| | ᠰᠤᠷᠪᠤᠯᠵᠢᠯᠠᠭᠴᠢ ᠤᠢᠢᠷᠠ ᠶᠢᠨ ᠡᠳᠦᠷ ᠤᠷᠠᠳ ᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠠᠬᠠᠮᠠᠳ ᠳᠤᠬᠯᠠᠬᠴᠢ ᠪᠠᠳᠤᠨᠠᠰᠤᠨ ᠤ ᠡᠷᠬᠢᠯᠡᠭᠰᠡᠨ | ︽ᠬᠠᠨᠠᠨ ᠴᠤᠤᠷᠢᠶᠠ︾ ᠪᠠᠭᠠᠴᠤᠳ ᠭᠡᠦᠭᠡᠳ ᠤᠨ ᠮᠤᠷᠢᠨ ᠬᠤᠭᠤᠷ ᠤᠨ ᠠᠩᠭᠢ ᠳᠤ ᠬᠦᠷᠬᠦ ᠳᠤ ᠪᠠᠳᠤᠨᠠᠰᠤᠨ ᠶᠠᠬ ᠬᠡᠤᠬᠡᠳ ᠤᠳ ᠲᠡᠭᠡᠨ ᠮᠤᠷᠢᠨ ᠬᠤᠭᠤᠷ ᠤᠨ | ᠮᠡᠷᠬᠡᠰᠢᠯ ᠵᠢᠭᠠᠭᠠᠳ ᠶᠠᠭᠠᠷᠠᠵᠤ ᠪᠠᠶᠢᠯᠠ᠃ | ᠤᠷᠠᠳ ᠨᠤᠳᠤᠭ ᠤᠨ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠠᠬᠠᠮᠠᠳ ᠲᠤᠭᠯᠠᠭᠴᠢ ᠪᠠᠳᠤᠨᠠᠰᠤᠨ ᠭᠡᠳᠦ᠋ᠢᠪᠡᠷ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠠᠵᠢᠯ ᠠᠴᠠ ᠪᠠᠨ ᠤᠷᠢᠳᠴᠢᠯᠠᠨ | ᠠᠮᠠᠷᠠᠭᠰᠠᠨ ᠪᠤᠯᠪᠠᠴᠤ ᠦᠰᠪᠤᠷᠢ ᠶᠢᠨ ᠪᠠᠭᠠᠴᠤᠳ ᠭᠡᠦᠭᠡᠳ ᠠᠴᠠ ᠦᠳᠡᠯᠦᠭᠡ ᠪᠤᠭᠤᠷᠤᠯ ᠨᠠᠰᠤᠳᠠᠶᠢᠴᠤᠳ ᠲᠤ ᠦᠨᠳᠤᠰᠤᠳᠡᠨ ᠤ ᠪᠠᠨ ᠤᠯᠠᠮᠵᠢᠯᠠᠯᠳᠤ ᠮᠤᠷᠢᠨ | ᠬᠤᠭᠤᠷ ᠢ ᠵᠢᠭᠠᠨ ᠰᠤᠷᠭᠠᠵᠤ ᠦᠪᠯᠡᠨ ᠤᠯᠠᠮᠵᠢᠯᠠᠭᠤᠯᠬᠤ ᠠᠵᠢᠯ ᠤᠨ ᠰᠢᠨᠡ ᠠᠶᠠᠨ ᠳᠠᠭᠠᠨ ᠢᠳᠡᠭᠡᠯ ᠲᠦᠭᠦᠷᠡᠩ ᠭᠠᠪᠰᠢᠭᠠᠶᠢᠯᠠᠨᠠ᠃ | ᠪᠠᠳᠤᠨᠠᠰᠤᠨ 1980 ᠣᠨ ᠳᠤ 15 ᠲᠠᠢ ᠳᠠᠭᠠᠨ ᠤᠷᠠᠳ ᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠲᠤ ᠮᠤᠷᠢᠨ ᠬᠤᠭᠤᠷᠴᠢᠨ ᠢᠶᠠᠷ ᠡᠯᠰᠡᠭᠳᠡᠵᠤ᠂ | ᠮᠤᠷᠢᠨ ᠬᠤᠭᠤᠷ ᠤᠨ ᠢᠶᠠᠨ ᠬᠤᠶᠠᠷ ᠤᠳᠠᠰᠤ ᠲᠠᠢ ᠠᠳᠠᠯᠢ ᠪᠠᠷ ᠦᠪᠡᠷ ᠤᠨ ᠢᠶᠠᠨ ᠬᠤᠪᠢ ᠵᠠᠶᠠᠭᠠ ᠶᠢ ᠲᠠᠭᠤᠤ ᠭᠦᠭᠵᠢᠮ ᠲᠠᠢ ᠨᠢᠠᠠᠳᠠ ᠬᠤᠯᠪᠤᠵᠤ᠂ ᠤᠯᠠᠨ | ᠵᠢᠯ ᠤᠨ ᠲᠤᠷᠰᠢ ᠬᠤᠭᠤᠷ ᠭᠦᠭᠵᠢᠮ ᠢᠶᠠᠷ ᠮᠠᠯᠴᠢᠨ ᠲᠦᠮᠡᠨ ᠢᠶᠠᠨ ᠪᠠᠶᠠᠰᠬᠠᠨ᠂ ᠤᠷᠠᠯᠢᠭ ᠤᠨ ᠵᠠᠮ ᠢᠶᠠᠨ ᠡᠯᠭᠦᠵᠠᠢ᠃ | ᠪᠠᠳᠤᠨᠠᠰᠤᠨ ᠰᠤᠷᠪᠤᠯᠵᠢᠯᠠᠬᠴᠢ ᠳᠤ᠄ ︽ᠲᠡᠷᠡ ᠦᠶᠡ ᠶᠢᠨ ᠠᠵᠢᠯ ᠬᠠᠳᠠᠭᠤ᠂ ᠡᠭᠦᠷᠭᠡ ᠴᠢᠩᠭᠠ᠂ ᠡᠭᠦᠷᠭᠡ ᠪᠠᠨ ᠵᠠᠪᠠᠯ ᠪᠡᠶᠡᠯᠡᠭᠦᠯᠦᠭᠰᠡᠨ ᠪᠠᠶᠢᠬᠤ | ᠭᠡᠷᠡᠭᠳᠠᠢ᠂ ᠲᠤᠷᠤᠭᠰᠢ ᠶᠠᠪᠤᠬᠤ ᠳᠤ ᠭᠠᠭᠴᠠᠬᠠᠨ ᠵᠢᠶ᠋ᠶᠧ ᠹᠠᠩ ᠲᠡᠷᠭᠡ ᠲᠠᠢ᠂ ᠡᠭᠦᠨ ᠤ ᠲᠡᠭᠡᠷᠡ ᠪᠠᠨ ᠦᠪᠡᠷ ᠦᠪᠡᠷ ᠤᠨ ᠢᠶᠠᠨ ᠤᠷᠤ ᠭᠦᠨᠵᠢᠯᠡ ᠪᠠᠨ ᠠᠪᠤᠨᠠ᠂ | ᠬᠠᠮᠢᠭᠠ ᠤᠴᠢᠪᠠᠯ ᠬᠠᠮᠢᠭᠠ᠂ ᠭᠡᠷ ᠲᠤᠭᠢᠷᠠᠪᠠᠯ ᠭᠡᠷ ᠲᠤ ᠬᠤᠨᠤᠨᠠ᠂ ᠭᠡᠷ ᠲᠤᠭᠢᠷᠠᠬᠤ ᠦᠭᠡᠢ ᠪᠤᠯ ᠤᠷᠤ ᠭᠦᠨᠵᠢᠯᠡ ᠪᠠᠨ ᠡᠭᠦᠷᠦᠭᠡᠳ ᠭᠦᠳᠡᠭᠡ ᠭᠠᠳᠠᠨᠠ ᠤᠴᠢᠵᠤ | ᠬᠤᠨᠤᠨᠠ᠂ ᠢᠩᠭᠢᠵᠤ ᠭᠦᠳᠡᠭᠡ ᠭᠠᠳᠠᠨᠠ ᠬᠤᠨᠤᠳᠠᠬ ᠪᠤᠯᠪᠠᠴᠤ ᠵᠢᠭᠳᠡᠶᠢᠭᠡᠨ ᠪᠠᠶᠠᠷᠳᠠᠢ ᠪᠠᠶᠢᠬᠰᠠᠨ᠂ ᠵᠢᠯ ᠳᠡᠭᠡᠨ ᠪᠠᠷᠤᠭ ᠭᠦᠳᠡᠭᠡ ᠪᠠᠷ ᠶᠠᠪᠤᠨᠠ᠂ ᠰᠤᠶᠤᠯ ᠤᠨ | ᠲᠡᠷᠭᠡ ᠭᠡᠵᠤ ᠲᠤᠷᠤᠭᠰᠢ ᠪᠠᠨ ᠪᠠᠭᠤᠪᠠᠯ ᠭᠤᠷᠪᠠᠨ ᠠᠶᠢᠯ ᠠᠴᠠ ᠲᠡᠭᠡᠭᠰᠢ ᠪᠠᠶᠢᠪᠠᠯ ᠤᠳᠤ ᠵᠠᠪᠠᠯ ᠤᠴᠢᠨᠠ᠂ ᠲᠡᠷᠡ ᠦᠶᠠ ᠮᠠᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠭᠦᠮᠦᠨ | ᠴᠦᠭᠡᠨ᠂ ᠲᠤᠯᠤᠭᠠ ᠨᠡᠢᠮᠠᠨ ᠭᠦᠮᠦᠨ᠂ ᠢᠩᠭᠢᠭᠡᠳ ᠬᠠᠭᠠᠰ ᠴᠠᠭ ᠤᠨ ᠲᠤᠭᠯᠠᠯᠳᠠ ᠭᠠᠷᠭᠠᠨᠠ᠂ ᠠᠷᠤ ᠠᠴᠠ ᠨᠢ ᠨᠤᠮ ᠰᠡᠳᠭᠦᠯ ᠲᠡᠯᠭᠡᠨ ᠦᠵᠡᠭᠦᠯᠦᠨᠡ᠂ ᠦᠰᠦ | ᠭᠡᠵᠢᠭᠡ ᠶᠢ ᠨᠢ ᠵᠠᠰᠠᠨᠠ᠂ ᠮᠠᠯᠴᠢᠳ ᠤᠨ ᠶᠠᠮᠠᠷ ᠴᠢᠬᠤᠯᠠᠳᠠᠢ ᠠᠵᠢᠯ ᠪᠠᠶᠢᠪᠠᠯ ᠬᠠᠪᠰᠤᠷᠤᠨ ᠬᠢᠵᠤ᠂ ᠤᠰᠤ ᠲᠦᠯᠡᠭᠡ ᠵᠦᠭᠡᠭᠡᠭᠦ ᠵᠡᠷᠭᠡ ᠠᠶᠢᠯ ᠤᠨ ᠠᠵᠢᠯ ᠢ | ᠬᠠᠪᠰᠤᠷᠴᠤ ᠭᠢᠨᠡ᠂ ᠤᠷᠤᠢ ᠪᠤᠯ ᠺᠢᠨᠣ᠋ ᠭᠠᠷᠭᠠᠨᠠ᠂ ᠢᠩᠭᠢᠭᠡᠳ ᠨᠢᠭᠡ ᠤᠳᠠᠭᠠ ᠶᠠᠪᠤᠬᠤ ᠳᠤ ᠪᠠᠷᠤᠭ 20 ᠭᠡᠳᠤᠨ ᠡᠳᠤᠷ ᠶᠠᠪᠤᠨᠠ ᠁︾ ᠬᠡᠵᠦ | ᠦᠩᠬᠡᠷᠡᠭᠰᠡᠨ ᠢᠶᠠᠨ ᠡᠷᠬᠢᠴᠡᠬᠦᠯᠦᠨᠠ᠃ | ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠤᠯᠠᠭᠠᠨᠮᠦ᠋ᠴᠢᠷ ᠭᠡᠭᠴᠢ ᠲᠤᠭᠯᠠᠭᠴᠢ ᠴᠦᠭᠡᠨ ᠤᠴᠢᠷ ᠠᠴᠠ ᠭᠦᠮᠦᠨ ᠪᠤᠯᠭᠠᠨ ᠢ ᠨᠢᠭᠡ ᠵᠦᠢᠯ ᠳᠤ ᠮᠡᠷᠭᠡᠰᠢᠵᠤ᠂ ᠤᠯᠠᠨ ᠲᠠᠯᠠ | ᠴᠠᠭᠠᠷᠠᠬᠤ ᠶᠢ ᠱᠠᠭᠠᠷᠳᠠᠵᠤ ᠪᠠᠶᠢᠳᠠᠭ ᠪᠤᠯᠬᠤᠷ ᠪᠠᠳᠤᠨᠠᠰᠤᠨ ᠪᠡᠶᠡ ᠳᠡᠭᠡᠨ ᠴᠢᠩᠭᠠ ᠱᠠᠭᠠᠷᠳᠠᠯᠭᠠ ᠲᠠᠯᠪᠢᠵᠤ ᠰᠢᠷᠭᠠᠭᠤ ᠬᠠᠳᠠᠭᠤᠵᠢᠯᠳᠠᠢ ᠰᠤᠷᠴᠤ ᠪᠤᠯᠪᠠᠰᠤᠷᠠᠳᠠᠭ | ᠢᠶᠠᠷ ᠢᠶᠠᠨ ᠮᠤᠷᠢᠨ ᠬᠤᠭᠤᠷ ᠢᠶᠠᠨ ᠲᠠᠳᠠᠬᠤ ᠠᠴᠠ ᠭᠠᠳᠠᠨᠠ ᠬᠤᠶᠠᠷ ᠤᠳᠠᠰᠤᠳᠤ ᠬᠤᠭᠤᠷ᠂ ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ᠂ ᠶᠠᠩᠴᠢᠩ ᠵᠡᠷᠭᠡ ᠳᠤ | ᠴᠠᠭᠠᠷᠠᠬᠤ ᠶᠢᠨ ᠬᠠᠮᠳᠤ ᠪᠠᠰᠠ ᠲᠠᠭᠤᠨ ᠤ ᠠᠶᠠ᠂ ᠪᠦᠵᠢᠭ ᠤᠨ ᠠᠶᠠ ᠵᠤᠭᠢᠶᠠᠨ ᠪᠦᠳᠦᠭᠡᠭᠦ ᠲᠠᠯᠠ ᠪᠠᠷ ᠮᠡᠷᠭᠡᠰᠢᠵᠤ᠂ ᠤᠳᠠᠯ ᠦᠭᠡᠢ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠢᠶᠠᠨ | ᠭᠤᠤᠯ ᠲᠤᠭᠯᠠᠭᠴᠢ ᠨᠢ ᠪᠤᠯᠵᠠᠢ᠃ | ᠪᠠᠳᠤᠨᠠᠰᠤᠨ 30 ᠭᠠᠷᠤᠢ ᠵᠢᠯ ᠦᠨᠳᠤᠰᠤᠨ ᠱᠠᠳᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠲᠤ ᠠᠵᠢᠯᠯᠠᠬᠰᠠᠨ ᠬᠤᠭᠤᠴᠠᠭᠠᠨ ᠳᠠᠭᠠᠨ ︽ᠨᠠᠭᠠᠳᠤᠮ ᠳᠤ ᠶᠠᠪᠤᠬᠤ︾᠂ ︽ | ᠭᠤᠪᠢ ᠶᠢᠨ ᠤᠯᠠᠭᠠᠨ ᠲᠡᠮᠡᠭᠡ︾᠂ ︽ᠵᠠᠭ ᠤᠨ ᠤᠢ︾ ᠵᠡᠷᠭᠡ 80 ᠭᠠᠷᠤᠢ ᠲᠠᠭᠤᠤ ᠪᠦᠵᠢᠭ ᠤᠨ ᠠᠶᠠ ᠵᠤᠭᠢᠶᠠᠨ ᠪᠦᠳᠦᠭᠡᠵᠤ᠂ 20 ᠭᠠᠷᠤᠢ ᠪᠦᠳᠦᠭᠡᠯ ᠨᠢ | ᠪᠠᠶᠠᠨᠨᠠᠭᠤᠷ ᠬᠤᠳᠠ ᠶᠢᠨ ︽ᠲᠠᠪᠦ ᠨᠢᠭᠡ ᠶᠢᠨ ᠢᠨᠵᠧᠨᠧᠷᠢᠩ︾ ᠤᠨ ᠱᠠᠩᠨᠠᠯ ᠢ ᠲᠤᠰᠴᠤ᠂ ᠦᠨᠳᠤᠰᠤᠳᠡᠨ ᠤ ᠪᠠᠨ ᠰᠤᠶᠤᠯ ᠤᠷᠠᠯᠢᠭ ᠤᠨ ᠤᠶᠢᠯᠡᠰ ᠤᠨ | ᠭᠦᠭᠵᠢᠯᠳᠡ ᠳᠤ ᠨᠡᠮᠡᠷᠢ ᠬᠠᠨᠳᠢᠪ ᠢᠶᠠᠨ ᠬᠠᠷᠠᠮ ᠦᠭᠡᠢ ᠦᠵᠡᠭᠦᠯᠦᠭᠰᠡᠭᠡᠷ ᠢᠷᠡᠵᠠᠢ᠃ | 2010 ᠣᠨ ᠳᠤ ᠪᠠᠳᠤᠨᠠᠰᠤᠨ ᠬᠤᠰᠢᠭᠤᠨ ᠤ ᠪᠠᠨ ᠰᠤᠶᠤᠯ ᠷᠠᠳᠢᠣ᠋ ᠲᠧᠯᠸᠢᠰ ᠤᠨ ᠲᠤᠪᠴᠢᠶᠠᠨ ᠳᠤ ᠠᠵᠢᠯ ᠰᠢᠯᠵᠢᠵᠤ᠂ ᠦᠨᠳᠤᠰᠤᠨ ᠳᠡᠭᠡᠨ | ᠤᠷᠢᠳᠴᠢᠯᠠᠨ ᠠᠵᠢᠯ ᠤᠨ ᠠᠮᠠᠷᠠᠯᠳᠠ ᠪᠠᠨ ᠠᠪᠤᠭᠰᠠᠨ ᠪᠠᠶᠢᠪᠠ᠃ | ᠭᠡᠪᠡᠴᠤ ᠲᠡᠷᠡ ︽ᠵᠦᠭᠡᠷ ᠰᠠᠭᠤᠬᠤ ᠠᠴᠠ ᠵᠦᠯᠭᠦᠵᠦ ᠰᠠᠭᠤ︾ ᠭᠡᠭᠴᠢ ᠪᠠᠷ ᠠᠮᠢᠨ ᠬᠠᠶᠢᠷᠠᠳᠠᠢ ᠮᠤᠷᠢᠨ ᠬᠤᠭᠤᠷ ᠤᠨ ᠤᠶᠢᠯᠡᠰ ᠢᠶᠠᠨ ᠬᠤᠶᠢᠴᠢ | ᠦᠶᠡ ᠶᠢᠨ ᠬᠢᠨ ᠳᠡᠭᠡᠨ ᠦᠪᠯᠡᠨ ᠤᠯᠠᠮᠵᠢᠯᠠᠵᠤ ᠦᠭᠭᠦ ᠠᠯᠤᠰ ᠤᠨ ᠪᠤᠳᠤᠯ ᠳᠤ ᠭᠦᠳᠦᠯᠦᠭᠳᠡᠨ᠂ ︽ᠬᠠᠨᠠᠨ ᠴᠤᠤᠷᠢᠶᠠ︾ ᠪᠠᠭᠠᠴᠤᠳ ᠭᠡᠦᠭᠡᠳ ᠤᠨ ᠮᠤᠷᠢᠨ | ᠬᠤᠭᠤᠷ ᠤᠨ ᠠᠩᠭᠢ ᠢ ᠡᠷᠭᠢᠯᠡᠨ᠂ ᠦᠪᠤᠷ ᠮᠤᠩᠭᠤᠯ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ᠂ ᠲᠦᠪ ᠤᠨ ᠦᠨᠳᠤᠰᠤᠳᠡᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠵᠡᠷᠭᠡ ᠶᠡᠭᠡ ᠲᠡᠭᠡᠳᠤ | ᠰᠤᠷᠭᠠᠭᠤᠯᠢ ᠳᠤ ᠤᠷᠢᠳ ᠬᠤᠵᠢᠳ 10 ᠭᠠᠷᠤᠢ ᠭᠡᠦᠭᠡᠳ ᠢ ᠮᠤᠷᠢᠨ ᠬᠤᠭᠤᠷ ᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠢᠶᠠᠷ ᠰᠢᠯᠭᠠᠨ ᠤᠷᠤᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | 2014 ᠣᠨ ᠳᠤ ᠪᠠᠳᠤᠨᠠᠰᠤᠨ ᠪᠠᠶᠠᠨᠨᠠᠭᠤᠷ ᠬᠤᠳᠠ ᠶᠢᠨ ᠨᠠᠰᠤᠳᠠᠶᠢᠴᠤᠳ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠮᠤᠷᠢᠨ ᠬᠤᠭᠤᠷ ᠤᠨ ᠪᠠᠭᠰᠢ ᠪᠠᠷ ᠵᠠᠯᠠᠭᠳᠠᠵᠤ᠂ | ᠦᠰᠪᠤᠷᠢ ᠶᠢᠨ ᠪᠠᠭᠠᠴᠤᠳ ᠲᠤ ᠵᠢᠭᠠᠵᠤ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠦᠳᠡᠯᠦᠭᠡ ᠪᠤᠭᠤᠷᠤᠯᠴᠤᠳ ᠲᠤ ᠮᠤᠷᠢᠨ ᠬᠤᠭᠤᠷ ᠰᠤᠷᠭᠠᠬᠤ ᠬᠠᠳᠠᠭᠤ ᠡᠭᠦᠷᠭᠡ ᠶᠢ ᠡᠭᠦᠷᠭᠡᠯᠡᠵᠤ | ᠠᠪᠤᠭᠠᠳ ᠤᠳᠤ ᠪᠤᠯᠬᠤ ᠳᠤ ᠨᠢᠭᠡᠨᠳᠡ 80 ᠭᠠᠷᠤᠢ ᠰᠤᠷᠤᠭᠴᠢ ᠲᠠᠢ ᠪᠤᠯᠵᠤ᠂ ᠡᠨᠡᠭᠦ ᠨᠠᠰᠤᠳᠠᠶᠢᠴᠤᠳ ᠤᠨ ᠮᠤᠷᠢᠨ ᠬᠤᠭᠤᠷ ᠤᠨ ᠠᠩᠭᠢ ᠨᠢ ᠪᠠᠶᠠᠨᠨᠠᠭᠤᠷ | ᠬᠤᠳᠠ ᠶᠢᠨ ᠡᠯᠡ ᠵᠦᠢᠯ ᠤᠨ ᠰᠤᠶᠤᠯ ᠤᠷᠠᠯᠢᠭ ᠤᠨ ᠭᠦᠳᠡᠯᠭᠡᠭᠡᠨ ᠳᠤ ᠢᠳᠡᠪᠭᠢᠳᠠᠢ ᠤᠷᠤᠯᠴᠡᠨ᠂ ᠨᠡᠶᠢᠭᠡᠮ ᠨᠡᠶᠢᠳᠡ ᠶᠢᠨ ᠰᠠᠶᠢᠨ ᠲᠤᠰᠬᠠᠯ ᠢ ᠤᠯᠤᠭᠰᠠᠨ ᠪᠠᠶᠢᠨᠠ | ᠃ | ᠪᠠᠳᠤᠨᠠᠰᠤᠨ᠄ ︽ᠨᠠᠮ ᠤᠨ ᠠᠷᠪᠠ ᠶᠢᠰᠦᠳᠥᠭᠡᠷ ᠶᠡᠭᠡ ᠬᠤᠷᠠᠯ ᠠᠴᠠ ᠨᠠᠰᠢ᠂ ᠰᠢ ᠶᠢᠨ ᠫᠢᠩ ᠲᠡᠷᠢᠭᠦᠯᠡᠭᠴᠢ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠤᠤᠭᠠᠨ | ᠤᠯᠠᠭᠠᠨᠮᠦ᠋ᠴᠢᠷ ᠲᠤ ᠬᠠᠷᠢᠭᠤ ᠵᠠᠭᠢᠳᠠᠯ ᠪᠢᠴᠢᠵᠤ᠂ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠠᠵᠢᠯ ᠢ ᠶᠡᠭᠡ ᠪᠠᠷ ᠬᠠᠯᠠᠮᠵᠢᠯᠠᠵᠤ᠂ ᠵᠤᠷᠢᠭᠵᠢᠭᠤᠯᠵᠤ᠂ ᠲᠡᠮᠵᠢᠭᠰᠡᠨ ᠪᠠᠶᠢᠨᠠ᠂ | ᠢᠩᠭᠢᠭᠦᠯᠡᠷ ᠤᠯᠠᠭᠠᠨᠮᠦ᠋ᠴᠢᠷ ᠠᠷᠠᠳ ᠲᠦᠮᠡᠨ ᠳᠡᠭᠡᠨ ᠤᠶᠢᠯᠡᠴᠢᠯᠡᠭᠦ ᠤᠷᠠᠯᠢᠭ ᠤᠨᠠᠵᠢᠯ ᠢ ᠨᠠᠮ ᠵᠠᠰᠠᠭ ᠶᠡᠭᠡ ᠪᠠᠷ ᠭᠦᠨᠳᠤᠳᠭᠡᠵᠤ ᠪᠠᠶᠢᠨᠠ᠂ ᠢᠩᠭᠢᠭᠦᠯᠡᠷ ᠪᠢ | ᠪᠠᠰᠠ ᠤᠯᠠᠮ ᠤᠷᠮᠠᠰᠢᠵᠤ᠂ ᠵᠤᠷᠢᠭᠵᠢᠵᠤ᠂ ᠤᠷᠠᠯᠢᠭ ᠤᠨ ᠠᠵᠢᠯ ᠢᠶᠠᠨ ᠨᠡᠩ ᠡᠷᠴᠢᠮᠳᠠᠢ ᠭᠢᠭᠦ ᠡᠶᠢᠮᠤ ᠵᠤᠷᠢᠭ ᠲᠡᠭᠦᠯᠳᠡᠷ ᠪᠠᠶᠢᠨᠠ︾ ᠬᠡᠵᠦ ᠠᠯᠤᠰ ᠤᠨ | ᠬᠦᠰᠡᠯᠡᠩ ᠢᠶᠠᠨ ᠶᠠᠷᠢᠨᠠ᠃ | | | ᠰᠡᠴᠡᠨᠬᠤᠸᠠᠷ | | | |