᠪᠤᠭᠰᠠᠨ ᠵᠢᠷᠡᠡᠨᠢᠭᠡ ᠨᠤᠯᠤᠤᠷ ᠤᠨ ᠴᠢᠨᠠᠷ ᠴᠢᠨᠰᠠᠭᠠ᠂ ᠠᠯᠢ ᠨᠤᠲᠤᠭ ᠤᠨ ᠶᠠᠮᠠᠷ ᠡᠬᠦᠯᠲᠡᠷ ᠤᠨ ᠢᠮᠠᠭᠠᠨ ᠤ ᠨᠤᠯᠤᠤᠷ ᠪᠤᠯᠬᠤ ᠶᠢ ᠦᠵᠡᠮᠡᠭᠴᠡ ᠮᠡᠲᠡᠲᠡᠭ ᠬᠢᠷᠠᠬᠠᠢ | ᠨᠢᠲᠤ ᠲᠠᠢ ᠪᠤᠯᠤᠭᠰᠠᠨ ᠶᠤᠮ᠃ ᠮᠦᠨ ᠴᠦ ᠬᠤᠶᠠᠷ ᠪᠤᠭᠲᠠ ᠶᠢᠨ ᠴᠠᠭᠠᠨ ᠢᠮᠠᠭᠠᠨ ᠤ ᠨᠤᠯᠤᠤᠷ ᠤᠨ ᠴᠢᠨᠠᠷ ᠶᠠᠮᠠᠷ ᠭᠡᠲᠡᠭ ᠢ ᠠᠯᠠᠭᠠᠨ ᠵᠢᠷᠤᠭᠠᠰᠤ ᠪᠠᠨ ᠰᠢᠭ᠋ ᠰᠠᠶᠢᠨ | ᠮᠡᠲᠡᠲᠡᠭ ᠢᠶᠠᠷ ᠬᠤᠶᠠᠷ ᠪᠤᠭᠲᠠ ᠶᠢᠨ ᠴᠠᠭᠠᠨ ᠢᠮᠠᠭᠠ ᠶᠢ ᠦᠰᠭᠡᠵᠦ ᠦᠷᠡᠵᠢᠬᠦᠯᠬᠦ᠂ ᠡᠬᠦᠯᠲᠡᠷ ᠢ ᠨᠢ ᠰᠠᠶᠢᠵᠢᠷᠠᠭᠤᠯᠬᠤ᠂ ᠠᠪᠤᠷᠠᠨ ᠬᠠᠮᠠᠭᠠᠯᠠᠬᠤ ᠪᠠᠷ ᠵᠤᠷᠢᠭ | ᠰᠢᠭᠤᠲᠤᠨ᠂ 2002 ᠤᠨ ᠳᠤ ᠠᠯᠢᠪᠠ ᠠᠵᠢᠯ ᠢᠶᠠᠨ ᠲᠠᠶᠠᠭᠲᠠᠵᠤ᠂ ᠨᠢᠭᠡ ᠯᠠ ᠰᠡᠳᠬᠢᠯ ᠢᠶᠠᠷ ᠰᠢᠭᠤᠷᠬᠠᠶᠢᠯᠠᠨ ᠠᠵᠢᠯᠯᠠᠵᠤ ᠡᠬᠢᠯᠡᠵᠡᠢ ᠁ | — — ᠮᠠᠨ ᠤ ᠳᠤ ᠬᠦᠮᠦᠨ ᠢᠷᠡᠭᠰᠡᠨ ᠲᠦᠯᠦᠪ ᠲᠠᠢ᠂ ᠭᠠᠲᠠᠨᠠ ᠨᠢᠭᠡ ᠬᠦᠮᠦᠨ ᠶᠠᠪᠤᠵᠤ ᠪᠠᠶᠢᠨᠠ᠃ | — — ᠡᠨᠡ ᠬᠠᠯᠠᠭᠤᠨ ᠡᠲᠦᠷ ᠶᠠᠭᠤᠨ ᠤ ᠬᠦᠮᠦᠨ ᠪᠤᠯᠴᠢᠬᠠᠪᠠ ᠤᠤ︖ | — — ᠨᠤᠯᠤᠤᠷ ᠠᠪᠬᠤ ᠬᠦᠮᠦᠨ ᠶᠠᠪᠤᠵᠤ ᠪᠠᠶᠢᠭᠠ ᠶᠤᠮ ᠤᠤ︖ ᠮᠡᠲᠡᠬᠦ ᠦᠭᠡᠢ ᠮᠡᠲᠡᠬᠦ ᠦᠭᠡᠢ᠃ | ᠭᠡᠷ ᠲᠤ ᠤᠷᠤᠬᠤ ᠳᠤ ᠬᠠᠨᠵᠤᠨ ᠲᠡᠭᠡᠷᠡ ᠨᠢ ᠨᠢᠭᠡ ᠬᠦᠮᠦᠨ ᠵᠠᠪᠢᠯᠠᠵᠤ ᠰᠠᠭᠤᠴᠢᠬᠠᠭᠠᠳ ᠴᠠᠢ ᠤᠤᠭᠤᠵᠤ ᠪᠠᠶᠢᠯᠠ᠃ ᠭᠡᠷ ᠤᠨ ᠡᠵᠡᠨ ᠤᠷᠤᠵᠤ ᠢᠷᠡᠬᠦᠯᠡᠷ ᠨᠢ | — — ᠰᠠᠶᠢᠨ ᠤᠤ︖ ᠲᠠᠷᠭᠤᠨ ᠲᠠᠪᠠᠲᠠᠢ ᠵᠤᠰᠠᠵᠤ ᠪᠠᠶᠢᠨᠠ︖ ᠬᠠᠮᠢᠭᠠ ᠪᠠᠷ ᠶᠠᠪᠤᠭᠠᠳ ᠢᠷᠡᠪᠠ ᠤᠤ ᠭᠡᠵᠤ ᠭᠡᠷ ᠤᠨ ᠡᠵᠡᠨ ᠶᠤᠮ ᠰᠢᠭ᠋ | ᠮᠡᠨᠲᠦᠴᠢᠯᠡᠯᠠ᠃ | ᠡᠨᠡ ᠬᠦᠮᠦᠨ ᠦᠭᠡᠷᠡ ᠬᠦᠮᠦᠨ ᠪᠢᠰᠢ᠂ ᠲᠤᠬᠠᠢ ᠶᠢᠨ ᠦᠶᠠ ᠳᠤ ᠬᠤᠰᠢᠭᠤᠨ ᠤ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠲᠤᠪᠴᠢᠶᠠᠨ ᠤ ᠲᠠᠷᠤᠭᠠ ᠪᠠᠶᠢᠭᠰᠠᠨ ᠰᠤᠶᠤᠯᠲᠤ | ᠪᠠᠶᠢᠵᠠᠢ᠃ | — — ᠰᠠᠶᠢᠨ ᠰᠠᠶᠢᠨ᠂ ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠵᠠ ᠲᠡᠭᠡᠭᠡᠳ ᠲᠠᠷᠤᠭᠠ ᠭᠤᠸᠠᠢ᠂ ᠶᠠᠮᠠᠷ ᠠᠵᠢᠯ ᠠᠯᠪᠠ ᠪᠠᠷ ᠶᠠᠪᠤᠵᠤ ᠪᠠᠶᠢᠨᠠ ᠤᠤ︖ | — — ᠢᠮᠠᠭᠠᠨ ᠤ ᠤᠴᠢᠷ ᠢᠶᠠᠷ ᠶᠠᠪᠤᠨᠠ᠂ ᠬᠤᠶᠠᠷ ᠪᠤᠭᠲᠠ ᠶᠢᠨ ᠴᠠᠭᠠᠨ ᠢᠮᠠᠭᠠ ᠶᠢ ᠬᠠᠮᠠᠭᠠᠯᠠᠵᠤ ᠬᠦᠭᠵᠢᠬᠦᠯᠬᠦ ᠳᠤ ᠯᠠ ᠴᠢᠮᠠ ᠰᠢᠭ᠋ ᠬᠦᠮᠦᠨ | ᠲᠤᠰᠠ ᠪᠤᠯᠤᠨᠠ᠃ | — — ᠶᠤᠰᠤᠲᠠᠢ ᠰᠠᠶᠢᠨ ᠠᠵᠢᠯ ᠢᠶᠠᠷ ᠶᠠᠪᠤᠵᠤ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ ︽ᠭᠠᠭᠴᠠ ᠮᠤᠲᠤ ᠭᠠᠯ ᠪᠤᠯᠬᠤ ᠦᠭᠡᠢ᠂ ᠭᠠᠭᠴᠠ ᠬᠦᠮᠦᠨ ᠠᠶᠢᠯ ᠪᠤᠯᠬᠤ | ᠦᠭᠡᠢ︾ ᠭᠡᠲᠡᠭ ᠢᠶᠠᠷ ᠪᠢ ᠴᠦ ᠭᠠᠭᠴᠠᠭᠠᠷ ᠢᠶᠠᠨ ᠭᠡᠲᠦᠨ ᠵᠢᠯ ᠴᠢᠷᠮᠠᠶᠢᠵᠤ ᠶᠠᠪᠤᠯᠠ᠂ ᠨᠤᠯᠤᠤᠷ ᠤᠨ ᠭᠠᠷᠤᠯᠲᠠ ᠲᠤᠤᠷᠠ ᠪᠠᠶᠢᠲᠠᠭ ᠠᠴᠠ ᠪᠦᠬᠦᠲᠡᠭᠡᠷ ᠢᠶᠠᠨ | ᠰᠡᠳᠬᠢᠯ ᠨᠢᠭᠡᠳᠬᠦ ᠦᠭᠡᠢ ᠭᠡᠲᠡᠭ ᠴᠢᠨᠢ ᠠᠮᠠᠷ ᠦᠭᠡᠢ᠃ ᠵᠠᠰᠠᠭ ᠤᠨ ᠤᠷᠲᠤᠨ ᠠᠴᠠ ᠬᠦᠨᠲᠤᠳᠭᠡᠨ ᠦᠵᠡᠵᠦ᠂ ᠬᠠᠪᠰᠤᠷᠲᠠᠭ ᠶᠤᠮ ᠪᠤᠯ ᠲᠡᠭᠡᠭᠡᠳ ᠠᠮᠠᠷᠬᠠᠨ | ᠪᠤᠯᠤᠨᠠ ᠳ᠋ᠠ᠂ ᠪᠢ ᠴᠦ ᠶᠠᠭᠠᠬᠢᠮᠠᠢ᠂ ᠴᠢᠲᠠᠯ ᠢᠶᠠᠷ ᠬᠠᠮᠵᠢᠨ ᠬᠢᠨᠠ ᠳ᠋ᠠ᠃ | — — ᠡᠶᠢᠮᠦ ᠰᠠᠶᠢᠨ ᠢᠮᠠᠭᠠ ᠪᠠᠨ ᠪᠢᠲᠠ ᠦᠪᠡᠷᠲᠡᠭᠡᠨ ᠬᠠᠮᠠᠭᠠᠯᠠᠵᠤ ᠬᠦᠭᠵᠢᠬᠦᠯᠬᠦ ᠦᠭᠡᠢ ᠶᠤᠮ ᠪᠤᠯ᠂ ᠦᠭᠡᠷᠡ ᠬᠦᠮᠦᠨ ᠶᠠᠭᠤᠮᠠ ᠪᠤᠯᠭᠠᠬᠤ ᠦᠭᠡᠢ | ᠰᠢᠤ᠂ ︽ᠲᠡᠮ ᠲᠡᠮ ᠳᠤ ᠪᠠᠨ ᠲᠠᠭᠡᠰᠤ ᠡᠷᠴᠢᠮ ᠳᠤ ᠪᠠᠨ︾ ᠭᠡᠲᠡᠭ᠂ ᠪᠢᠲᠠ ᠪᠦᠬᠦᠲᠡᠭᠡᠷ ᠢᠶᠠᠨ ᠴᠢᠷᠮᠠᠶᠢᠪᠠᠯ ᠪᠦᠲᠦᠬᠦ ᠶᠤᠮ᠃ ᠪᠢᠲᠠᠨ ᠤ ᠴᠢᠷᠮᠠᠶᠢᠯᠭᠠ | ᠬᠠᠷᠢᠭᠤ ᠲᠠᠢ ᠪᠤᠯᠤᠨᠠ᠃ ᠨᠤᠯᠤᠤᠷ ᠤᠨ ᠭᠠᠷᠤᠯᠲᠠ ᠲᠤᠤᠷᠠ ᠪᠠᠶᠢᠲᠠᠭ ᠨᠢ ᠦᠨᠡᠨ᠂ ᠤᠲᠤ ᠪᠢᠲᠠ ᠬᠠᠮᠢᠶᠠ ᠪᠦᠬᠦᠢ ᠮᠡᠷᠭᠡᠵᠢᠯᠲᠡᠨ ᠢ ᠤᠷᠢᠵᠤ᠂ ᠬᠤᠶᠠᠷ | ᠪᠤᠬᠲᠠ ᠶᠢᠨ ᠴᠠᠭᠠᠨ ᠢᠮᠠᠭᠠᠨ ᠤ ᠨᠤᠯᠤᠤᠷ ᠢ ᠨᠡᠮᠡᠭᠲᠡᠬᠦᠯᠬᠦ ᠲᠤᠬᠠᠢ ᠰᠤᠲᠤᠯᠭᠠᠨ ᠬᠢᠵᠦ ᠪᠤᠢ᠃ ᠡᠨᠡ ᠲᠠᠯᠠ ᠳᠤ ᠴᠦ ᠲᠠᠨ ᠤ ᠲᠠᠮᠵᠢᠯᠭᠡ ᠴᠢᠬᠤᠯᠠ ᠲᠠᠢ ᠪᠤᠯᠤᠭᠠᠳ | ᠪᠠᠶᠢᠨᠠ᠃ | ᠮᠡᠷᠭᠡᠵᠢᠯᠲᠠᠳ ᠬᠢᠭᠡᠳ ᠵᠢᠷᠡᠡᠨᠢᠭᠡ ᠲᠦᠷᠦᠬᠦᠲᠡᠢ ᠭᠡᠰᠡᠭ ᠮᠠᠯᠴᠢᠳ ᠭᠡᠲᠦᠨ ᠵᠢᠯ ᠤᠨ ᠴᠠᠭ ᠵᠠᠷᠤᠴᠠᠭᠤᠯᠤᠨ ᠴᠢᠷᠮᠠᠶᠢᠭᠰᠠᠨ ᠢᠶᠠᠷ᠂ ᠬᠤᠶᠠᠷ ᠪᠤᠭᠲᠠ ᠶᠢᠨ ᠴᠠᠭᠠᠨ | ᠢᠮᠠᠭᠠ ᠨᠢ ᠲᠡᠭᠰᠢᠳᠭᠡᠭᠡᠳ ᠭᠡᠲᠦᠭᠡᠨ ᠯᠠᠩ ᠨᠤᠯᠤᠤᠷ ᠲᠠᠢ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠤᠲᠤ ᠪᠤᠯᠬᠤ ᠳᠤ ᠡᠮᠡ ᠢᠮᠠᠭᠠ ᠨᠢ ᠬᠦᠷᠲᠡᠯᠠ ᠵᠢᠩ ᠲᠠᠪᠤᠨ ᠯᠠᠩ ᠨᠤᠯᠤᠤᠷ | ᠪᠠᠭᠤᠬᠤ ᠪᠤᠯᠵᠠᠢ᠃ | 2013 ᠣᠨ ᠤ ᠰᠡᠬᠦᠯᠴᠢ ᠪᠤᠯᠬᠤ ᠳᠤ᠂ ᠣᠯᠣᠰ ᠠᠴᠠ ︽ᠪᠤᠳᠣᠯᠭᠠ ᠶᠢᠨ ᠴᠢᠨᠠᠷᠲᠠᠢ ᠲᠣᠮᠣ ᠪᠡᠯᠡᠭ︾ ᠢᠶᠠᠷ ᠬᠤᠶᠠᠷ ᠪᠤᠭᠲᠠ ᠶᠢᠨ ᠨᠤᠯᠤᠤᠷ ᠤᠨ ᠴᠠᠭᠠᠨ | ᠢᠮᠠᠭᠠ ᠳᠤ ᠨᠦᠬᠦᠪᠦᠷᠢ ᠦᠭᠬᠦ ᠪᠠᠶᠠᠷ ᠤᠨ ᠴᠢᠮᠡᠭᠡ ᠤᠷᠠᠳ ᠨᠤᠲᠤᠭ ᠲᠤ ᠴᠠᠬᠢᠯᠭᠠᠨ ᠴᠠᠬᠢᠯᠠᠭᠰᠠᠨ ᠶᠤᠮ ᠰᠢᠭ᠋ ᠨᠢᠭᠡ ᠠᠴᠠ ᠠᠷᠪᠠ ᠳᠤ᠂ ᠨᠢᠭᠡ ᠮᠡᠲᠡᠬᠦ ᠳᠤ | ᠪᠦᠬᠦᠨ ᠢᠶᠠᠷ ᠢᠶᠠᠨ ᠮᠡᠲᠡᠴᠢᠭᠡᠭᠰᠡᠨ ᠪᠠᠶᠢᠯᠠ᠃ ︽ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠲᠤᠨ ᠨᠣᠯᠤᠣᠷ ᠤᠨ | ᠢᠮᠠᠭᠠ ᠶᠢᠨ ᠠᠵᠦ ᠦᠢᠯᠡᠰ ᠢ ᠮᠠᠨᠳᠣᠭᠤᠯᠣᠨ ᠬᠦᠭᠵᠢᠬᠦᠯᠬᠦ ᠲᠤᠬᠠᠢ ᠰᠠᠨᠠᠯ︾ ︵ᠦᠪᠦᠷ ᠵᠠᠰᠠᠭ ᠲᠠᠷᠬᠠᠭᠠᠬᠤ ﹇2013﹈ 71 ᠨᠤᠮᠧᠷ︶ ᠪᠠ ᠦᠪᠡᠷᠳᠡᠬᠡᠨ | ᠵᠠᠰᠠᠬᠤ ᠣᠷᠣᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ︽ᠴᠠᠭᠠᠨ ᠨᠣᠯᠤᠣᠷ ᠤᠨ ᠢᠮᠠᠭᠠ ᠶᠢ ᠬᠠᠮᠠᠭᠠᠯᠠᠬᠤ ᠬᠡᠷᠡᠭᠵᠢᠬᠦᠯᠬᠦ ᠲᠦᠰᠦᠯ︾ ᠢ ᠲᠣᠭᠳᠠᠭᠠᠵᠦ᠂ ᠬᠤᠶᠠᠷ | ᠪᠤᠭᠳᠠ ᠶᠢᠨ ᠨᠣᠯᠤᠣᠷ ᠤᠨ ᠴᠠᠭᠠᠨ ᠢᠮᠠᠭᠠ ᠶᠢ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠢᠨᠵᠧᠨᠧᠷᠢᠩ ᠤᠨ ᠨᠡᠷᠠ ᠶᠢᠨ ᠵᠢᠭᠰᠠᠭᠠᠯ ᠳᠤ ᠣᠷᠣᠭᠤᠯᠣᠭᠰᠠᠨ ᠪᠦᠬᠡᠳ ᠰᠠᠶᠢᠨ ᠡᠬᠦᠯᠳᠡᠷ ᠤᠨ | ᠬᠠᠮᠠᠭᠠᠯᠠᠯᠳᠠ ᠶᠢᠨ ᠲᠦᠷᠦᠯ ᠵᠦᠢᠯ ᠤᠨ ᠪᠡᠯᠡ ᠮᠦᠡᠭᠬᠦ ᠶᠢ 149 ᠲᠦᠮᠡᠨ ᠲᠦᠬᠦᠷᠢᠭ ᠪᠠᠭᠤᠯᠭᠠᠪᠠ᠃ ᠪᠠᠶᠢᠴᠠᠭᠠᠯᠲᠠ ᠪᠠᠷ ᠲᠠᠮᠵᠢᠨ ᠪᠠᠷᠢᠮᠵᠢᠶᠠᠨ ᠳᠤ ᠬᠢᠷᠢ | ᠲᠡᠩᠴᠡᠭᠰᠡᠨ ᠬᠤᠶᠠᠷ ᠪᠤᠭᠲᠠ ᠶᠢᠨ ᠤᠬᠤᠨᠠ ᠪᠦᠷᠢ ᠳᠤ 800 ᠲᠦᠬᠦᠷᠢᠭ ᠤᠨ ᠨᠦᠬᠦᠪᠦᠷᠢ ᠦᠭᠬᠦ ᠶᠢᠨ ᠬᠠᠮᠲᠤ᠂ ᠡᠮᠡ ᠢᠮᠠᠭᠠ ᠨᠢ 100 ᠠᠴᠠ ᠲᠡᠭᠡᠭᠰᠢ | ᠪᠠᠶᠢᠬᠤ ᠡᠷᠦᠭᠡ ᠪᠠᠷ ᠭᠤᠤᠯᠲᠠᠭᠤᠯᠤᠨ᠂ ᠡᠷᠦᠭᠡ ᠪᠦᠷᠢ ᠠᠴᠠ 10 ᠡᠮᠡ ᠢᠮᠠᠭᠠ ᠶᠢ ᠰᠤᠩᠭᠤᠨ ᠪᠠᠶᠢᠴᠠᠭᠠᠵᠤ᠂ ᠨᠢᠭᠡ ᠡᠮᠡ ᠢᠮᠠᠭᠠ ᠶᠢ ᠠᠷᠪᠠ ᠪᠠᠷ ᠪᠤᠲᠤᠨ᠂ | ᠨᠣᠯᠣᠣᠷ ᠤᠨ ᠨᠠᠷᠢᠳᠡᠴᠡ ᠶᠢᠨ ᠬᠡᠮᠵᠢᠶᠠ ᠨᠢ 14.5 ᠮ᠊ ᠵᠺᠷᠤᠮᠧᠳ᠋ᠷ ᠠᠴᠠ ᠲᠤᠷᠤᠭᠰᠢ ᠪᠦᠬᠦᠢ ᠪᠠᠷᠢᠮᠵᠢᠶᠠᠨ ᠳᠤ ᠬᠦᠷᠦᠭᠰᠡᠨ ᠡᠮᠡ ᠢᠮᠠᠭᠠ ᠪᠦᠷᠢ ᠳᠤ ᠵᠠᠭᠤᠨ | ᠲᠦᠬᠦᠷᠢᠭ ᠨᠦᠬᠦᠪᠦᠷᠢᠯᠡᠵᠦ᠂ ᠬᠠᠮᠤᠭ ᠤᠯᠠᠨ ᠳᠤ ᠪᠠᠨ ᠡᠷᠦᠭᠡ ᠪᠦᠷᠢ ᠲᠦᠮᠡᠨ ᠲᠦᠬᠦᠷᠢᠭ ᠤᠨ ᠨᠦᠬᠦᠪᠦᠷᠢ ᠤᠯᠬᠤ ᠪᠤᠯᠤᠮᠵᠢ ᠲᠠᠢ ᠪᠤᠯᠪᠡ᠃ ᠮᠠᠯᠴᠢᠳ ᠡᠨᠡᠬᠦ | ᠲᠦᠷᠦ ᠶᠢᠨ ᠪᠤᠳᠣᠯᠭᠠ ᠠᠴᠠ ᠠᠰᠢᠭ ᠬᠦᠷᠳᠡᠭᠰᠡᠨ ᠪᠦᠬᠡᠳ ᠨᠡᠩ ᠴᠢᠬᠤᠯᠠ ᠨᠢ ᠬᠤᠶᠠᠷ ᠪᠤᠭᠳᠠ ᠶᠢᠨ ᠴᠠᠭᠠᠨ ᠢᠮᠠᠭᠠ ᠶᠢ ᠬᠠᠮᠠᠭᠠᠯᠠᠬᠤ ᠡᠬᠦᠷᠬᠡ | ᠬᠠᠷᠢᠭᠤᠴᠠᠯᠭᠠ ᠶᠢᠨ ᠲᠣᠬᠠᠢ ᠬᠦᠨ ᠲᠠᠨᠢᠯᠳᠠ ᠲᠠᠢ ᠪᠤᠯᠣᠭᠰᠠᠨ ᠪᠠᠶᠢᠨᠠ᠃ | ᠵᠢᠷᠡᠡᠨᠢᠭᠡ ᠦᠪᠡᠷ ᠢᠶᠠᠨ ᠪᠠᠶᠠᠵᠢᠭᠠᠳ ᠦᠷᠦᠭᠡᠯ ᠢᠶᠠᠨ ᠮᠡᠷᠲᠠᠭᠠ ᠦᠭᠡᠢ᠃ ᠲᠡᠷᠢᠬᠦᠨ ᠤ ᠮᠡᠷᠭᠡᠵᠢᠯ᠂ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠠᠷᠭᠠ ᠪᠠᠨ ᠮᠠᠯᠴᠢᠨ | ᠲᠦᠮᠡᠨ ᠳᠤ ᠪᠠᠨ ᠬᠠᠷᠠᠮ ᠦᠭᠡᠢ ᠬᠤᠪᠢᠶᠠᠯᠴᠠᠵᠤ᠂ ᠲᠡᠲᠡᠨ ᠢ ᠬᠠᠪᠰᠤᠷᠤᠨ ᠬᠠᠮᠲᠤ ᠪᠠᠷ ᠪᠠᠶᠠᠵᠢᠨ ᠴᠢᠨᠡᠭᠡᠯᠢᠭᠵᠢᠬᠦ ᠶᠢ ᠰᠠᠨᠠᠭᠠᠴᠢᠯᠠᠭᠰᠠᠨ ᠪᠠᠶᠢᠲᠠᠭ᠃ ᠲᠡᠬᠦᠨ ᠤ | ᠲᠠᠭᠠᠭᠤᠯᠭᠠ ᠪᠠᠷ ᠰᠢᠷᠠᠴᠢᠯᠠᠭᠤ ᠭᠠᠴᠠᠭᠠᠨ ᠤ ᠨᠤᠯᠤᠤᠷ ᠤᠨ ᠢᠮᠡᠭᠠᠨ ᠤ ᠡᠬᠦᠯᠲᠡᠷ ᠰᠠᠶᠢᠵᠢᠷᠠᠭᠤᠯᠤᠯᠲᠠ ᠨᠢ 90% ᠠᠴᠠ ᠲᠡᠭᠡᠭᠰᠢ ᠪᠤᠯᠵᠤ᠂ 2017 ᠤᠨ ᠳᠤ | ᠭᠠᠴᠠᠭᠠᠨ ᠤ ᠠᠷᠠᠳ ᠤᠨ ᠲᠡᠭᠰᠢᠳᠭᠡᠯ ᠤᠷᠤᠯᠭᠠ 1.6 ᠲᠦᠮᠡᠨ ᠲᠦᠬᠦᠷᠢᠭ ᠲᠤ ᠬᠦᠷᠦᠭᠰᠡᠨ ᠪᠠᠶᠢᠨᠠ᠃ | ᠮᠠᠯᠴᠢᠨ ᠲᠦᠮᠡᠨ ᠤ ᠠᠮᠢᠲᠤᠷᠠᠯ ᠤᠨ ᠰᠠᠶᠢᠵᠢᠷᠠᠯᠲᠠ ᠳᠤ ᠠᠯᠢ ᠤᠯᠠᠨ ᠠᠵᠢᠯ ᠢ ᠬᠢᠭᠰᠡᠨ ᠵᠢᠷᠠᠡᠨᠢᠭᠡ ᠲᠦᠮᠡᠨ ᠤ ᠢᠲᠡᠭᠡᠯ ᠢ ᠤᠯᠵᠤ᠂ ᠭᠤᠷᠪᠠᠨ ᠬᠤᠭᠤᠴᠠᠭᠠ | ᠲᠠᠷᠠᠭᠠᠯᠠᠨ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢᠳ ᠤᠨ ᠶᠡᠭᠡ ᠬᠤᠷᠠᠯ ᠤᠨ ᠲᠦᠯᠦᠭᠡᠯᠡᠭᠴᠢ ᠪᠠᠷ ᠰᠤᠩᠭᠤᠭᠲᠠᠯᠠ᠃ ᠡᠨᠡ ᠨᠢ ᠲᠡᠬᠦᠨ ᠳᠤ ᠠᠪᠴᠤ ᠭᠡᠯᠡᠪᠡᠯ | ᠦᠩᠭᠡ ᠭᠡᠷᠡᠯᠲᠡᠢ ᠶᠠᠪᠤᠲᠠᠯ᠂ ᠮᠥᠨ ᠴᠦ ᠠᠷᠠᠳ ᠲᠦᠮᠡᠨ ᠤ ᠬᠦᠰᠡᠯ ᠡᠷᠡᠮᠡᠯᠵᠠᠯ ᠢ ᠵᠠᠰᠠᠭ ᠤᠨ ᠤᠷᠲᠤᠨ ᠳᠤ ᠲᠤᠰᠬᠠᠬᠤ ᠡᠬᠦᠷᠭᠡ ᠶᠢ ᠬᠦᠯᠢᠶᠡᠭᠰᠡᠨ ᠶᠤᠮ᠃ ᠡᠨᠡᠬᠦ | ᠲᠠᠷᠬᠠᠨ ᠡᠬᠦᠷᠭᠡ ᠲᠤᠰᠢᠶᠠᠯ ᠢᠶᠠᠨ ᠲᠡᠬᠦᠰ ᠠᠮᠵᠢᠯᠲᠠ ᠲᠠᠢ ᠪᠡᠶᠡᠯᠡᠬᠦᠯᠬᠦ ᠭᠡᠵᠤ ᠮᠠᠷᠡᠶᠢᠵᠤ ᠶᠠᠪᠤᠨᠠ᠃ ᠤᠩᠭᠤᠨ ᠠᠭᠤᠯᠠ ᠬᠦᠭᠡᠷᠡᠨ ᠰᠦᠨᠲᠡᠷᠯᠡᠵᠦ᠂ ᠪᠤᠷᠬᠠᠨᠲᠤ ᠶᠢᠨ | ᠭᠤᠤᠯ ᠮᠢᠷᠡᠯᠵᠡᠨ ᠤᠷᠤᠰᠤᠨᠠ᠂ ᠬᠤᠷᠸᠠ ᠳᠤ ᠠᠯᠲᠠᠷᠰᠢᠭᠰᠠᠨ ᠬᠤᠨ ᠤ ᠨᠤᠲᠤᠭ ᠲᠤ ᠬᠤᠰᠢᠭᠤᠴᠢ ᠬᠤᠨ ᠬᠠᠯᠢᠨ ᠨᠢᠰᠦᠭᠰᠡᠭᠡᠷ ᠁ ᠰᠤᠷᠪᠤᠯᠵᠢᠯᠠᠭᠴᠢ᠂ | ᠵᠤᠬᠢᠶᠠᠯᠴᠢ ᠪᠠ᠊ ᠪᠦᠭᠡ | ᠢᠷᠡᠯᠲᠡ᠄ ᠤᠷᠠᠳ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠮᠤᠩᠭᠤᠯ ᠰᠦᠯᠵᠢᠶᠡ |