ᠮᠤᠩᠭᠤᠯ ᠮᠤᠷᠢ᠂ ᠨᠡᠬᠦᠲᠡᠯ ᠰᠤᠶᠤᠯ ᠤᠨ ᠲᠤᠮᠲᠠ ᠴᠢᠬᠤᠯᠠ ᠦᠢᠯᠡᠲᠦᠯ ᠢᠶᠠᠨ ᠦᠵᠡᠬᠦᠯᠦᠭᠰᠡᠭᠡᠷ ᠢᠷᠡᠭᠰᠡᠨ ᠶᠤᠮ᠃ | ᠮᠤᠩᠭᠤᠯ ᠬᠦᠮᠦᠨ᠂ ᠠᠽᠢᠶᠠ ᠡᠧᠦ᠋ᠷᠣᠫᠠ ᠰᠤᠨᠲᠠᠯᠠᠭᠰᠠᠨ ᠲᠤᠮᠤᠭᠲᠤ ᠪᠤᠭᠤᠷᠤᠯ ᠲᠡᠤᠭᠡ ᠶᠢ ᠪᠢᠴᠢᠭᠯᠡᠬᠦ ᠳᠤ᠂ ᠠᠭᠲᠠ ᠬᠦᠯᠦᠭ ᠲᠠᠢ ᠪᠠᠨ ᠠᠮᠢ ᠭᠤᠤᠯ | ᠬᠤᠪᠢ ᠵᠠᠶᠠᠭᠠ ᠪᠠᠨ ᠬᠤᠯᠪᠤᠵᠤ ᠶᠠᠪᠤᠭᠰᠠᠨ ᠶᠤᠮ᠃ | ᠬᠦᠯ ᠳᠤ ᠤᠷᠤᠬᠤ ᠠᠴᠠ ᠪᠠᠨ ᠡᠬᠢᠯᠡᠨ ᠤᠨᠠᠭᠠ ᠲᠠᠭᠠ ᠲᠠᠢ ᠨᠤᠴᠤᠯᠲᠤᠵᠤ ᠦᠰᠦᠭᠰᠠᠨ ᠮᠠᠯᠴᠢᠨ ᠬᠦᠮᠦᠨ ᠮᠤᠷᠢ ᠪᠠᠨ ᠭᠡᠪᠡᠯ ᠰᠦᠷ ᠰᠦᠯᠲᠡ ᠨᠢ ᠪᠠᠲᠠᠷᠠᠵᠤ | ᠂ ᠭᠡᠶᠢᠮᠦᠷᠢ ᠨᠢ ᠰᠡᠷᠬᠦᠲᠡᠭ ᠤᠨ ᠤᠴᠢᠷ᠂ ᠮᠤᠩᠭᠤᠯᠴᠤᠳ ᠮᠤᠷᠢ ᠪᠠᠨ ᠬᠠᠶᠢᠷᠠᠯᠠᠨ ᠰᠢᠲᠦᠵᠦ᠂ ᠮᠤᠷᠢ ᠪᠠᠷ ᠢᠶᠠᠨ ᠪᠠᠶᠠᠰᠴᠤ ᠶᠠᠪᠤᠲᠠᠭ ᠰᠠᠨ᠃ | ᠲᠦᠴᠢ ᠶᠢ ᠲᠦᠬᠦᠵᠦ ᠶᠠᠪᠤᠭᠠ ᠤᠶᠤᠲᠠᠯᠴᠢᠨ ᠪᠦᠰᠡᠬᠦᠢ ᠬᠠᠷᠠᠨᠢᠲᠤᠨ ᠤᠷᠠᠳ ᠤᠨ ᠲᠤᠮᠲᠠᠲᠤ ᠬᠤᠰᠢᠭᠤᠨ ᠤ ᠰᠢᠨᠡᠬᠦ᠋ᠷᠢᠶᠡ ᠰᠤᠮᠤᠨ ᠤ ᠬᠠᠲᠠᠢ | ᠭᠠᠴᠠᠭᠠ ᠪᠠᠷ ᠨᠤᠲᠤᠭ ᠲᠠᠢ᠃ ᠠᠪᠤ ᠴᠤᠯᠮᠤᠨ ᠨᠢ ᠠᠲᠤᠭᠤᠴᠢᠨ ᠬᠦᠮᠦᠨ᠂ ᠬᠠᠷᠠᠨᠢᠲᠤᠨ ᠠᠬᠠ ᠲᠠᠬᠦᠦ ᠲᠦᠷᠪᠡᠬᠦᠯᠡ ᠶᠢᠨ ᠲᠤᠮᠲᠠ ᠭᠠᠭᠴᠠ ᠦᠬᠢᠨ ᠨᠢ ᠪᠤᠯᠵᠤ | ᠵᠠᠶᠠᠭᠠᠭᠰᠠᠨ ᠴᠦ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠮᠤᠷᠢ ᠤᠨᠤᠭᠠᠨ ᠳᠤ ᠲᠤᠷᠠ ᠲᠠᠢ᠂ ᠨᠡᠢᠮᠠ ᠶᠢᠰᠦᠲᠡᠢ ᠠᠴᠠ ᠪᠠᠨ ᠡᠬᠢᠯᠡᠨ ᠤᠷᠤᠯᠲᠤᠭᠠᠨ ᠮᠤᠷᠢ ᠤᠨᠤᠵᠤ᠂ ᠠᠵᠢᠨᠠᠢ | ᠬᠦᠯᠦᠭ ᠤᠨ ᠨᠢᠷᠤᠭᠤᠨ ᠳᠤ ᠠᠪᠤ ᠶᠢᠨ ᠬᠦᠦ ᠠᠴᠠ ᠲᠤᠤᠷᠠᠲᠠᠬᠤ ᠦᠭᠡᠢ ᠬᠦᠦᠭᠯᠡᠨ᠂ ︽ᠤᠨᠤᠭᠠᠴᠢᠨ ᠬᠦᠦ︾ ᠶᠢᠨ ᠤᠷᠠ ᠠᠪᠢᠶᠠᠰ ᠢᠶᠠᠨ ᠭᠠᠶᠢᠬᠠᠭᠤᠯᠵᠤ᠂ | ᠦᠵᠡᠭᠴᠢ ᠲᠦᠮᠡᠨ ᠳᠤ ᠪᠠᠨ ᠱᠠᠭᠰᠢᠭᠲᠠᠵᠤ ᠶᠠᠪᠤᠭᠰᠠᠠ ᠶᠤᠮ᠃ | ᠡᠷᠭᠡ ᠦᠰᠦᠭᠰᠠᠨ ᠬᠠᠷᠠᠨᠢᠲᠤᠨ ᠪᠠᠭᠠ ᠪᠠᠯᠴᠢᠷ ᠨᠠᠰᠤᠨ ᠠᠴᠠ ᠪᠠᠨ ᠬᠦᠭᠡᠷᠦᠬᠦᠨ ᠶᠠᠭᠤᠮᠠ ᠪᠤᠯᠭᠠᠨ ᠮᠢᠨᠤ ᠭᠡᠲᠡᠭ ︽ᠮᠠᠭᠤᠬᠠᠢ︾ ᠵᠠᠩ ᠲᠠᠢ᠃ ᠠᠷᠪᠠᠨ | ᠭᠤᠷᠪᠠᠲᠠᠢ ᠲᠡᠷᠡ ᠵᠢᠯ᠂ ᠠᠲᠤᠭᠤᠨ ᠰᠦᠷᠦᠭ ᠲᠤᠨᠢ ᠲᠤᠩ ᠴᠦ ᠬᠦᠭᠡᠷᠦᠬᠦᠨ ᠰᠠᠷᠠᠯ ᠤᠨᠠᠭᠠ ᠪᠠᠶᠢᠬᠤ ᠶᠢ ᠦᠵᠡᠭᠡᠳ ᠮᠢᠨᠤ ᠭᠡᠵᠤ ︽ᠬᠤᠪᠢᠨ ᠤ ᠦᠮᠴᠢ︾ ᠪᠠᠨ | ᠪᠤᠯᠭᠠᠯᠠ᠃ ᠠᠯᠢᠶᠠ ᠭᠡᠤᠭᠡᠳ ᠤᠨ ᠭᠠᠷ ᠲᠤ ᠤᠷᠤᠭᠰᠠᠨ ᠬᠦᠭᠡᠷᠦᠬᠦᠨ ᠤᠨᠠᠭᠠ ︽ᠲᠠᠮᠤ︾ ᠪᠠᠨ ᠦᠵᠡᠵᠦ᠂ ᠤᠨᠠᠭᠠ ᠠᠴᠠ ᠪᠠᠨ ᠤᠨᠤᠭᠠᠷᠢ ᠶᠢᠨ ᠮᠤᠷᠢᠨ ᠤ ︽ | ᠬᠠᠯᠠ︾ ᠶᠢ ᠠᠮᠰᠠᠭᠰᠠᠨ ᠪᠢᠯᠡ᠃ ᠨᠦᠬᠦᠭᠡ ᠲᠠᠯᠠ ᠠᠴᠠ ᠠᠪᠴᠤ ᠭᠡᠯᠡᠪᠡᠯ ᠬᠠᠷᠠᠨᠢᠲᠤᠨ ᠰᠠᠨᠠᠭᠠᠨ ᠳᠤ ᠦᠭᠡᠢ ᠪᠠᠷ ᠡᠮᠨᠢᠭ ᠰᠤᠷᠭᠠᠭᠰᠠᠨ ᠤᠴᠢᠷ ᠪᠤᠯᠵᠠᠢ᠃ ᠰᠠᠷᠠᠯ | ᠤᠨᠠᠭᠠ ᠴᠦ ᠡᠲᠦᠷ ᠤᠨ ᠤᠲᠠᠭᠠᠨ ᠳᠤ ᠡᠨᠡᠬᠦ ᠪᠢᠴᠢᠬᠠᠨ ᠡᠵᠡᠨ ᠢᠶᠠᠨ ᠲᠡᠨᠢᠨ ᠮᠡᠲᠡᠷᠡᠵᠦ᠂ ᠬᠤᠷᠮᠦ᠋ᠢᠲᠠᠨ ᠲᠠᠭᠠᠵᠤ ᠡᠷᠭᠡᠯᠡᠨ ᠲᠤᠭᠯᠠᠭᠰᠠᠭᠠᠷ ᠤᠯᠠᠨ ᠤ ᠪᠠᠬᠠ ᠶᠢ | ᠲᠠᠲᠠᠭᠰᠠᠨ ᠠᠷᠠᠮᠠᠭ ᠰᠠᠶᠢᠬᠠᠨ ᠬᠦᠯᠦᠭ ᠪᠤᠯᠬᠤ ᠳᠤ ᠲᠡᠬᠦᠨ ᠤ ᠡᠵᠡᠨ ᠬᠠᠷᠠᠨᠢᠲᠤᠨ ᠴᠦ ᠲᠠᠪᠬᠤᠷ ᠠᠯᠠᠭ ᠨᠢᠲᠦ ᠲᠠᠢ ᠲᠤᠮᠤ ᠭᠡᠤᠭᠡᠨ ᠪᠤᠯᠵᠠᠢ᠃ ᠮᠥᠨ ᠯᠡ ᠡᠨᠡ | ᠦᠶᠠ ᠠᠴᠠ ᠡᠬᠢᠯᠡᠨ ᠰᠠᠯᠬᠢᠨ ᠬᠤᠷᠲᠤ ᠲᠠᠢ ᠰᠠᠶᠢᠬᠠᠨ ᠡᠵᠡᠨ ᠤ ᠪᠠᠨ ᠰᠠᠨᠠᠭᠠ ᠶᠢ ᠨᠡᠪᠲᠡ ᠮᠡᠲᠡᠲᠡᠭ ᠰᠠᠷᠠᠯ ᠮᠤᠷᠢ ᠶᠢᠨ ᠰᠠᠶᠢᠨ ᠢᠶᠠᠷ ᠬᠠᠷᠠᠨᠢᠲᠤᠨ ᠭᠡᠤᠭᠡᠨ ᠨᠤᠭᠲᠤ | ᠲᠠᠯᠪᠢᠵᠤ ᠡᠬᠢᠯᠡᠭᠰᠡᠨ ᠶᠤᠮ᠃ ᠠᠩᠬᠠ ᠡᠬᠢᠨ ᠳᠤ ᠪᠠᠨ ᠮᠤᠷᠢ ᠬᠦᠮᠦᠨ ᠬᠤᠶᠠᠭᠤᠯᠠ ᠨᠤᠭᠲᠤ ᠲᠠᠯᠪᠢᠬᠤ ᠳᠤ ᠰᠤᠷᠮᠠᠭᠠᠢ ᠪᠢᠰᠢ ᠪᠠᠶᠢᠭᠰᠠᠨ ᠴᠦ ᠭᠡᠲᠦ ᠤᠲᠠᠭᠠ | ᠪᠤᠯᠬᠤ ᠪᠠᠷ ᠨᠢ ᠡᠪ ᠲᠡᠮ ᠢ ᠨᠢ ᠤᠯᠵᠤ᠂ ᠤᠷᠠᠳ ᠨᠤᠲᠤᠭ ᠲᠤ ᠨᠤᠭᠲᠤ ᠲᠠᠯᠪᠢᠬᠤ ᠰᠢᠨᠠ ᠤᠲᠤᠨ ᠪᠤᠯᠵᠤ ᠬᠢᠯᠠᠯᠵᠠᠵᠠᠢ᠃ | ᠡᠮᠡᠭᠲᠡᠶᠢᠴᠤᠳ ᠨᠤᠭᠲᠤ ᠲᠠᠯᠪᠢᠬᠤ ᠵᠠᠩᠰᠢᠯ ᠤᠷᠠᠳ ᠨᠤᠲᠤᠭ ᠪᠠ ᠲᠡᠷᠬᠠᠨ ᠮᠤᠤᠮᠢᠩᠭᠠᠨ ᠳᠤ ᠯᠠ ᠪᠠᠶᠢᠲᠠᠭ᠃ ᠤᠷᠠᠳ ᠨᠤᠲᠤᠭ ᠲᠤ ᠲᠠᠤᠭᠡᠨ ᠠᠴᠠ | ᠠᠪᠤᠭᠠᠳ ᠨᠤᠲᠤᠭ ᠤᠷᠤᠨ ᠳᠤ ᠪᠠᠨ ᠨᠡᠷᠡ ᠠᠯᠲᠠᠷᠲᠠᠢ ᠨᠤᠭᠲᠤ ᠲᠠᠯᠪᠢᠭᠴᠢ ᠤᠯᠠᠨ ᠪᠠᠶᠢᠵᠤ᠂ ᠠᠲᠤᠭᠤᠨ ᠰᠤᠶᠤᠯ ᠤᠨ ᠨᠠᠶᠢᠷ ᠪᠤᠯᠬᠤ ᠪᠠᠷ ᠡᠮᠡᠭᠲᠡᠶᠢᠴᠤᠳ ᠤᠨ | ᠨᠤᠭᠲᠤ ᠲᠠᠯᠪᠢᠬᠤ ᠨᠢ ᠬᠦᠮᠦᠰ ᠤᠨ ᠠᠩᠬᠠᠷᠤᠯ ᠢ ᠲᠡᠲᠡᠨ᠂ ᠨᠠᠶᠢᠷ ᠤᠨ ᠴᠢᠮᠡᠭ ᠪᠤᠯᠲᠠᠭ ᠰᠠᠨ᠃ | ᠬᠠᠷᠠᠨᠢᠲᠤᠨ ᠭᠡᠤᠭᠡᠨ ᠨᠤᠭᠲᠤ ᠲᠠᠯᠪᠢᠬᠤ ᠤᠷᠠ ᠮᠡᠷᠭᠡᠵᠢᠯ ᠳᠤ ᠮᠡᠷᠭᠡᠰᠢᠵᠦ᠂ ᠲᠦᠮᠡᠨ ᠤᠯᠠᠨ ᠤ ᠨᠢᠲᠤ ᠶᠢ ᠬᠤᠵᠢᠷᠯᠠᠨ᠂ ᠬᠠᠷᠴᠠᠭᠠᠢ ᠰᠢᠭ᠋ ᠬᠠᠯᠢᠵᠤ᠂ | ᠪᠦᠷᠬᠦᠳ ᠰᠢᠭ ᠰᠢᠬᠦᠷᠦᠨ᠂ ᠰᠠᠷᠠᠯ ᠮᠤᠷᠢ ᠨᠢ ᠰᠤᠮᠤᠲᠠᠭᠠᠳ ᠤᠷᠤᠬᠤ ᠳᠤ ᠰᠤᠷ ᠤᠨ ᠨᠤᠭᠲᠤ ᠡᠮᠨᠢᠭ ᠤᠨ ᠲᠤᠯᠤᠭᠠᠢ ᠳᠤ ᠪᠠᠶᠢᠲᠠᠭ ᠨᠢ ᠭᠠᠶᠢᠬᠠᠯᠲᠠᠢ᠃ ︽ᠡᠨᠡ | ᠭᠡᠨ ᠤ ᠭᠡᠤᠭᠡᠨ ᠪᠤᠢ︖ ᠨᠤᠭᠲᠤ ᠰᠠᠶᠢᠬᠠᠨ ᠲᠠᠯᠪᠢᠵᠤ ᠪᠠᠶᠢᠨᠠ᠂ ᠤᠷᠠᠳ ᠨᠤᠲᠤᠭ ᠲᠤ ᠪᠠᠰᠠ ᠨᠢᠭᠡ ᠰᠠᠶᠢᠨ ᠨᠤᠭᠲᠤ ᠲᠠᠯᠪᠢᠭᠴᠢ ᠭᠠᠷᠬᠤ ᠨᠢ︾ ᠭᠡᠵᠤ | ᠦᠵᠡᠭᠰᠡᠨ ᠪᠦᠬᠦᠨ ᠱᠠᠭᠰᠢᠨᠠ᠃ ᠲᠡᠮᠡᠢ ᠤᠲᠠᠯ ᠦᠭᠡᠢ ᠬᠦᠮᠦᠰ ᠬᠠᠷᠡᠨᠢᠲᠤᠨ ᠤ ᠨᠤᠭᠲᠤ ᠲᠠᠯᠪᠢᠬᠤ ᠶᠢ ᠤᠯᠵᠤ ᠬᠠᠷᠠᠬᠤ ᠪᠠᠨ ᠪᠤᠯᠢᠪᠠ᠃ ᠤᠲᠠᠭᠠᠨ ᠵᠢᠯ ᠤᠯᠵᠤ | ᠬᠠᠷᠠᠭᠰᠠᠨ ᠦᠭᠡᠢ ᠠᠴᠠ ᠪᠤᠯᠵᠤ᠂ ᠪᠦᠷ ᠮᠠᠷᠲᠠᠴᠢᠬᠠᠭᠰᠠᠨ ᠪᠠᠶᠢᠯᠠ᠃ | ᠬᠠᠷᠡᠨᠢᠲᠤᠨ ᠢ ᠠᠷᠪᠠᠨ ᠨᠠᠢᠮᠠ ᠶᠢᠰᠤ ᠲᠠᠢ ᠲᠡᠷᠡ ᠵᠢᠯ᠂ ᠰᠠᠷᠠᠯ ᠮᠤᠷᠢ ᠨᠢ ᠭᠡᠨᠡᠳᠲᠠ ᠡᠪᠡᠳᠴᠢᠯᠡᠵᠡᠢ᠃ ᠭᠡᠲᠦᠢ ᠡᠮᠴᠢᠯᠡᠭᠰᠡᠨ ᠴᠦ ᠢᠯᠡᠷᠢ ᠪᠤᠯᠤᠭᠰᠠᠨ | ᠦᠭᠡᠢ ᠨᠢᠲᠤ ᠪᠠᠨ ᠠᠨᠢᠵᠠᠢ᠃ ᠤᠨᠠᠭᠠ ᠪᠠᠶᠢᠬᠤ ᠳᠤᠨᠢ ᠤᠨᠤᠵᠤ᠂ ᠲᠠᠭᠠ ᠪᠠᠶᠢᠬᠤ ᠳᠤᠨᠢ ᠲᠠᠪᠬᠢᠭᠤᠯᠵᠤ᠂ ᠲᠠᠩᠴᠤ ᠤᠯᠠᠨ ᠨᠠᠭᠠᠲᠤᠮ ᠢᠶᠠᠷ ᠲᠠᠶᠠᠭᠠᠷ | ᠤᠯᠠᠨ ᠳᠤ ᠪᠠᠨ ᠱᠠᠭᠰᠢᠭᠲᠠᠭᠰᠠᠨ ᠬᠠᠶᠢᠷᠠᠲᠤ ᠬᠦᠯᠦᠭ ᠲᠠᠢ ᠪᠠᠨ ᠢᠩᠬᠢᠵᠦ ᠬᠠᠭᠠᠴᠠᠬᠤ ᠨᠢ ᠬᠠᠷᠠᠨᠢᠲᠤᠨ ᠤ ᠵᠡᠬᠦᠲᠦᠨ ᠳᠤ ᠴᠦ ᠪᠠᠶᠢᠭᠠ ᠦᠭᠡᠢ ᠤᠴᠢᠷ᠃ | ᠰᠡᠬᠦᠲᠡᠷ ᠠᠴᠠ ᠪᠠᠨ ᠨᠠᠳᠬᠤᠨ ᠪᠤᠯᠬᠢᠵᠤ ᠲᠡᠬᠦᠨ ᠢ ᠬᠠᠶᠠᠵᠤ ᠪᠠᠶᠢᠭᠰᠠᠨ ᠨᠢ ᠪᠤᠲᠤᠭᠲᠠᠨᠠ᠂ ᠰᠡᠬᠦᠯ ᠢᠶᠠᠷ ᠢᠶᠠᠨ ᠨᠠᠭᠠᠲᠤᠨ ᠲᠤᠭᠯᠠᠵᠤ ᠲᠡᠬᠦᠨ ᠲᠠᠢ ᠡᠷᠭᠡᠯᠡᠵᠦ | ᠪᠠᠶᠢᠭᠰᠠᠨ ᠨᠢ ᠦᠵᠡᠭᠲᠡᠨᠠ᠃ ᠬᠠᠷᠠᠨᠢᠲᠤᠨ ᠰᠡᠳᠬᠢᠯ ᠢᠶᠠᠷ ᠤᠨᠠᠵᠠᠢ ᠁ | ᠤᠯᠠᠨ ᠵᠦᠢᠯ ᠤᠨ ᠰᠢᠯᠲᠠᠭᠠᠨ ᠢᠶᠠᠷ ᠤᠷᠠᠳ ᠨᠤᠲᠤᠭ ᠲᠤ ᠠᠲᠤᠭᠤ ᠴᠦᠭᠡᠷᠡᠬᠦ ᠶᠢ ᠲᠠᠭᠠᠯᠲᠤᠨ ᠡᠮᠡᠭᠲᠡᠢ ᠨᠤᠭᠲᠤ ᠲᠠᠯᠪᠢᠭᠴᠢ ᠴᠦ ᠡᠲᠦᠷ ᠤᠨ ᠤᠲᠤ | ᠠᠲᠠᠯᠢ ᠪᠤᠯᠤᠭᠰᠠᠨ ᠢ ᠠᠲᠤᠭᠤᠨ ᠰᠤᠶᠤᠯ ᠳᠤ ᠠᠩᠬᠠᠷᠤᠯ ᠲᠠᠯᠪᠢᠵᠤ ᠬᠦᠮᠦᠰ ᠠᠨᠲᠠᠬᠤ ᠶᠤᠰᠤ ᠦᠭᠡᠢ᠃ ᠤᠶᠢᠷᠠ ᠶᠢᠨ ᠭᠡᠲᠦᠨ ᠵᠢᠯ ᠠᠴᠠ ᠠᠲᠤᠭᠤᠨ ᠳᠤ ᠪᠠᠨ | ᠬᠠᠶᠢᠷᠠᠲᠠᠢ ᠬᠦᠮᠤᠰ ᠤᠨ ᠬᠠᠯᠠᠰᠢᠷᠠᠯ ᠦᠭᠡᠢ ᠴᠢᠷᠮᠠᠶᠢᠯᠭᠠ ᠳᠤ ᠤᠷᠠᠳ ᠨᠤᠲᠤᠭ ᠤᠨ ᠠᠲᠤᠭᠤᠨ ᠰᠤᠶᠤᠯ ᠤᠨ ᠦᠢᠯᠡᠰ ᠬᠦᠭᠵᠢᠯᠲᠡ ᠶᠢᠨ ᠱᠠᠲᠤᠨ ᠳᠤ ᠪᠠᠨ | ᠤᠷᠤᠵᠤ᠂ ᠲᠠᠭᠠ ᠲᠠᠮᠠᠭᠠᠯᠠᠬᠤ᠂ ᠦᠷᠢᠶᠠ ᠬᠠᠭᠠᠷᠢᠬᠤ᠂ ᠭᠡᠬᠦᠦ ᠲᠡᠯᠯᠡᠬᠦ᠂ ᠠᠲᠤᠭᠤᠨ ᠰᠤᠶᠤᠯ ᠤᠨ ᠦᠵᠡᠬᠦᠯᠦᠯᠭᠡ ᠵᠡᠷᠭᠡ ᠠᠯᠢ ᠤᠯᠠᠨ ᠠᠵᠢᠯᠯᠠᠭᠠ ᠶᠢ | ᠦᠷᠨᠢᠬᠦᠯᠦᠭᠰᠡᠨ ᠪᠠᠶᠢᠨᠠ᠃ | 2017 ᠤᠨ ᠤ ᠴᠠᠭᠠᠨ ᠰᠠᠷᠠ ᠶᠢᠨ ᠲᠠᠷᠠᠭᠠᠬᠠᠨ᠂ ᠬᠠᠷᠠᠨᠢᠲᠤᠨ ᠨᠤᠲᠤᠭ ᠲᠤ ᠪᠠᠨ ᠬᠠᠷᠢᠬᠤ ᠳᠤ ᠡᠷᠲᠡᠮᠲᠤ ᠪᠤᠯᠤᠨ ᠲᠡᠬᠦᠦ ᠲᠠᠪᠰᠢᠯ ᠨᠢ ᠠᠲᠤᠭᠤ ᠪᠠᠨ | ᠡᠮᠨᠡᠬᠦ ᠲᠠᠢ ᠲᠠᠭᠠᠷᠠᠵᠠᠢ᠃ ᠬᠠᠷᠠᠨᠢᠲᠤᠨ ᠢ ᠮᠡᠲᠡᠲᠡᠭ ᠲᠠᠨᠢᠲᠠᠭ ᠬᠦᠮᠤᠰ ᠤᠨ ᠵᠤᠷᠢᠭᠵᠢᠭᠤᠯᠤᠯ᠂ ᠦᠶᠡ ᠶᠢᠨ ᠨᠦᠬᠦᠳ ᠤᠨ ᠦᠲᠦᠭᠡᠯᠭᠡ ᠳᠤ 20 ᠰᠢᠬᠠᠮ ᠵᠢᠯ | ᠨᠤᠭᠲᠤ ᠲᠠᠯᠪᠢᠭᠠ ᠦᠭᠡᠢ ᠲᠡᠷᠡ ᠮᠠᠨᠢ ᠴᠦ ᠲᠡᠰᠭᠡᠯ ᠦᠭᠡᠢ ᠠᠭᠲᠠ ᠬᠦᠯᠦᠭ ᠲᠤ ᠪᠠᠨ ᠠᠯᠠᠪᠬᠢᠨ ᠮᠤᠷᠲᠠᠯᠠ᠃ ᠭᠡᠲᠦ᠋ᠢᠪᠡᠷ ᠬᠤᠷᠢ ᠰᠢᠬᠠᠮ ᠵᠢᠯ ᠮᠤᠷᠢ ᠤᠨᠤᠭᠠ | ᠦᠭᠡᠢ ᠴᠦ ᠠᠭᠲᠠ ᠶᠢᠨ ᠨᠢᠷᠤᠭᠤᠨ ᠳᠤ ᠠᠬᠢᠭᠠᠳ ᠮᠤᠷᠲᠠᠬᠤ ᠪᠠᠷ ᠬᠡᠶᠢᠮᠦᠷᠢ ᠨᠢ ᠰᠡᠷᠬᠦᠭᠡᠵᠦ ᠬᠤᠷᠮᠤᠢ ᠭᠡᠶᠢᠰᠭᠡᠨ ᠲᠤᠪᠲᠤᠯᠭᠠᠯᠠ᠃ ᠠᠷᠭᠠ ᠦᠭᠡᠢ ᠯᠠ ᠳ᠋ᠠ᠂ | ᠠᠲᠤᠭᠤᠴᠢᠨ ᠠᠶᠢᠯ ᠤᠨ ᠤᠲᠤᠮ ᠭᠡᠵᠤ ᠡᠶᠢᠮᠦ ᠯᠠ ᠪᠠᠶᠢᠲᠠᠭ᠃ ᠲᠡᠬᠦᠨ ᠠᠴᠠ ᠬᠤᠶᠢᠰᠢ ᠨᠠᠶᠢᠷ ᠨᠠᠭᠠᠲᠤᠮ ᠤᠨ ᠴᠢᠮᠡᠭᠡ ᠶᠢ ᠰᠤᠨᠤᠰᠬᠤ ᠪᠦᠷᠢ ᠰᠡᠳᠬᠢᠯ ᠬᠦᠭᠰᠡᠵᠦ | ᠂ ᠤᠶᠤᠲᠠᠯ ᠤᠨ ᠠᠵᠢᠯ ᠶᠠᠭᠠᠷᠠᠤ ᠪᠠᠶᠢᠲᠠᠭ ᠠᠴᠠ ︽ᠤᠴᠢᠬᠤ ᠦᠭᠡᠢ ᠤᠴᠢᠬᠤ ᠦᠭᠡᠢ︾ ᠭᠡᠵᠤ ᠪᠠᠶᠢᠭᠰᠠᠨ ᠴᠦ ᠡᠲᠦᠷ ᠨᠢ ᠪᠤᠯᠬᠤ ᠪᠠᠷ ᠲᠠᠯᠪᠢᠭᠠᠳ | ᠬᠦᠷᠦᠴᠢᠭᠡᠭᠰᠡᠨ ᠪᠠᠶᠢᠲᠠᠭ ᠡ᠃ ︽ᠲᠤᠷᠠ ᠳᠤ ᠰᠢᠷᠠ ᠦᠭᠡᠢ︾ ᠭᠡᠭᠴᠢ ᠡᠨᠡ ᠪᠠᠶᠢᠬᠠ᠃ ᠭᠡᠲᠦ ᠤᠲᠠᠭᠠᠨ ᠤ ᠠᠲᠤᠭᠤᠨ ᠰᠤᠶᠤᠯ ᠤᠨ ᠨᠡᠶᠢᠷ ᠢᠶᠠᠷ ᠨᠤᠭᠲᠤ | ᠲᠠᠯᠪᠢᠵᠤ ᠶᠠᠪᠤᠬᠤ ᠳᠤ ᠪᠦᠷ ᠪᠤᠰᠤᠳ ᠤᠨ ᠮᠤᠷᠢ ᠶᠢ ᠤᠨᠤᠲᠠᠭ ᠠᠴᠠ ᠶᠡᠷᠦ ᠨᠢ ᠰᠠᠨᠠᠭᠠᠨ ᠳᠤ ᠨᠡᠶᠢᠴᠠᠮᠠ ᠦᠭᠡᠢ ᠪᠠᠶᠢᠭᠰᠠᠨ ᠢᠶᠠᠷ ᠵᠤᠷᠢᠭ ᠰᠢᠭᠤᠲᠤᠨ ᠲᠤᠭᠤᠭᠰᠠᠨ | ᠮᠤᠷᠢ ᠪᠠᠨ ᠮᠦᠩᠬᠦ ᠬᠠᠶᠢᠷᠠᠯᠠᠯ ᠦᠭᠡᠢ ᠬᠤᠲᠠᠯᠲᠤᠨ ᠠᠪᠴᠤ᠂ ᠦᠪᠡᠷ ᠤᠨ ᠭᠡᠰᠡᠨ ᠨᠤᠭᠲᠤ ᠲᠠᠯᠪᠢᠬᠤ ᠮᠤᠷᠢ ᠲᠠᠢ ᠪᠤᠯᠵᠠᠢ᠃ | ᠤᠲᠤ ᠤᠷᠠᠳ ᠨᠤᠲᠤᠭ ᠲᠤ ᠨᠤᠭᠲᠤ ᠲᠠᠯᠪᠢᠲᠠᠭ ᠡᠮᠡᠭᠲᠡᠶᠢᠴᠤᠳ ᠡᠲᠦᠷ ᠢᠷᠡᠬᠦᠶᠠ ᠤᠯᠠᠰᠢᠷᠠᠵᠤ᠂ ᠲᠦᠴᠢ ᠦᠩᠭᠡᠷᠡᠭᠰᠡᠨ ᠪᠦᠰᠡᠬᠦ᠋ᠢᠴᠤᠳ ᠠᠴᠠ ᠡᠬᠢᠯᠡᠨ | ᠰᠠᠶ᠋ᠢ ᠯᠠ ᠬᠤᠷᠢ ᠦᠩᠭᠡᠷᠡᠭᠡ ᠭᠡᠤᠭᠡᠨᠴᠤᠳ ᠬᠦᠷᠲᠡᠯᠠ ᠪᠠᠶᠢᠵᠤ᠂ ᠭᠠᠵᠠᠷ ᠤᠷᠤᠨ ᠤ ᠤᠨᠴᠠᠯᠢᠭ ᠲᠠᠢ ᠨᠤᠭᠲᠤ ᠲᠠᠯᠪᠢᠬᠤ ᠰᠤᠶᠤᠯ ᠢ ᠤᠯᠠᠮᠵᠢᠯᠠᠨ | ᠵᠠᠯᠭᠠᠮᠵᠢᠯᠠᠬᠤ ᠪᠠᠷ ᠵᠢᠷᠭᠠᠯ ᠢᠶᠠᠨ ᠪᠤᠯᠭᠠᠨ᠂ ᠠᠲᠤᠭᠤᠨ ᠰᠤᠶᠤᠯ ᠤᠨ ᠴᠢᠮᠡᠭ ᠪᠤᠯᠵᠤ ᠤᠲᠤᠯᠠᠨᠠ᠃ ᠤᠶᠤᠲᠠᠯᠴᠢᠨ ᠪᠦᠰᠡᠬᠦᠢ ᠬᠠᠷᠠᠨᠢᠲᠤᠨ ᠴᠦ ᠡᠨᠡᠬᠦ ᠬᠤᠷᠸᠠ ᠳᠤ | ᠬᠤᠪᠤᠷᠬᠠᠨ ᠪᠠᠶᠢᠲᠠᠭ ᠰᠤᠶᠤᠯ ᠳᠤ ᠰᠤᠭᠲᠤᠭᠤᠷᠠᠵᠤ᠂ ᠤᠯᠠᠨ ᠤᠯᠠᠨ ᠨᠠᠶᠢᠷ ᠨᠠᠭᠠᠲᠤᠮ ᠢᠶᠠᠷ ᠤᠷᠠ ᠠᠪᠢᠶᠠᠰ ᠢᠶᠠᠨ ᠭᠠᠶᠢᠬᠠᠭᠤᠯᠵᠤ ᠶᠠᠪᠤᠨᠠ᠃ ᠪᠠ᠊ ᠪᠦᠬᠡ ᠶᠢᠨ ︽ | ᠬᠠᠶᠢᠷᠠ ᠪᠠᠷ ᠢᠪᠢᠯᠬᠦ ᠬᠤᠷᠸᠠ︾ ᠭᠡᠬᠦ ᠮᠡᠳᠡᠭᠡᠯᠡᠯ ᠤᠨ ᠤᠷᠠᠨ ᠵᠤᠬᠢᠶᠠᠯ ᠤᠨ ᠲᠡᠭᠦᠪᠦᠷᠢ ᠠᠴᠠ ᠪᠠᠭᠤᠯᠭᠠᠪᠠ |